କ୍ଷତିଗ୍ରସ୍ତ ଚାଷୀଙ୍କୁ ମିଳିବ ଇନ୍‌ପୁଟ୍‌ ସହାୟତା: ଉପମୁଖ୍ୟମନ୍ତ୍ରୀ

ବାଲେଶ୍ବର: ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ବାଲେଶ୍ବର ଗସ୍ତ କାଳରେ ରବିବାର କହିଛନ୍ତି ଅଦିନିଆ ବର୍ଷାରେ ଯେଉଁ ଚାଷୀମାନଙ୍କର କ୍ଷୟକ୍ଷତି ହୋଇଛି, ସମସ୍ତଙ୍କୁ ସରକାରଙ୍କ ତରଫରୁ ଇନ୍‌ପୁଟ ସହାୟତା ପ୍ରଦାନ କରାଯିବ। ସରକାର ସମସ୍ତଙ୍କ ସହ ଅଛନ୍ତି। କେହି ଆଦୌ ଧୈର୍ଯ୍ୟହରା ହୁଅନ୍ତୁ ନାହିଁ। ସମସ୍ତ ଚାଷୀଙ୍କୁ ମୁଖ୍ୟମନ୍ତ୍ରୀଙ୍କ ପକ୍ଷରୁ ଏହି ପ୍ରତିଶ୍ରୁତି ଦିଆଯାଉଛି। 

ଏହି ଖବର ପଢ଼ନ୍ତୁ: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ମହାକୁମ୍ଭ ପାଇଁ ନିମନ୍ତ୍ରଣ କଲେ ଯୋଗୀ

ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନିର୍ଦ୍ଦେଶକ୍ରମ‌େ ଉପମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା‌ ଆଜି ବାଲେଶ୍ବର ଓ ଭଦ୍ରକ ଜିଲ୍ଲା ଗସ୍ତ କରି ଅଦିନିଆ ବର୍ଷାରେ ଚାଷ କ୍ଷୟକ୍ଷତି ଦେଖିଥିଲେ। ଅପରାହ୍ନ ୪ଟା ବେଳେ ବାଲେଶ୍ବରରେ ପହଞ୍ଚିବା ପରେ ଜିଲ୍ଲା ପ୍ରଶାସନ ପକ୍ଷରୁ ପ୍ରଥମେ ତାଙ୍କୁ ବାଲେଶ୍ବର ସଦର ନିର୍ବାଚନମଣ୍ଡଳୀ ଅନ୍ତର୍ଗତ ଓଲନ୍ଦାସାରଗାଁ ପଞ୍ଚାୟତର ମହାପଦା ଗ୍ରାମକୁ ନିଆଯାଇଥିଲା। ଚାଷୀଙ୍କ ଜମିକୁ ଯାଇ ଧାନ ଦେଖିବା ସହ ‌ଉପମୁଖ୍ୟମନ୍ତ୍ରୀ ସେମାନଙ୍କ ଦୁଃଖ ଶୁଣିଥିଲେ। ଚାଷୀମାନେ ଋଣ କରି ଚାଷ କରିଥିବା ବେଳେ ଅଦିନିଆ ବର୍ଷା ସେମାନଙ୍କର ବର୍ଷକର ସମ୍ବଳ ଛଡ଼ାଇ ନେଇଥିବା ଉପମୁଖ୍ୟମନ୍ତ୍ରୀଙ୍କୁ ଜଣାଇଥିଲେ। ଏହାପରେ ଓଡ଼ଙ୍ଗି ପଞ୍ଚାୟତ ଯାଇ ସେଠାରେ ଚାଷୀମାନଙ୍କୁ ଭେଟିଥିଲେ।

ଏହି ଖବର ପଢ଼ନ୍ତୁ: ଓଡ଼ିଶାରୁ ଖସିଯାଇଥିଲା ଜୀନତ, ପଶ୍ଚିମବଙ୍ଗରେ ଜନ୍ତାରେ ଫସିଲା ବାଘୁଣୀ