ପ୍ରୟାଗରାଜ : ଉତ୍ତରପ୍ରଦେଶରେ ଶାସନାଧୀନ ଆଦିତ୍ୟ ଯୋଗୀ ସରକାର ଆସନ୍ତା କାଲି କୁମ୍ଭ ମେଳାରେ ଏକ କ୍ୟାବିନେଟ୍ ବୈଠକ କରିବେ । ଏହି ବୈଠକ କୁମ୍ଭ ମେଳାର କମାଣ୍ଡ ଓ କଣ୍ଟ୍ରୋଲ ସେଣ୍ଟରଠାରେ ଅନୁଷ୍ଠିତ ହେବ । ଏଥିରେ ଯୋଗୀ କ୍ୟାବିନେଟର ସବୁ ସଦସ୍ୟ ଯୋଗ ଦେବାର କାର୍ଯ୍ୟକ୍ରମ ରହିଛି । ଏହି ଅବସରରେ ସରକାର କେତେକ ଗୁରୁତ୍ୱପୂର୍ଣ୍ଣ ତଥା ଜନକଲ୍ୟାଣକାରୀ ନିଷ୍ପତ୍ତି ନେବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଆସନ୍ତା କାଲି ୧୦ଟା ୩୦ ମିନିଟରେ ଏହି ବୈଠକ ଆରମ୍ଭ ହେବ ବୋଲି ରାଜ୍ୟର ଅତିରିକ୍ତ ମୁଖ୍ୟ ଶାସନ ସଚିବ ଅବନିଶ ଅଓ୍ଵସ୍ତି କହିଛନ୍ତି । ଏହି ବୈଠକ ପରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ତାଙ୍କର ମନ୍ତ୍ରୀମାନେ ପ୍ରୟାଗରାଜର ପବିତ୍ର ତ୍ରିବେଣୀ ସଂଗମଠାରେ ବୁଡ ପକାଇବାର କାର୍ଯ୍ୟକ୍ରମ ରହିଛି । ଏହା ପରେ ଯୋଗୀ ଓ କ୍ୟାବିନେଟ ସଦସ୍ୟମାନେ ଅକ୍ଷୟବଟ ଓ ସରସ୍ୱତୀ କୂପ ଦର୍ଶନ କରିବାକୁ ଯିବେ । ଗତ ମକର ସଂକ୍ରାନ୍ତିଠାରୁ ପ୍ରୟାଗରାଜଠାରେ କୁମ୍ଭମେଳା ଆରମ୍ଭ ହୋଇଛି ।