ରାଜ୍ୟ ହକି ପ୍ରତିଯୋଗିତା ଆରମ୍ଭ

ରାଉରକେଲା: ସ୍ଥାନୀୟ ପାନପୋଷ କ୍ରୀଡ଼ା ଛାତ୍ରାବାସ ଓ ବିର୍ସା ମୁଣ୍ଡା ହକି ଷ୍ଟାଡିୟମରେ ରବିବାରଠାରୁ ତୃତୀୟ ରାଜ୍ୟ ବାଳକ ଉପକନିଷ୍ଠ ହକି ପ୍ରତିଯୋଗିତା ଆରମ୍ଭ ହୋଇଯାଇଛି। ପ୍ରଥମ ଦିନରେ ବାଳକ ଉପକନିଷ୍ଠ ବର୍ଗରେ ମୋଟ୍‌ ୧୪ଟି ମ୍ୟାଚ୍‌ ଖେଳାଯିବାକୁ ନିର୍ଦ୍ଧାରିତଥିଲା। ଏଥିମଧ୍ୟରୁ ୯ଟି ମ୍ୟାଚ୍‌ ଖେଳାଯାଇଥିଲାବେଳେ ୪ଟି ଦଳ ଅନୁପସ୍ଥିତ ରହିବାରୁ ପ୍ରତିପକ୍ଷଙ୍କୁ ବିଜୟୀ ଘୋଷିତ କରାଯାଇଛି। ତେବେ ଉଭୟ ନୟାଗଡ଼ ଓ ଜଗତସିଂହପୁର ଦଳ ନ ଆସିବାରୁ ମ୍ୟାଚ୍‌ ବାତିଲ ହୋଇଛି।