ମାଲକାନଗିରି: ମାଓ ସଂଗଠନର କେନ୍ଦ୍ରୀୟ କମିଟିର ମୁଖପାତ୍ର ଅଭୟ ଆଜି ପୁଣି ପ୍ରେସ୍‌ ବିଜ୍ଞପ୍ତି ଜାରି କରି ସରକାରଙ୍କୁ ତୁରନ୍ତ ଶାନ୍ତିବାର୍ତ୍ତା ପାଇଁ ଆଗେଇ ଆସିବାକୁ ଅନୁରୋଧ କରିଛି। ସେ କହିଛି ଯେ ଗତ ଜାନୁଆରି ୨୦୨୪ ଠାରୁ କେନ୍ଦ୍ରୀୟ ଏବଂ ରାଜ୍ୟ ପୁଲିସ ପାରାମିଲିଟାରୀ ଏବଂ କମାଣ୍ଡୋ ଫୋର୍ସ ଅପରେସନ୍ କଗାର ନାମରେ ଶହଶହ ମାଓବାଦୀ ଏବଂ ନିରୀହ ଆଦିବାସୀଙ୍କୁ ହତ୍ୟା କରିଛନ୍ତି। ଏହା ଆଜି ପର୍ଯ୍ୟନ୍ତ ଚାଲୁଛି। 

Advertisment

ବହୁ ଗଣତାନ୍ତ୍ରିକ ତଥା ବୈପ୍ଲବିକ ଲୋକ ସଂଗଠନ, ଦଳ, ସାମାଜିକ ସଂଗଠନୃ କାର୍ଯ୍ୟକର୍ତ୍ତା, ପ୍ରଗତିଶୀଳ, ଗଣତାନ୍ତ୍ରିକ ତଥା ବୁଦ୍ଧିଜୀବୀ ଏହି ହତ୍ୟାକାଣ୍ଡକୁ ନିନ୍ଦା କରିବା ପାଇଁ ଦେଶ ତଥା ବିଶ୍ବରେ ଶହଶହ ସଂଖ୍ୟାରେ ବିରୋଧ କରୁଛନ୍ତି। ସେମାନଙ୍କର ଦାବି ହେଉଛି ଯେ ତୁରନ୍ତ ଅପରେସନ ବନ୍ଦ କରାଯାଉ, ଅସ୍ତ୍ରବିରତି ଘୋଷଣା କରାଯିବା ଉଚିତ ଏବଂ ସରକାର ଓ ମାଓବାଦୀଙ୍କ ମଧ୍ୟରେ ଆଲୋଚନା ମାଧ୍ୟମରେ ଏହି ସମସ୍ୟାର ସମାଧାନ କରାଯାଉ।

ମାର୍ଚ୍ଚ ୨୮ ରେ ମୁଁ ଶାନ୍ତି ଆଲୋଚନା ସମ୍ପର୍କରେ କେନ୍ଦ୍ରୀୟ କମିଟି ପକ୍ଷରୁ ଏକ ବିବୃତ୍ତି ଜାରି କରିଛି। ଏଥିରେ ମୁଁ କହିଛି ଯେ ସରକାରଙ୍କ ସହ ଶାନ୍ତି ବୁଝମଣା କରିବାକୁ ଆମେ ପ୍ରସ୍ତୁତ। ଶାନ୍ତି ଆଲୋଚନା ପାଇଁ ଏପର୍ଯ୍ୟନ୍ତ ଜାରି କରାଯାଇଥିବା ପ୍ରେସ ବିଜ୍ଞପ୍ତି, ଦାଣ୍ଡକାରଣ୍ୟ ଉତ୍ତର-ପଶ୍ଚିମ ସବଜୋନାଲ ବ୍ୟୁରୋରୁ କମ୍ରେଡ ରୁପେଶଙ୍କ ଦ୍ରାରା ଜାରି ଦୁଇଟି ପ୍ରେସ ବିଜ୍ଞପ୍ତି ସମେତ ମୋଟ ତିନୋଟି ପ୍ରେସ ବିଜ୍ଞପ୍ତି ଜାରି କରାଯାଇଛି। ଏହି ସମୟରେ ଆମର ସାଥୀମାନେ ଆମର ପିଏଲଜିଏ ବାହିନୀର ସଶସ୍ତ୍ର କାର୍ଯ୍ୟକୁ ବନ୍ଦ କରିବାକୁ ନିର୍ଦ୍ଦେଶ ଜାରି କରାଯାଇଛି।

ଗତ କିଛି ଦିନ ତଳେ ଝାଡଖଣ୍ଡରେ ଆମର କେନ୍ଦ୍ରୀୟ କମିଟି ସଦସ୍ୟ କମ୍ରେଡ ବିବେକ ଏବଂ ଅନ୍ୟ ସାଥୀମାନଙ୍କୁ ହତ୍ୟା କରିଯାଇଛି। ବାକି ମାଓବାଦୀମାନେ ଆତ୍ମସମର୍ପଣ କରିବା ଉଚିତ, ନଚେତ୍ ସେମାନେ ମଧ୍ୟ ସମାନ ସମା ଦୁର୍ଦଶା ଭୋଗିବେ ବୋଲି ସରକାର ଚେତାବନୀ ଦେଇଛନ୍ତି। 

 

ବଞ୍ଚିବାର ଅଧିକାର, ଯାହା ସେମାନଙ୍କୁ ଭାରତର ସମ୍ବିଧାନରେ ଦିଆଯାଇଥିଲା, ସେମାନଙ୍କ ଦ୍ବାରା ଚୂର୍ଣ୍ଣ କରାଯାଉଛି। ସରକାର କହିଛନ୍ତି ଯେ ସାମ୍ବିଧାନିକ ଢଙ୍ଗରେ ସେମାନେ ନିର୍ବାଚିତ ସରକାର ଅଟନ୍ତି, କିନ୍ତୁ ସେମାନେ ସମ୍ବିଧାନକୁ ଅଣଦେଖା କରୁଛନ୍ତି ବୋଲି ମାଓ ସଂଗଠନ କହିଛି। ସରକାର ଖୋଲାଖୋଲି ଭାବେ କହୁଛନ୍ତି ଯେ ବନ୍ଧୁକର ସମାଧାନ ବନ୍ଧୁକରୁ ହେବ। ଛତିଶଗଡ ଏବଂ ତେଲେଙ୍ଗାନାର ସୀମାନ୍ତ ଅଞ୍ଚଳରେ ଥିବା କରିଙ୍ଗୁଟା ଅଞ୍ଚଳକୁ ଅବରୋଧ କରି ତେଲେଙ୍ଗାନା, ଛତିଶଗଡ ଏବଂ ମହାରାଷ୍ଟ୍ରରୁ ୧୦ ହଜାର ପୋଲିସ, ପାରାମିଲିଟାରୀ ଏବଂ କମାଣ୍ଡୋ ଫୋର୍ସ ନିୟୋଜିତ କରି ଗତ ୭ଦିନ ଧରି ଏକ ବଡ ଅପରେସନ ଚଳାଇ ସେମାନେ କେବଳ ଆମର ୩ ସାଥୀଙ୍କୁ ହତ୍ୟା କରିନାହାଁନ୍ତି ବରଂ ଦଳର ନେତୃତ୍ୱକୁ ମଧ୍ୟ ହତ୍ୟା କରିବାକୁ ଚେଷ୍ଟା କରିଛନ୍ତି। ଆମ ସହ ସରକାର ବନା ସର୍ତ୍ତରେ ଆଲୋଚନା କରନ୍ତୁ। 

Naxal | Malkangiri