ସୋର: ବାଲେଶ୍ବର ଜିଲ୍ଲା ଖଇରା ଥାନା ତୁଡ଼ିଗଡ଼ିଆ ବଜାରରେ ସାମାନ୍ୟ ବଚସାରୁ ଏସିଡ ମାଡ଼ ହେବାରୁ ଜଣେ ଗୁରୁତର ଆହତ ହେବା ସହିତ ଅନ୍ୟ ଜଣେ ଆହତ ହୋଇ ଡାକ୍ତରଖନାରେ ଭର୍ତି ହୋଇଛନ୍ତି।

Advertisment

ସୂଚନା ଅନୁସାରେ ଆଜି ସନ୍ଧ୍ୟାରେ ଡ଼ାଲଙ୍ଗ ଗ୍ରାମର ରାମଚନ୍ଦ୍ର ପାଢ଼ୀ (୪୦) ବଜାରରେ ଥିବା ବେଳେ ଜଣେ ସୁନାଦୋକାନୀଙ୍କ ସହ ସାମାନ୍ୟ କଥାରୁ ବଚସା ହୋଇଥିଲା। ପରେ ସୁନା ଦୋକାନୀ ଜଣଙ୍କ ଉତକ୍ଷିପ୍ତ ହୋଇ ଦୋକାନରେ ଥିବା ଏସିଡ ରାମଚନ୍ଦ୍ରଙ୍କ ଉପରକୁ ଫିଙ୍ଗିଥିଲେ। ଏଥିରେ ରାମଚନ୍ଦ୍ରଙ୍କ ସମେତ ଡ଼ାଲଙ୍ଗ ଗ୍ରାମର ଡ଼ମ୍ବୁରଧର ମଳିକ (୫୦) ଆହତ ହୋଇଥିଲେ।

ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ସୋଇ ଡକ୍ଟରଖାନାକୁ ନେଇଥିବା ବେଳେ ସେଠାରେ ରାମଚନ୍ଦ୍ରଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତର କରିଯାଇଥିବା ବେଳେ ଡମ୍ବୁର ଙ୍କର ସୋର ଡାକ୍ତର ଖାନାରେ ଚିକିତ୍ସିତ ହେଉଛନ୍ତି।ଖବର ପାଇ ସୋର ପୁଲିସ ଡାକ୍ତର ଖାନାରେ ପହଂଚି ଘଟଣାର ତଦନ୍ତ ଆରମ୍ଭ କରିଛି।