ଡି ପୁରନ୍ଦେଶ୍ୱରୀ ହେଲେ ବିଜେପିର ନୂଆ ଓଡ଼ିଶା ପ୍ରଭାରୀ, ବିଜୟପାଲ ସିଂହ ତୋମାର ସହ-ପ୍ରଭାରୀ
ନୂଆଦିଲ୍ଲୀ/ଭୁବନେଶ୍ୱର : ଭାରତୀୟ ଜନତା ପାର୍ଟି ଆଜି ନବନିଯୁକ୍ତ ରାଜ୍ୟ ପ୍ରଭାରୀଙ୍କ ସୂଚୀ ଜାରି କରିଛି। ଏହି କ୍ରମରେ ବିଜେପି ପୂର୍ବତନ କେନ୍ଦ୍ରମନ୍ତ୍ରୀ ଡି. ପୁରନ୍ଦେଶ୍ୱରୀଙ୍କୁ ଓଡ଼ିଶାର ନୂତନ ପ୍ରଭାରୀ ଭାବେ ନିଯୁକ୍ତି ଦେଇଛି। ସେହିପରି ବିଜୟପାଲ ସିଂହ ତୋମାରଙ୍କୁ ଓଡ଼ିଶା ସହ-ପ୍ରଭାରୀ ଦାୟିତ୍ୱ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟ ପକ୍ଷରେ ଓଡ଼ିଶାର ଦୁଇ ଜଣ ନେତାଙ୍କୁ ମିଳିଛି ସାଂଗଠନିକ ଦାୟିତ୍ବ। ବିଜେପି ମୁଖପାତ୍ର ଡା.ସମ୍ବିତ ପାତ୍ରଙ୍କୁ ମଣିପୁର ପ୍ରଭାରୀ ପଦ ମିଳିଥିବା ବେଳେ ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡାଙ୍କୁ ଆସାମ ଓ ଦିଲ୍ଲୀର ପ୍ରଭାରୀ ଦାୟିତ୍ୱ ମିଳିଛି। ବିଶେଶ୍ୱର ଟୁଡୁଙ୍କୁ ମଧ୍ୟପ୍ରଦେଶ ସହ-ପ୍ରଭାରୀ ଦାୟିତ୍ୱ ମିଳିଛି।
Bharatiya Janata Party (BJP) releases list of its state in-charges; Sambit Patra has been appointed as in-charge of Manipur, Tarun Chugh appointed as in-charge of Jammu & Kashmir, Ladakh & Telangana. pic.twitter.com/SEhKunbDdI
— ANI (@ANI) November 13, 2020
ସୂଚନାଯୋଗ୍ୟ, ଭାରତୀୟ ଜନତା ପାର୍ଟି ଆଜି ନିଜର ରାଜ୍ୟସ୍ତରୀୟ ସାଂଗଠନିକ ପ୍ରଭାରୀ ତାଲିକା ଜାରି କରିଛି। ରାଷ୍ଟ୍ରୀୟ ଅଧ୍ୟକ୍ଷ ଜଗତ ପ୍ରସାଦ ନଡ୍ଡାଙ୍କ ଦ୍ବାରା ଅନୁମୋଦନ ପରେ ବିଜେପି ୩୬ଟି ରାଜ୍ୟ ପାଇଁ ପ୍ରଭାରୀ ଓ ସହ-ପ୍ରଭାରୀଙ୍କ ତାଲିକା ପ୍ରକାଶ କରିଛି ।