ବିଭିନ୍ନ ସ୍ଥାନରେ ସକାଳୁ ସକାଳୁ ପ୍ରବଳ କୁହୁଡ଼ି

ଭୁବନେଶ୍ବର: ରାଜ୍ୟର ବିଭିନ୍ନ ସ୍ଥାନରେ ସକାଳୁ ସକାଳୁ ପ୍ରବଳ କୁହୁଡ଼ି ପରିଲକ୍ଷିତ ହୋଇଛି। କୁହୁଡ଼ି ପାଇଁ ଯାତାୟତରେ ସମସ୍ୟା ଦେଖିବାକୁ ମିଳିଛି। କଳାହାଣ୍ଡି, କନ୍ଧମାଳ, ଝାରସୁଗୁଡ଼ା, ସମ୍ବଲପୁର, ସୁନ୍ଦରଗଡ଼, ନୟାଗଡ଼ ଓ ଖୋର୍ଦ୍ଧା ଜିଲ୍ଲାରେ ପ୍ରବଳ କୁହୁଡ଼ି ପରିଲକ୍ଷିତ ହୋଇଛି। ସକାଳ ସାଢେ ୮ଟା ସୁଦ୍ଧା ଘନ କୁହୁଡ଼ି ପାଇଁ ୫୦ ମିଟର ପର୍ଯ୍ୟନ୍ତ ରାସ୍ତା ଦୃଶ୍ୟମାନ ହୋଇପାରୁ ନଥିବା ଜଣାଯାଇଛି। 

ଏନେଇ ଗତକାଲି ସତର୍କ ସୂଚନା ଜାରି କରିଥିଲା ପାଣିପାଗ ବିଭାଗ। ଏଣେ ଟୁଇନ୍ ସିଟିରେ ବି ଆଜି ସାମାନ୍ୟ କୁହୁଡ଼ି ଦେଖିବାକୁ ମିଳିଛି।