/sambad/media/agency_attachments/2024-07-24t043029592z-sambad-original.webp)
/sambad/media/member_avatars/2025/01/01/2025-01-01t131417567z-img20250101113910.jpg)
/sambad/media/media_files/2025/06/26/ratha-ytara-live-update-2025-06-26-17-28-07.jpg)
ପୁରୀ: ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା-୨୦୨୫ ପାଇଁ ଶ୍ରୀକ୍ଷେତ୍ର ଲୋକାରଣ୍ୟ ହେବାରେ ଲାଗିଛି। ବଡ଼ଦାଣ୍ଡରେ ଗହଳି ବଢ଼ିବାରେ ଲାଗିଛି। ରଥଯାତ୍ରା ପୂର୍ବ ଦିନ ଅର୍ଥାତ ଆଜି ପୁରୀ ସହରକୁ ଲକ୍ଷଲକ୍ଷ ଭକ୍ତମାନଙ୍କର ଆଗମନ ହୋଇସାରିଛି। ରାତି ପାହିଲା ବେଳକୁ ଶ୍ରୀକ୍ଷେତ୍ରକୁ ବାହାରୁ ୧୦ଲକ୍ଷରୁ ଊର୍ଦ୍ଧ୍ବ ଭକ୍ତ ପହଞ୍ଚି ସାରିଥିବେ ବୋଲି ଆଶା କରାଯାଉଛି। ରାଜ୍ୟର ଚାରିଆଡୁ ଶ୍ରଦ୍ଧାଳୁ ପୁରୀ ମୁହାଁ ହୋଇଛନ୍ତି। ରଥାରୁଢ଼ କାଳିଆ ସାଆନ୍ତଙ୍କ ଦର୍ଶନ ପାଇଁ ଦେଶ-ବିଦେଶରୁ ଭକ୍ତ ଆସି ପୁରୀ ପହଞ୍ଚୁଛନ୍ତି।
ଚଳିତ ବର୍ଷ ରଥଯାତ୍ରାକୁ ଶାନ୍ତି ଶୃଙ୍ଖଳାର ସହିତ ଆୟୋଜନ କରିବା ପାଇଁ ରାଜ୍ୟ ସରକାର, ପୁରୀ ଜିଲ୍ଲା ପ୍ରଶାସନ ଓ ଶ୍ରୀମନ୍ଦିର ପ୍ରଶାସନ ତରଫରୁ ଆବଶ୍ୟକ ବନ୍ଦୋବସ୍ତ କରାଯାଇଛି। ସବୁଠାରୁ ବଡ଼ କଥା ହେଲା ରଥଯାତ୍ରା ସମୟରେ ସୁରକ୍ଷା ବ୍ୟବସ୍ଥା ଓ ଭିଡ଼ ପରିଚାଳନା।
ପୁଲିସ ମହାନିର୍ଦ୍ଦେଶକ(ଡିଜିପି) ଯୋଗେଶ ବାହାଦୁର ଖୁରାନିଆ କହିଛନ୍ତି, ଚଳିତବର୍ଷ ପୁଲିସ ବ୍ୟବସ୍ଥାକୁ ୮ଟି ଭାଗରେ ବିଭକ୍ତ କରାଯାଇଛି। ଟ୍ରାଫିକ୍ ବ୍ୟବସ୍ଥା, ଶ୍ରୀମନ୍ଦିର ଭିତର ସୁରକ୍ଷା, କର୍ଡନ ଭିତର ସୁରକ୍ଷା, କର୍ଡନ ବାହାର ସୁରକ୍ଷା, ଗହଳି ନିୟନ୍ତ୍ରଣ, ସୁରକ୍ଷା ବ୍ୟବସ୍ଥା, କୋଷ୍ଟାଲ୍ ବ୍ୟବସ୍ଥା ମଧ୍ୟ କରାଯାଇଛି। ପ୍ରଥମ ଥର ପାଇଁ ଇଣ୍ଟିଗ୍ରେଟେଡ୍ କମାଣ୍ଡ୍ ଆଣ୍ଡ୍ କଣ୍ଟ୍ରୋଲ୍ ସିଷ୍ଟମ୍ କରାଯାଇଛି। ଏହି ଇଣ୍ଟିଗ୍ରେଟେଡ୍ କଣ୍ଟ୍ରୋଲ ରୁମ୍ରେ ରହି ୨୭୫ଟି ଏଆଇ କ୍ୟାମେରା ମାଧ୍ୟମରେ ଉତ୍ତରା ଛକରୁ ପୁରୀ ସହର, ପୁରୀରୁ କୋଣାର୍କ ଓ ପୁରୀ ସହରାଞ୍ଚଳର କୌଣସିଠାରେ ଟ୍ରାଫିକ୍ ଜାମ୍ ସମସ୍ୟାର ମୁକାବିଲା ପାଇଁ ନିଷ୍ପତ୍ତି ନେଇହେବ। ସେହିପରି ଆଣ୍ଟି ଡ୍ରୋନ୍ ସିଷ୍ଟମ୍, ବହୁ ସଂଖ୍ୟାରେ ଆଣ୍ଟି ସାବୋଟାଜ୍ ଟିମ୍, ଡଗ୍ ସ୍କ୍ବାଡ୍ ମୁତୟନ ରହିଛି।
ସେହିପରି ଚଳିତବର୍ଷ ୨୧ ଆଇପିଏସ୍, ୧୨ଶହ ଅଫିସରଙ୍କ ସହିତ ୨୦୫ ପ୍ଲାଟୁନ୍ ପୁଲିସ ଫୋର୍ସର ବ୍ୟବସ୍ଥା କରାଯାଇଛି। ଜଳପଥ ତଟ ସୁରକ୍ଷା ପାଇଁ ମେରାଇନ୍ ପୁଲିସ ଟିମ୍, କୋଷ୍ଟଗାର୍ଡ, ନୌବାହିନୀ (ନାଭାଲ୍)ର ପାଟ୍ରୋଲିଂ ରହିବ। କୋଷ୍ଟଗାର୍ଡର ଆଉ ଏକ ଟିମ୍ ଆକାଶମାର୍ଗରୁ ସମୁଦ୍ରକୂଳକୁ ତୀକ୍ଷ୍ଣ ନଜର ରଖିବେ। ଟ୍ରାଫିକ୍ ବ୍ୟବସ୍ଥାର ସୁବନ୍ଦୋବସ୍ତ କରିବା ପାଇଁ ଏକ ନୂଆ ଆପ୍ ଖୋଲାଯିବ। ଏହି ଆପ୍ ମାଧ୍ୟମରେ ଲୋକମାନେ ଯା’ଆସ କରିବାକୁ ଅନୁରୋଧ କରାଯାଇଛି।
ପହଣ୍ଡିରୁ ରଥ ଟାଣିବା ପର୍ଯ୍ୟନ୍ତ ନୀତି ନିର୍ଘଣ୍ଟ
- ସକାଳ ୬ଟାରେ ମଙ୍ଗଳା ଆଳତି
- ସକାଳ ୬.୧୦ ରେ ମଇଲମ
- ସକାଳ ୬.୩୦ ରେ ତଡପଲାଗି
- ସକାଳ ୬.୩୦ରେ ରୋଷ ହୋମ
- ସକାଳ ୭ଟାରେ ଅବକାଶ
- ସକାଳ ୭.୧୦ ରେ ସୂର୍ଯ୍ୟ ପୂଜା
- ସକାଳ ୭.୩୦ ରେ ଦ୍ୱାରପାଳ ପୂଜା
- ସକାଳ ୭.୩୦ ସୁଦ୍ଧା ବେଶ ଶେଷ
- ଗୋପାଳ ବଲ୍ଲଭ ଏବଂ ସକାଳ ଧୁପା (ଖେଚୁଡି ଭୋଗ) ସକାଳ ୮ ରୁ ୯
- ସକାଳ ୯ଟାରେ ରଥ ପ୍ରତିଷ୍ଠା
- ସକାଳ ୯.୧୫ ରେ ମଙ୍ଗଳାର୍ପଣ
- ସକାଳ ୯.୩୦ରୁ ଆରମ୍ଭ ହେବ ପହଣ୍ଡି
- ଦିନ ୧୨.୩୦ ସୁଦ୍ଧା ଶେଷ ହେବ ପହଣ୍ଡି
- ଦିନ ୧୨.୩୦ ରୁ ୧ଟା ମଧ୍ୟରେ ଶ୍ରୀ ଶ୍ରୀ ମଦନ ମୋହନ, ଶ୍ରୀ ଶ୍ରୀ ରାମ ଏବଂ ଶ୍ରୀ ଶ୍ରୀ କୃଷ୍ଣ ବିଜେ
- ଦିନ ୧.୩୦ ରୁ ୨ଟା ପର୍ଯ୍ୟନ୍ତ ଚିତା ଲାଗି
- ଅପରାହ୍ନ ୧.୩୦ ରୁ ୨.୩୦ ବେଶ ଶେଷ
- ଅପରାହ୍ଣ ୨.୩୦ ରୁ ୩.୩୦ ଗଜପତି ରାଜାଙ୍କ ଦ୍ବାରା ଛେରା ପହଁରା
- ଅପରାହ୍ନ ୪ଟା ଚାରମାଳ ଫିଟା, ଘୋଡା ଏବଂ ସାରଥୀ ଲାଗିବେ
- ଅପରାହ୍ନ ୪ଟାରେ ଆରମ୍ଭ ରଥଟଣା
rath yatra | Puri Jagannath temple
-
Jun 26, 2025 22:01 IST
ଶ୍ରୀକ୍ଷେତ୍ରରେ ଲୋକାରଣ୍ୟ
ମହାପ୍ରଭୁଙ୍କର ସେଇ ଅପୂର୍ବ ଲୀଳା ‘ରଥଯାତ୍ରା’ର ସମୟ ଯେତିକି ପାଖେଇ ଆସୁଛି, ଶ୍ରୀକ୍ଷେତ୍ରରେ ସେତିକି ଗହଳି ଲାଗି ରହୁଛି। ରଥାରୁଢ଼ ଶ୍ରୀଜିଉମାନଙ୍କୁ ଦେଖିବା ପାଇଁ ଭକ୍ତମାନଙ୍କର ଉତ୍କଣ୍ଠା ବଢ଼ି ଚାଲିଛି। ପୁରୀ ବଡ଼ଦାଣ୍ଡ, ଗଳିକନ୍ଦି ଓ ସମୁଦ୍ରକୂଳରେ ଗୁରୁବାର ସନ୍ଧ୍ୟାରେ ଜନଗହଳି ବଢ଼ିଛି। ରାତି ୧୦ଟାରେ ବଡ଼ଦାଣ୍ଡରେ ଭିଡ଼ ଆରମ୍ଭ ହୋଇଯାଇଛି। ହୋଟେଲ, ଲଜ, ଧର୍ମଶାଳା, ମଠ ମନ୍ଦିରରେ ଲୋକଙ୍କର ଭିଡ଼ ବଢ଼ିଛି। ରାତି ପାହିଲା ବେଳକୁ ଅର୍ଥାତ ଶୁକ୍ରବାର ସକାଳ ହେବା ବେଳକୁ ପୁରୀରେ ଲକ୍ଷଲକ୍ଷ ଭକ୍ତଙ୍କର ଆଗମନ ହୋଇସାରିଥିବ। ପୁରୀକୁ ହଜାର ହଜାର ଯାନବାହନ ଆଗମନ ହେଉଛି। ଏସବୁ ଦେଖିଲେ ଜଣାପଡୁଛି ଯେ, ରଥଯାତ୍ରା ଅବସରରେ ଏଥର ପୁରୀରେ ୧୦ ଲକ୍ଷରୁ ଊର୍ଦ୍ଧ୍ବ ଲୋକଙ୍କର ଆଗମନ ହୋଇପାରେ। ପ୍ରବଳ ଭିଡ଼କୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ସୁରକ୍ଷା ବ୍ୟବସ୍ଥା କରାଯାଇଛି।
/fit-in/580x348/filters:format(webp)/sambad/media/media_files/2025/06/26/16daf111-89c5-4dfd-97af-f58b93bdb11f-2025-06-26-22-00-14.jpg)
-
Jun 26, 2025 19:54 IST
ସିଂହଦ୍ବାର ସାମ୍ନାରେ ତିନି ରଥ
ରାତି ପାହିଲେ ମହାପ୍ରଭୁଙ୍କ ବିଶ୍ବ ପ୍ରସିଦ୍ଧ ରଥଯାତ୍ରା। ପ୍ରଭୁଙ୍କ ଏହି ବିଶାଳ ବାର୍ଷିକ ରଥଯାତ୍ରା ପାଇଁ ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି। ଆଜି ସନ୍ଧ୍ୟାରେ ତିନି ରଥ ସିଂହଦ୍ବାର ସାମ୍ନାରେ ପହଞ୍ଚିଛି। ଜଗତର ନାଥ ଶ୍ରୀଜଗନ୍ନାଥ ଆସନ୍ତାକାଲି ପବିତ୍ର ରଥଯାତ୍ରା ଅବସରରେ ବଡ଼ଭାଇ ପ୍ରଭୁ ବଳଭଦ୍ର ଓ ଭଉଣୀ ମା’ ସୁଭଦ୍ରାଙ୍କୁ ସାଙ୍ଗରେ ନେଇ ମାଉସୀ ଘର ଅଭିମୁଖେ ଯିବେ। ଶ୍ରୀମନ୍ଦିରରୁ ଆଜ୍ଞାମାଳ ବିଜେ ହେଲା ପରେ ରଥଗୁଡ଼ିକ ରଥଖଳାରୁ ସିଂହଦ୍ବାରକୁ କଡ଼ା ସୁରକ୍ଷା ମଧ୍ୟରେ ନିଆଯାଇଥିଲା। ପ୍ରଥମେ ସିଂହଦ୍ବାରରେ ନନ୍ଦିଘୋଷଙ୍କୁ ନିଆଯାଇଥିଲା। ପରେ ପର୍ଯ୍ୟାୟ କ୍ରମେ ଦର୍ପଦଳନ ଓ ତାଳଧ୍ବଜ ନିଜନିଜ ସ୍ଥାନରେ ବିରାଜମାନ କରିଛନ୍ତି।
/fit-in/580x348/filters:format(webp)/sambad/media/media_files/2025/06/26/d13e1af0-2c3d-4c68-aaa3-c24b700d11fc-2025-06-26-20-42-35.jpg)
-
Jun 26, 2025 17:37 IST
ସିଂହଦ୍ବାର ଅଭିମୁଖେ ତିନି ରଥ
ବହୁ ପ୍ରତୀକ୍ଷିତ ଘୋଷଯାତ୍ରା ପାଇଁ ଆଜି ସନ୍ଧ୍ୟାରେ ଆଜ୍ଞାମାଳ ଆସିଛି। ଶ୍ରୀମନ୍ଦିରରୁ ରଥକୁ ଆଜ୍ଞାମାଳ ବିଜେ ହୋଇଛି। ଆଜ୍ଞାମାଳ ବିଜେ ପରେ ରଥଖଳାରୁ ସିଂହଦ୍ୱାର ସାମ୍ନାକୁ ୩ ରଥ (ତାଳଧ୍ବଜ, ଦର୍ପଦଳନ ଓ ନନ୍ଦିଘୋଷ) ଆସୁଛି।
ଆଜି ମହାପ୍ରଭୁଙ୍କ ନବଯୌବନ ଦର୍ଶନ ଏବଂ ନେତ୍ରୋତ୍ସବ ନୀତି ଅବସରରେ ଶ୍ରୀକ୍ଷେତ୍ରରେ ଭକ୍ତି ଭାବମୟ ପରିବେଶ ଦେଖାଯାଇଛିl ଅନୁକଳ ପାଗ ଥିବାରୁ ଭକ୍ତମାନଙ୍କ ମନରେ ଉତ୍ସାହ ଦେଖାଯାଇଛି। ଆଜି ନବଯୌବନ ବେଶରେ ଦର୍ଶନ ଦେଇଛନ୍ତି ଶ୍ରୀଜିଉ। ଆଜି ସକାଳ ୮ଟାରୁ ପରିମାଣିକ ପରେ ସର୍ବସାଧାରଣ ଦର୍ଶନ ଆରମ୍ଭ ହୋଇଥିଲା। ୧୫ ଦିନ ପରେ ପତିତପାବନଙ୍କୁ ଦେଖି ଭକ୍ତିରେ ଭକ୍ତ ବିଭୋର ହୋଇଛନ୍ତି। ଅଣସର ଘରେ ଗୁପ୍ତ ନୀତି ପରେ ମହାପ୍ରଭୁ ସୁସ୍ଥ ହୋଇଛନ୍ତି। ୧୫ ଦିନର ଅଣସର ଶେଷ କରି ଆଜି ଶ୍ରୀବିଗ୍ରହ ଅଣସର ପିଣ୍ଡିରୁ ଭକ୍ତଙ୍କୁ ନବଯୌବନ ବେଶରେ ଦର୍ଶନ ଦେଇଛନ୍ତି।/fit-in/580x348/filters:format(webp)/sambad/media/media_files/2025/06/26/3a47d49d-022c-4f38-9422-2d8f13a81668-2025-06-26-17-36-10.jpg)
