ପୋଖରୀରେ ଗାଧୋଇ ବାକୁ ଯାଇ ବୁଡ଼ିଗଲେ ବୃଦ୍ଧ, ମୃତଦେହ ଉଦ୍ଧାର

ଡାବୁଗାଁ: ନବରଙ୍ଗପୁର ଜିଲ୍ଲା ଡାବୁଗାଁ ଥାନା ଅନ୍ତର୍ଗତ ଗିର୍ଲ୍ଲା ଗ୍ରାମର ଜଣେ ବୃଦ୍ଧ ପୋଖରୀରେ ଗାଧୋଇ ବାକୁ ଯାଇ ପାଣିରେ ବୁଡ଼ି ଯାଇଛନ୍ତି। ସଂପୃକ୍ତ ବ୍ୟକ୍ତିଙ୍କର ମୃତଦେହ ପୋଖରୀରୁ ଉଦ୍ଧାର କରାଯାଇଛି। ମୃତ ବୃଦ୍ଧ ହେଲେ ଗୀର୍ଲ୍ଲା ଗ୍ରାମର ଡ଼ମ୍ବୁରୁ ଭତରା (୬୦)।

ସୂଚନା ଅନୁଯାଇ ଡାବୁଗାଁ ଥାନା ଜୁନାପାଣି ପଞ୍ଚାୟତ ଅନ୍ତର୍ଗତ ଗିର୍ଲ୍ଲା ଗ୍ରାମର ଡମ୍ବୁରୁ ଭତରା ଆଜି ଦିନ ୧୧ ଘଣ୍ଟ ସମୟରେ ଗାଧୋଇବା ପାଇଁ ଗ୍ରାମ ନିକଟ ପୋଖରୀକୁ ଯାଇଥିଲେ। ତେବେ ସେ ଅସାବଧାନତା ବଶତଃ ପୋଖରୀରେ ଗାଧୋଉ ଥିବା ସମୟରେ  ଗୋଡ ଖସି ଯିବାରୁ ସେ ପାଣିରେ ବୁଡ଼ି ଯାଇଥିଲେ। ପରେ ନିକଟ ଜମିରେ କାର୍ଯ୍ୟ କରୁଥିବା ଲୋକ ପୋଖରୀରେ ଆସି ଦେଖିବା ବେଳକୁ ଡମ୍ବୁରୁ ଭତରା ପାଣିରେ ଭାସୁଥିବା ଦେଖିଥିଲେ।

ପରିବାର ଲୋକ ଖବର ଜାଣିବା ପରେ ଅଗ୍ନିଶମ କର୍ମଚାରୀ ପୋଖରୀରୁ ବୃଦ୍ଧ ଡମ୍ବୁରୁ ଭତରାଙ୍କୁ ଉଦ୍ଧାର କରି ଡାବୁଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରି ଥିଲେ। ତେବେ ଡାକ୍ତର ସେଠାରେ ଡମ୍ବୁରୁ ଙ୍କୁ ମୃତ ଘୋଷଣା କରିଥିଲେ।

ଏ ନେଇ ମୃତ ଡମ୍ବୁରୁ ଭତରାଙ୍କ ସମ୍ପର୍କୀୟ ଯୋଗେନ୍ଦ୍ର ଭତରା ଡାବୁଗାଁ ଥାନାରେ ଏତଲା ଦେବା ପରେ ପୁଲିସ କେଶ ନ ୩୧/୨୪ରେ ମାମଲା ରୁଜୁ କରି ଥିଲେ। ଆସନ୍ତାକାଲି ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଜଣାପଡ଼ିଛି। ଘଟଣାର ତଦନ୍ତ ପୁଲିସ ଏ ଏସ ଆଇ ଗୋପାଳ କୃଷ୍ଣ ହାଲୱା କରୁଛନ୍ତି।