ଭୁବନେଶ୍ବର: ରାଜ୍ୟ ସରକାର ଓଡ଼ିଆ ଅସ୍ମିତାକୁ ପ୍ରାଧାନ୍ୟ ଦେଇଛନ୍ତି। ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ଓଡିଶୀ ନୃତ୍ୟପାଇଁ ସ୍ୱତନ୍ତ୍ର ଅନୁମୋଦନ ଦିଆଯାଇଛି।  ଓଡ଼ିଶାରେ ଓଡ଼ିଆ ଅସ୍ମିତା ପାଇଁ ସରକାରଙ୍କ ପଦକ୍ଷେପ ନେଇଛନ୍ତି। ଓଡିଶୀ ନୃତ୍ୟ ତାଲିମ ନେବେ ଯୁବ ନୃତ୍ୟଶିଳ୍ପୀ। ବିଭିନ୍ନ ଜିଲ୍ଲାରେ ଏହି ନୃତ୍ୟଶିଳ୍ପୀଙ୍କୁ ଖୋଜି ନୃତ୍ୟ ଶିଖାଇବେ ସ୍ଥାନୀୟ ନୃତ୍ୟଗୁରୁ। ଶ୍ରେଷ୍ଠ ନୃତ୍ୟଶିଳ୍ପୀମାନଙ୍କୁ ମିଳିବ ସୁଯୋଗ।  ଏଥିପାଇଁ ସଂସ୍କୃତି ବିଭାଗ ପକ୍ଷରୁ ବିଶେଷଜ୍ଞ କମିଟି ଗଠନ ହୋଇଛି ।

Advertisment

ଅତିରିକ୍ତ ସଚିବ ଦେବପ୍ରସାଦ ଦାଶ କହିଛନ୍ତି, କମିଟିର ଅଧ୍ୟକ୍ଷତା କରୁଛନ୍ତି ଗୁରୁ କୁମକୁମ ମହାନ୍ତି। ନୃତ୍ୟ ତାଲିମ ପାଇଁ କାହାକୁ ଭୁବନେଶ୍ୱର କଟକ ଆସିବାକୁ ପଡିବନି ବରଂ ନିଜ ନିଜ ଜିଲ୍ଲାରେ ଦିଆଯିବ ଏହି ତାଲିମ। ତାଲିମ ପ୍ରାପ୍ତ ହେବାପରେ ବିଭାଗ ଯୋଗାଇବ ନିର୍ଦ୍ଧିଷ୍ଟ ମଞ୍ଚ। ପରବ, ମଣ୍ଡେଇ ଭଳି ଜିଲ୍ଲାସ୍ତରୀୟ ଉତ୍ସବ ମାନଙ୍କରେ ପ୍ରଦର୍ଶନ କରିବେ ଏହି ନୃତ୍ୟଶିଳ୍ପୀ। ବିଭାଗ ଏହି ଦାୟିତ୍ୱ ନେଇଛି। ନୂଆ ସରକାର ମଧ୍ୟ ଆଗ୍ରହ ପ୍ରକାଶ କରିଛନ୍ତି।