ଭୁବନେଶ୍ବର: ରାୟଗଡ଼ା ଜିଲ୍ଲାରେ ଅନୁସୂଚୀତ ଜାତି ବର୍ଗର ଜଣେ ଯୁବକଙ୍କୁ ବିବାହ କରିଥିବା ଅନୁସୂଚୀତ ଜନଜାତି ବର୍ଗର ଜଣେ ମହିଳାଙ୍କ ପରିବାରକୁ ଗ୍ରାମବାସୀମାନେ ସାମାଜିକ ବାସନ୍ଦ କରିବା ସଂପର୍କିତ ଗଣମାଧ୍ୟମ ରିପୋର୍ଟ ଉପରେ ଜାତୀୟ ମାନବାଧିକାର ଆୟୋଗ (ଏନଏଚଆରସି) ସ୍ବତଃ କାର୍ଯ୍ୟାନୁଷ୍ଠାନ ନେଇଛନ୍ତି। ଦୁଇ ସପ୍ତାହ ମଧ୍ୟରେ ଏ ସମ୍ପର୍କରେ ଏକ ସବିଶେଷ ରିପୋର୍ଟ ଦାଖଲ କରିବାକୁ ରାଜ୍ୟ ମୁଖ୍ୟ ସଚିବଙ୍କୁ ନୋଟିସ୍ ଜାରି କରିଛନ୍ତି।

Advertisment

ଗ୍ରାମାବାସୀମାନେ ମହିଳାଙ୍କ ପରିବାରକୁ ପୁଣି ସମାଜରେ ଗ୍ରହଣ କରିବା ପୂର୍ବରୁ ପରିବାରର ପୁରୁଷମାନଙ୍କ ମୁଣ୍ଡ ଲଣ୍ଡା କରି ଏକ ଶୁଦ୍ଧୀକରଣ ଅନୁଷ୍ଠାନ କରିଥିଲେ।


ରାୟଗଡ଼ା ଜିଲ୍ଲାରେ ଅନସୂଚୀତ ଜାତି ବର୍ଗର ଜଣେ ଯୁବକଙ୍କୁ ଅନୁସୂଚୀତ ଜନଜାତି ବର୍ଗର ଜଣେ ମହିଳା ବିବାହ କରିଛନ୍ତି। ଏହି କାରଣରୁ ସଂପୃକ୍ତ ପରିବାରକୁ ଗ୍ରାମବାସୀମାନେ ସାମାଜିକ ବାସନ୍ଦ କରିଛନ୍ତି। ଏ ସଂପର୍କିତ ଗଣମାଧ୍ୟମ ରିପୋର୍ଟ ଉପରେ ସ୍ବତଃ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି ଜାତୀୟ ମାନବାଧିକାର କମିଶନ (ଏନଏଚଆରସି)। ରିପୋର୍ଟ ଅନୁସାରେ ଯଦି ମହିଳାଙ୍କ ପରିବାର ପୁଣି ସମାଜକୁ ଫେରିବାକୁ ଚାହାଁନ୍ତି, ତେବେ ସେମାନଙ୍କୁ ଏକ ଶୁଦ୍ଧୀକରଣ ଅନୁଷ୍ଠାନ କରିବାକୁ ହେବ ଗ୍ରାମବାସୀମାନେ ଦାବି କରିଥିଲେ। ଯଦି ସେମାନେ ଏହି ପରମ୍ପରା ପାଳନ ନ କରନ୍ତି, ତେବେ ସେମାନଙ୍କୁ ଅନିର୍ଦ୍ଦିଷ୍ଟ କାଳ ପାଇଁ ବାସନ୍ଦ କରିବାକୁ ଗ୍ରାମବାସୀ ଧମକ ଦେଇଥିଲେ।

କମିସନ ଅନୁଧ୍ୟାନ କରିଛନ୍ତି ଯେ ଯଦି ଗଣମାଧ୍ୟମ ରିପୋର୍ଟର ବିଷୟବସ୍ତୁ, ଯଦି ସତ୍ୟ ହୋଇଥାଏ, ତେବେ ପୀଡିତାଙ୍କ ମାନବାଧିକାର ଉଲ୍ଲଂଘନର ଏକ ଗମ୍ଭୀର ମାମଲା ସୃଷ୍ଟି ହେଉଛି। ତେଣୁ କମିସନ ଓଡ଼ିଶା ସରକାରଙ୍କ ମୁଖ୍ୟ ଶାସନ ସଚିବଙ୍କୁ ଏକ ନୋଟିସ ଜାରି କରି ଦୁଇ ସପ୍ତାହ ମଧ୍ୟରେ ଏ ସମ୍ପର୍କରେ ବିସ୍ତୃତ ରିପୋର୍ଟ ମାଗିଛନ୍ତି। 

୨୧ ଜୁନ ୨୦୨୫ରେ ପ୍ରକାଶିତ ଏହି ଗଣମାଧ୍ୟମ ରିପୋର୍ଟ ଅନୁଯାୟୀ, ମହିଳାଙ୍କ ପରିବାର ସଦସ୍ୟମାନେ ଗ୍ରାମବାସୀଙ୍କ ନିର୍ଦ୍ଦେଶ ଆଗରେ ନତମସ୍ତକ ହୋଇଥିଲେ ଓ ଶୁଦ୍ଧୀକରଣ ପରମ୍ପରା ଅନୁସାରେ ପରିବାରର ୪୦ ଜଣ ସଦସ୍ୟଙ୍କ ମୁଣ୍ଡ ଲଣ୍ଡା କରାଯାଇଥିଲା। 

nhrc | marriage | Rayagada