ତାମିଲନାଡ଼ୁରେ ଦୁର୍ଘଟଣା: ୪ ସାମ୍ବାଦିକ ଗୁରୁତର, ସହଯୋଗ ଲୋଡ଼ିଲେ ପରିବାର ଲୋକେ

ଭୁବନେଶ୍ବର: ତାମିଲନାଡ଼ୁରେ ଓଡ଼ିଆ ସାମ୍ବାଦିକଙ୍କ ଗାଡ଼ି ଦୁର୍ଘଟଣାଗ୍ରସ୍ତ। ଏଥିରେ ମାଲକାନଗିରିର ପଡିଆ ବ୍ଲକ ସମ୍ବାଦ ପ୍ରତିନିଧିଙ୍କ ସହ ୪ ସାମ୍ବାଦିକ ଗୁରୁତର ହୋଇଛନ୍ତି। ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ସଙ୍କଟାପନ୍ନ ଥିବା କୁହାଯାଉଛି।  

ସୂଚନା ଅନୁଯାୟୀ, ଓଡ଼ିଆ ସାମ୍ବାଦିକମାନେ ତିରୁପତି ଦର୍ଶନ ସାରି ରାମେଶ୍ବରମ୍ ଯାଉଥିବା ବେଳେ ରାମେଶ୍ବରର ରାମପୁରମ ନିକଟରେ ଟ୍ରକକୁ ପଛପଟୁ ଧକ୍କା ଦେଇଥିଲା କାର୍। ଏହାଫଳରେ ଦୁର୍ଘଟଣା ଘଟିଛି। ୪ ଗୁରୁତରଙ୍କୁ ତେଲେଙ୍ଗାନା ରାମନାଥପୁରମ୍ ମେଡିକାଲ କଲେଜରେ ଭର୍ତ୍ତି କରାଯାଇଛି। ଏହି ଘଟଣା ପ୍ରଚାରିତ ହେବା ପରେ ମାଲକାନଗିରିର ସାମ୍ବାଦିକମାନେ ଚିନ୍ତା ପ୍ରକଟ କରିଛନ୍ତି।  ଏନେଇ ଓଡ଼ିଶା ସରକାରଙ୍କ ସହଯୋଗ ଲୋଡିଛନ୍ତି ସାମ୍ବାଦିକ ଓ ପରିବାର ଲୋକେ।