ସହର ଭିତର ଢାବାକୁ ସବୁ ମାଫ୍‌!

ରାଉରକେଲା: ବହୁ ଦିନର ବ୍ୟବଧାନପରେ ହଠାତ୍‌ ନିଦରୁ ଉଠିଛି ରାଉରକେଲା ଅବକାରୀ ବିଭାଗ। ପାର୍ବଣରେ ଦେଶୀ ମଦ ଚୋରାଚାଲାଣ ଉପରେ ଅଙ୍କୁଶ ଲଗାଇବାକୁ ଗତ ୩ ଦିନହେଲା ବିଭିନ୍ନ ସ୍ଥାନରେ ଚଢ଼ଉ କରାଯାଇଥିଲା। ଛେଣ୍ଡ୍‌ ବାଗବୁଡ଼ି, ଜାମସେରା ସମେତ ଆଖପାଖ ଅଞ୍ଚଳ ଯଥା,- ଲୁଙ୍ଗେଇ, ସୁଇଡିହି, ଲୁଙ୍ଗେଇ, ଟାଙ୍ଗରପାଲୀ, ଖୁଣ୍ଟଗାଁ, କୁନ୍ଦୁରା ଆଦି ଅଞ୍ଚଳରେ ଚଢ଼ଉ ହୋଇଥିଲା। ଦେଶୀ ମଦ କାରବାରରେ ଅଙ୍କୁଶ ଲଗାଇବାକୁ ଏପ୍ରକାର କାର୍ଯ୍ୟାନୁଷ୍ଠାନ ନିଶ୍ଚିତଭାବରେ ସ୍ବାଗତଯୋଗ୍ୟ। ତେବେ ସହର ଭିତରେ ଛତୁ ଫୁଟିବାଭଳି ଗଢ଼ିୁଉଠିଥିବା ଢ଼ାବା ଉପରେ ନଜର ନ ପଡ଼ିବା, ଅବକାରୀ ବିଭାଗର କାର୍ଯ୍ୟକଳାପକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।