ଶେଖ ହସିନା ଓ ତାଙ୍କ ପୁଅ ବାଂଲାଦେଶକୁ ଲୁଟିଛନ୍ତି: ୟୁନୁସ ସରକାର

ନୂଆଦିଲ୍ଲୀ: ବାଂଲାଦେଶରେ ଶାସନ ଏବଂ ଦୁର୍ନୀତି ମଧ୍ୟରେ ଆଉ ଏକ ବଡ ବିବାଦ ଦେଖାଦେଇଛି। ଦୁର୍ନୀତି ନିବାରଣ ଆୟୋଗ (ଏସିସି) ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନା ଏବଂ ତାଙ୍କ ପୁଅ ସାଜିବ ୱାଜେଡଙ୍କ ବିରୋଧରେ ତିନି ଲକ୍ଷ କୋଟି ଟଙ୍କା ମୂଲ୍ୟର ମନି ଲଣ୍ଡରିଂ ଅଭିଯୋଗର ତଦନ୍ତ ଆରମ୍ଭ କରିଛି।

ଏହି ପଦକ୍ଷେପକୁ ନେଇ ବାଂଲାଦେଶର ରାଜନୈତିକ ସର୍କଲରେ ଚର୍ଚ୍ଚା ଜୋର ଧରିଛି। ଏହି ମାମଲାରେ ଅଭିଯୋଗ ହୋଇଛି ଯେ ହସିନା ଏବଂ ତାଙ୍କ ପୁଅ ବେଆଇନ ଭାବେ ବିଦେଶକୁ ବିପୁଳ ପରିମାଣର ଟଙ୍କା ଟ୍ରାନ୍ସଫର କରିଛନ୍ତି। ଏହାପୂର୍ବରୁ ଏସିସି ଶେଖ ହସିନା, ତାଙ୍କ ପୁଅ, ହସିନାଙ୍କ ଭଉଣୀ ଶେଖ ରେହାନା ଏବଂ ବ୍ରିଟିଶ ସାଂସଦ ଥିବା ରେହାନାଙ୍କ ଝିଅ ତୁଲିପ ସିଦ୍ଦିକଙ୍କ ବିରୋଧରେ ତଦନ୍ତ ଆରମ୍ଭ କରିଥିଲେ। ସେମାନେ ୯ଟି ପ୍ରକଳ୍ପରୁ ୮୦୦୦୦ କୋଟି ଟଙ୍କା ସ୍କାମ କରିଥିବା ଅଭିଯୋଗ ହୋଇଛି। ଏହି ଅନୁସନ୍ଧାନ ୧୭ ଡିସେମ୍ବରରୁ ଆରମ୍ଭ ହୋଇଥିଲା |

ବାଂଲାଦେଶ ସରକାର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ବିରୋଧରେ ଅନେକ ଅଭିଯୋଗ କରିସାରିଛନ୍ତି। ଏହାପୂର୍ବରୁ ସରକାର କହିଥିଲେ ଯେ ଶେଖ ହସିନାଙ୍କ ବିବୃତ୍ତି ଦେଶ ପାଇଁ କ୍ଷତିକାରକ ହୋଇପାରେ। 

ଏହା ବ୍ୟତୀତ ଶେଖ ହସିନାଙ୍କ ସହ ତାଙ୍କ ପାର୍ଟି ଆୱାମୀ ଲିଗର ୬ଜଣ ନେତାଙ୍କୁ ମଧ୍ୟ ହତ୍ୟା ମାମଲାରେ ଅଭିଯୁକ୍ତ କରାଯାଇଛି। ଜୁଲାଇ ୧୯ରେ, ଢାକାର ମହମ୍ମଦପୁର ଅଞ୍ଚଳରେ ଖାଦ୍ୟ ଦୋକାନ ଚଳାଉଥିବା ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିଲା। ଏହା ସହିତ ବର୍ତ୍ତମାନ ଶେଖ ହାସିନଙ୍କ ଉପରେ ମଧ୍ୟ ଭାରତ ଉପରେ ଚାପ ରହିଛି, କାରଣ ଭାରତ ୨୦୧୩ରେ ପ୍ରତ୍ୟାରପଣ ଚୁକ୍ତି ସ୍ୱାକ୍ଷର କରିଛି |