/sambad/media/agency_attachments/2024-07-24t043029592z-sambad-original.webp)
/sambad/media/member_avatars/2024-09-26t012326232z-m.jpg)
/sambad/media/media_files/vOD2uVcTsUUOVr7GcrVp.jpeg)
ମୁଜାଫରପୁର: ବିହାରର ମୁଜାଫରପୁରରେ ଜଣେ ବସ୍ ଡ୍ରାଇଭରଙ୍କ ଚଳନ୍ତା ଗାଡ଼ିରେ ପ୍ରାଣବାୟୂ ଉଡ଼ିଯାଇଛି। ହୃଦ୍ଘାତରେ ଜୀବନ ହରାଇବା ପୂର୍ବରୁ ଡ୍ରାଇଭର ଜଣକ ଉପସ୍ଥିତ ବୁଦ୍ଧି ଲଗାଇ ୩୦ ଜଣ ଯାତ୍ରୀଙ୍କ ଜୀବନ ବଞ୍ଚାଇ ଦେଇଛନ୍ତି। ବସ୍ଟି କିଶନଗଞ୍ଜରୁ ପାଟନା ଯାଉଥିଲା ଏବଂ ଏହି ସମୟରେ ଡ୍ରାଇଭର ହଠାତ୍ ହୃଦଘାତର ଶିକାର ହୋଇଥିଲେ। ମୃତ ଡ୍ରାଇଭର ପାଟନା ଜିଲ୍ଲାର ମିଥାପୁରର ବାସିନ୍ଦା ମୁନ୍ନା ନେପାଳୀ ବୋଲି ଜଣାପଡିଛି।
ଏହି ଘଟଣା ମୁଜାଫରପୁରର ବାଲିଆ ଅଞ୍ଚଳରେ ଘଟିଛି। ବସ୍ରେ ତିରିଶ ଜଣ ଯାତ୍ରୀ ଥିଲେ। ଯାତ୍ରା ସମୟରେ ଘଟିଥିବା ଏହି ଦୁଃଖଦ ଘଟଣା ନେଇ ବସ୍ରେ ଥିବା ସମସ୍ତ ଯାତ୍ରୀଙ୍କୁ ଚକିତ କରିଥିଲା। ଡ୍ରାଇଭରଙ୍କ ମୃତ୍ୟୁରେ ସମସ୍ତ ଯାତ୍ରୀ ଦୁଃଖିତ ଥିଲେ। ଘଟଣା ସମ୍ପର୍କରେ ସୂଚନା ପାଇବା ପରେ ପୁଲିସ ଘଟଣାସ୍ଥଳରେ ପହଞ୍ଚିଥିଲା। ପୁଲିସ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ ପଠାଇଥିଲା।
ମିଳିଥିବା ସୂଚନା ଅନୁଯାୟୀ ବସ୍ କିଶନଗଞ୍ଜରୁ ହାଜିପୁର ଦେଇ ପାଟନା ଯାଉଥିଲା। ବାଲିଆ ଓଭର ବ୍ରିଜ ଉପରକୁ ଯିବା ମାତ୍ରେ ଡ୍ରାଇଭର ଛାତିରେ ଯନ୍ତ୍ରଣା ଅନୁଭବ କରିଥିଲେ। ଯନ୍ତ୍ରଣା ହେତୁ ଡ୍ରାଇଭର ବସ୍ରେ ଭାରସାମ୍ୟ ହରାଇବାକୁ ଲାଗିଲା। ବସ୍ ଡିଭାଇଡରକୁ ଧକ୍କା ଦେବା ପୂର୍ବରୁ ଡ୍ରାଇଭର ରାସ୍ତାକଡ଼ରେ ବସ୍ ପାର୍କିଂ କରିଥିଲେ। ବସ୍ ପାର୍କିଂ ହେବା ମାତ୍ରେ ସେ ଷ୍ଟିଅରିଂ ସିଟରେ ହିଁ ମୃତ୍ୟୁ ବରଣ କରିଥିଲେ।