ପ୍ରଛଦପଟ ନୃତ୍ୟଶିଳ୍ପୀରୁ ବଲିଉଡ୍‌ର ଶ୍ରେଷ୍ଠ ଅଭିନେତ୍ରୀ, ଜାଣନ୍ତୁ କିଏ ଏହି ସୁପରଷ୍ଟାର୍

ନୂଆଦିଲ୍ଲୀ: ପ୍ରଛଦପଟ ନୃତ୍ୟଶିଳ୍ପୀରୁ ଆରମ୍ଭ କରି ବଲିଉଡ୍‌ ପର୍ଯ୍ୟନ୍ତ ନିଜ ପାଇଁ ଏକ ସ୍ବତନ୍ତ୍ର ସ୍ଥାନ ତିଆରି କରିଛନ୍ତି ଏହି ଶ୍ରେଷ୍ଠ ଅଭିନେତ୍ରୀ। ସେ ଜଣେ ମଡେଲ୍ ତଥା ଅଭିନେତ୍ରୀ। କେବଳ ସେତିକି ନୁହେଁ ସେ ଜଣେ ଭଲ ଡ୍ୟାନ୍ସର ମଧ୍ୟ। ବଲିଉଡ୍‌ର ଭାଇଜାନଙ୍କ ସହ ଫିଲ୍ମ ଇଣ୍ଡଷ୍ଟ୍ରିରେ ପ୍ରବେଶ କରିବା ଏକ ସାଧାରଣ କଥା ନୁହେଁ। ସଲମାନ ଖାନଙ୍କ ପଛରେ ପ୍ରଛଦପଟ ନୃତ୍ୟଶିଳ୍ପୀ ଭାବରେ ପରଦାରେ ଅଭିନୟ କରିଥିବା ଏହି ଅଭିନେତ୍ରୀ ସଲମାନଙ୍କ ସହ ମୁଖ୍ୟ ଭୂମିକାରେ ଅଭିନୟ କରିଥିଲେ ଏବଂ ବହୁ ପ୍ରଶଂସା ପାଇଥିଲେ। ବର୍ତ୍ତମାନ ସୁଦ୍ଧା ଆପଣ ନିଶ୍ଚୟ ବୁଝିପାରୁଥିବେ ଯେ, ଆମେ ଅଭିନେତ୍ରୀ ଡେଜି ଶାହାଙ୍କ ବିଷୟରେ କହୁଛୁ। ଯିଏ ସଲମାନଙ୍କ ସହ ବଲିଉଡ୍‌ ଚଳଚ୍ଚିତ୍ର 'ଜୟ ହୋ'ରୁ ନିଜ କ୍ୟାରିୟର ଆରମ୍ଭ କରିଥିଲେ।  

ପିତା ବ୍ୟବସାୟୀ ହୋଇଥିଲେ ବି ମଡେଲିଂ ଓ ଅଭିନୟରେ ରୁଚି ରଖନ୍ତି ଡେଜି। ସଲମାନଙ୍କ ହିରୋଇନ୍ ହେବା ପୂର୍ବରୁ ଡେଜି ଜଣେ ପ୍ରଛଦପଟ ନୃତ୍ୟଶିଳ୍ପୀ ଥିଲେ ଏବଂ କୋରିଓଗ୍ରାଫର୍ ଭାବରେ କାମ କରୁଥିଲେ। ସଲମାନଙ୍କ ଲୋକପ୍ରିୟ 'ତେରେ ନାମ' ଚଳଚ୍ଚିତ୍ରର 'ଲଗନ ଲାଗି' ଏବଂ 'ଓ ଜାନା' ଗୀତାରେ ଡେଜି ପ୍ରଛଦପଟ ନୃତ୍ୟଶିଳ୍ପୀ ଭାବରେ ନାଚିଛନ୍ତି। ଏହା ବ୍ୟତୀତ ଡେଜି ଇଣ୍ଡଷ୍ଟ୍ରିର ଜଣେ ଜଣାଶୁଣା କୋରିଓଗ୍ରାଫର୍ ଗଣେଶ ଆଚାର୍ଯ୍ୟଙ୍କ ଗ୍ରୁପରେ ମଧ୍ୟ କାମ କରିଛନ୍ତି।

ପିତା ବ୍ୟବସାୟୀ ହୋଇଥିଲେ ବି ମଡେଲିଂ ଓ ଅଭିନୟରେ ରୁଚି ରଖନ୍ତି ଡେଜି। ସଲମାନଙ୍କ ହିରୋଇନ୍ ହେବା ପୂର୍ବରୁ ଡେଜି ଜଣେ ପ୍ରଛଦପଟ ନୃତ୍ୟଶିଳ୍ପୀ ଥିଲେ ଏବଂ କୋରିଓଗ୍ରାଫର୍ ଭାବରେ କାମ କରୁଥିଲେ।

୨୦୧୪ରେ ଅଭିନେତ୍ରୀ 'ଜୟ ହୋ' ଚଳଚ୍ଚିତ୍ର ମାଧ୍ୟମରେ ସଲମାନଙ୍କ ସହ ପ୍ରଛଦପଟରୁ ଲାଇମଲାଇଟ୍ ପର୍ଯ୍ୟନ୍ତ ଯାତ୍ରା କରିଥିଲେ। 'ଜୟ ହୋ' ବକ୍ସ ଅଫିସରେ କମାଲ କରିଥିଲା ଏବଂ ଚଳଚ୍ଚିତ୍ରରେ ଡେଜି ଏବଂ ସଲମାନଙ୍କ ଯୋଡ଼ି ଦର୍ଶକଙ୍କୁ ଖୁବ ପସନ୍ଦ ଆସିଥିଲା। ଏହାପରେ ଡେଜି 'ହେଟ୍ ଷ୍ଟୋରୀ' ଏବଂ 'ରେସ୍' ଭଳି ଚଳଚ୍ଚିତ୍ରରେ ମଧ୍ୟ ଅଭିନୟ କରିଥିଲେ। କିନ୍ତୁ ଏହି ଚଳଚ୍ଚିତ୍ରଗୁଡ଼ିକ 'ଜୟ ହୋ' ଭଳି ସଫଳତା ପାଇନଥିଲା।
 
ବାସ୍ତବରେ, ୨୦୧୧ରେ, ଅଭିନେତ୍ରୀ କନ୍ନଡ ଚଳଚ୍ଚିତ୍ର 'ଭଦ୍ରା' ଏବଂ ପରେ 'ବଡିଗାର୍ଡ'ରେ କାମ କରିଥିଲେ। ଡେଜି ସାଉଥ୍‌ ଚଳଚ୍ଚିତ୍ରରୁ ତାଙ୍କର ଅଭିନୟ ଜୀବନ ଯାତ୍ରା ଆରମ୍ଭ କରିଥିଲେ। ପରେ ସେ 'ଗୁଜରାଟ ୧୧' ରେ ମୁଖ୍ୟ ଭୂମିକାରେ ଅଭିନୟ କରିଥିଲେ ଯାହାକୁ ଦର୍ଶକମାନେ ବହୁତ ପସନ୍ଦ କରିଥିଲେ। ଆଉ ଏବେ ସେ ବଲିଉଡ୍‌ ଇଣ୍ଡଷ୍ଟ୍ରିର ଜଣେ ଆଗଧାଡ଼ିର ନାୟିକା ପାଲଟି ଯାଇଛନ୍ତି। ଅନେକ ହିଟ୍‌ ଫିଲ୍ମ ଦେଇ ସେ ଏବେ ଦର୍ଶକଙ୍କର ନିକଟତର ହୋଇପାରିଛନ୍ତି।