ଓଭର ଟାଇମ୍ ପାଇଁ କର୍ମଚାରୀଙ୍କ ଲିଖିତ ସହମତି ନେବାକୁ ପଡ଼ିବ, ଦେବାକୁ ହେବ ଦୁଇଗୁଣ ପାରିଶ୍ରମିକ
ନୂଆଦିଲ୍ଲୀ: କର୍ମଚାରୀଙ୍କ ପାଇଁ ଖୁସି ଖବର । ଏଣିକି ଆପଣଙ୍କର ବିନା ସହମତି ତଥା ଲିଖିତ ଅନୁମତି ବିନା ଆପଣଙ୍କୁ କଂପାନିରେ ଅଧିକ ସମୟ ଧରି ଖଟାଇପାରିବେ ନାହିଁ କୌଣସି ବି ମାଲିକ । ଯଦି କୌଣସି କର୍ମଚାରୀ ଓଭର ଟାଇମ୍ କରନ୍ତି ତେବେ ତାଙ୍କୁ ତାଙ୍କ ଦରମାର ଦୁଇଗୁଣା କଂପାନିକୁ ଦେବାକୁ ପଡ଼ିବ । ତେବେ ଖୁବ୍ ଶୀଘ୍ର ଏହି ନିୟମ ସାରା ଦେଶରେ ଲାଗୁ କରିବାକୁ ଯାଉଛନ୍ତି ମୋଦି ସରକାର ।
Sambad is now on WhatsApp
Join and get latest news updates delivered to you via WhatsApp
ଯଦି ମୋଦି ସରକାରଙ୍କ ଏହି ପ୍ରସ୍ତାବ ଦେଶରେ ଲାଗୁ ହୋଇଯାଏ ତେବେ କଂପାନି ତଥା ବିଭିନ୍ନ ସଂସ୍ଥାମାନଙ୍କରେ କାମ କରୁଥିବା କର୍ମଚାରୀଙ୍କର ଲିଖିତ ମଂଜୁରି ବିନା ସେମାନଙ୍କୁ କଂପାନିରେ ଓଭରଟାଇମ ଖଟାଇପାରିବେ ନାହିଁ । ଖାଲି ଏତିକି ନୁହେଁ, ଯଦି କୌଣସି କର୍ମଚାରୀ ଓଭରଟାଇମ କରନ୍ତି ତେବେ ତାଙ୍କୁ ଉକ୍ତ ଅବଧି ପାଇଁ ଦୁଇଗୁଣା ପାରିଶ୍ରମିକ କଂପାନିକୁ ଦେବାକୁ ପଡ଼ିବ ।
ଏ ସଂପର୍କରେ ଏକ କୋଡ୍ ଲୋକସଭାରେ କେନ୍ଦ୍ର ଶ୍ରମ ଓ ରୋଜଗାର ମନ୍ତ୍ରୀ ସନ୍ତୋଷ କୁମାର ଗଙ୍ଗୱାର ଗତ ସପ୍ତାହରେ ଉପସ୍ଥାପିତ କରିଛନ୍ତି । ଏଥିରେ ପ୍ରସ୍ତାବ ରହିଛି କି, ନିଯୁକ୍ତିକର୍ତ୍ତା କୌଣସି ବି କର୍ମଚାରୀଙ୍କ ବିନା ଲିଖିତ ଅନୁମତିରେ ତାଙ୍କୁ ଓଭର ଟାଇମ କରାଇପାରିବେ ନାହିଁ ।
ପେସାଗତ ସୁରକ୍ଷା, ସ୍ୱାସ୍ଥ୍ୟ ଏବଂ କାର୍ଯ୍ୟ ପରିବେଶ ନିୟମାବଳି ୨୦୧୯ରେ ଏହି ପ୍ରସ୍ତାବ କରାଯାଇଛି କି ଯଦି କୌଣସି କର୍ମଚାରୀଙ୍କୁ ଓଭର ଟାଇମ କରାଯାଉଛି ତେବେ ତାଙ୍କୁ ଏହି ଅବଧି ପାଇଁ ଦୁଇଗୁଣା ପାରିଶ୍ରମିକ ତଥା ଦରମା ଦିଆଯିବା ଉଚିତ ।