ରାଜଧାନୀରେ ଯୁବତୀଙ୍କୁ ଅସଦାଚରଣ! ସ୍ଥାନୀୟ ଲୋକଙ୍କ ଦ୍ବାରା ଉଦ୍ଧାର!

ଭୁବନେଶ୍ବର: ଜଗତସିଂହପୁର ଓ ମାଲକାନଗିରିରେ ଗଣଦୁଷ୍କର୍ମ ଏବଂ ପୁରୀରେ ଯୁବତୀଙ୍କୁ ଯୌନ ନିର୍ଯାତନା ମାମଲା ନେଇ ରାଜ୍ୟରେ ଆଜି ଚର୍ଚ୍ଚା ଜାରି ଥିବା ବେଳେ ରାଜଧାନୀ ଭୁବନେଶ୍ବରରେ ଜଣେ ଯୁବତୀଙ୍କୁ ଅସଦାଚରଣ ହୋଇଛି।

କ୍ୟାପିଟାଲ ଥାନା ଅଧୀନ ଏଜି ଛକରେରେ ଥିବା ମନ୍ତ୍ରୀ ଓ ଆଇଏଏସଙ୍କ କ୍ୱାର୍ଟର ସମ୍ମୁଖରେ ଜଣେ ଯୁବତୀଙ୍କୁ ଅସଦାଚରଣ ହୋଇଛି। ଯୁବତୀ ଜଣଙ୍କ ପାଟି କରିବାରୁ ସେହି ରାସ୍ତାରେ ଗାଡ଼ିରେ ଆସୁଥିବା ଲୋକଙ୍କ ଦ୍ଵାରା ଉଦ୍ଧାର ହୋଇଛନ୍ତି। ନିଶାଖୋର ଅବସ୍ଥାରେ ଯୁବକକୁ ଲୋକେ କାବୁ କରିଛନ୍ତି।

ମୋବାଇଲ ଛଡ଼ାଇବା ସହ ଦୁଷ୍କର୍ମ ଉଦ୍ୟମ କରିବାକୁ ପାଚେରୀ ନିକଟ ଅନ୍ଧାରକୁ ଟାଣି ନେଇଥିଲା ନିଶାଖୋର ଯୁବକ। ଘଟଣାସ୍ଥଳରେ କମିଶନରେଟ ପୁଲିସ ପହଞ୍ଚି ଉଭୟ ମଦ୍ୟପ ଓ ଯୁବତୀଙ୍କୁ କ୍ୟାପିଟାଲ ଥାନା ନେଇଛି। ପୁଲିସ ଉଭୟଙ୍କୁ ପଚରାଉଚୁରା କରୁଛି।