ମଦମାଫିଆଙ୍କ ଘରେ ଚଢ଼ାଉ: ୧୪ ବାଇକ, ୧ ସ୍କର୍ପିଓ ଓ ୧୦୦୦ ଲିଟର ଦେଶୀ ମଦ ଜବତ

କାମାକ୍ଷାନଗର: ପରଜଙ୍ଗ ଥାନା ଆମ୍ବପଳାସ ଗ୍ରାମରେ ମଦମାଫିଆଙ୍କ ଘରେ ୪ ବିଭାଗର  ବଡ଼ ଧରଣର ଚଢ଼ାଉ କରାଯାଇଥିଲା l ଏଠାରୁ ୧୦୦୦ ଲିଟର ଦେଶୀମଦ, ୧୪ ଟି ବାଇକ, ୧ଟି ସ୍କର୍ପିଓ ସମେତ ବିପୁଳ ପରିମାଣରେ କୋଇଲା ଓ ଶାଳ କାଠ ଜବତ ହୋଇଥିଲା l

ସୂଚନା ଅନୁସାରେ, ବିଶ୍ୱସ୍ତ ସୂତ୍ରରୁ ଆମ୍ବପଳାସ ଗ୍ରାମରେ ବିପୁଳ ପରିମାଣର ଦେଶୀ ମଦ ଥିବା ଖବର ପାଇ ଅବକାରୀ ବିଭାଗ ଓ ପୁଲିସ ଚଢ଼ାଉ କରିଥିଲେl ମାତ୍ର ସେଠାରେ ଦେଶୀ ମଦ ସମେତ ବିପୁଳ ପରିମାଣରେ କୋଇଲା ଓ ଶାଳ କାଠ ଥିବା ଦେଖି ସେମାନେ ତୁରନ୍ତ ଖଣିବିଭାଗ ଓ ବନ ବିଭାଗକୁ ଖବର ଦେଇଥିଲେ l ଉଭୟ ବିଭାଗ ଘଟଣା ସ୍ଥଳରେ ପହଞ୍ଚି ଲକ୍ଷାଧିକ ଟଙ୍କାର କୋଇଲା ଓ ଶାଳ କାଠ ଜବତ କରିଥିଲେ l ୪ ବିଭାଗର ଚଢ଼ାଉ ପରେ ଜଣଙ୍କୁ ଗିରଫ କରିଛି ପୁଲିସ l ତେବେ ଅନ୍ୟମାନଙ୍କୁ ଧରିବା ପାଇଁ ପୁଲିସ ଉଦ୍ୟମ ଜାରି ରଖିଥିବା ବେଳେ ୪ ବିଭାଗର ଏହି ବଡ଼ ଧରଣର ଚଢ଼ାଉ ମଦ ମାଫିଆଙ୍କ ମନରେ କୋକୁଆ ଭୟ ସୃଷ୍ଟି କରିଛି l