ନିଶାର ମାୟାଜାଲରେ ୨୯.୨୦ କୋଟି ଲୋକ: କେବଳ ୧୧ ଜଣଙ୍କ ମଧ୍ୟରୁ ଜଣଙ୍କୁ ମିଳୁଛି ଚିକିତ୍ସା ସୁବିଧା, ଭାରତର ସ୍ଥିତି ସଙ୍କଟ ଜନକ

ନୂଆଦିଲ୍ଲୀ: ସାରା ବିଶ୍ୱରେ ନିଶା ସେବନକାରୀଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ନିଶାର ମାୟାଜାଲରେ ସେମାନେ ଛଟପଟ ହେଉଛନ୍ତି। ତେବେ ନିଶା ସେବନରୁ ମୁକ୍ତି ପାଇବା ପାଇଁ ଚିକିତ୍ସା ସେବା ସୀମିତ ରହିଛି। ପ୍ରକାଶିତ ପରିସଂଖ୍ୟାନ ଅନୁସାରେ ସମଗ୍ର ବିଶ୍ୱରେ ୧୧ ଜଣ ନିଶା ସେବନକାରୀଙ୍କ ମଧ୍ୟରୁ କେବଳ ଜଣେ ଠିକ୍ ସମୟରେ ଚିକିତ୍ସା କରି ପାରୁଛନ୍ତି।

ଭାରତରେ ମଧ୍ୟ ଅବସ୍ଥା ଗୁରୁତର ରହିଛି। ଦେଶରେ ୨୦୧୭ ମସିହାରେ, କେବଳ ୧୫,୧୦୧ ନିଶା ସେବନକାରୀ ଚିକିତ୍ସିତ ହୋଇଥିବାବେଳେ ନିଶା ସେବନକାରୀଙ୍କ ସଂଖ୍ୟା ଲକ୍ଷ ଲକ୍ଷରେ ରହିଛି। ଏହା ବ୍ୟତୀତ ଡ୍ରଗ୍ସ କାରବାରରେ ଜଡିତ ପ୍ରାୟ ଚାରି ଲକ୍ଷ ଲୋକ ଜେଲରେ ଅଛନ୍ତି। ସେଥି ମଧ୍ୟରୁ ଅଧିକାଂଶ ମାମଲା କୋର୍ଟରେ ବିଚାରାଧୀନ ଅଛି। ବିଶ୍ବରେ ଡ୍ରଗ୍ସର ବ୍ୟବହାରରେ ଚିନ୍ତାଜନକ ଭାବେ ବୃଦ୍ଧି ସହିତ ଶକ୍ତିଶାଳୀ ନୂତନ ସିନ୍ଥେଟିକ୍ ଓପିଓଇଡ୍‌ର ଆବିର୍ଭାବ ହୋଇଛି ବୋଲି ରିପୋର୍ଟରେ କୁହାଯାଇଛି।

ସିନ୍ଥେଟିକ୍ ଓପିଓଇଡ୍ ହେଉଛି ଏକ ପଦାର୍ଥ ଯାହା ଲାବୋରେଟୋରୀରେ ସିନ୍ଥାଇଜ୍ ହୋଇ ନାର୍କୋଟିକ୍ସରେ ମିଶ୍ରିତ କରାଯାଇ ପ୍ରସ୍ତୁତ କରାଯାଇଥାଏ। ଏହା ମଣିଷର ମସ୍ତିଷ୍କରେ ପ୍ରାକୃତିକ ଓପିଓଇଡ୍ ଯଥା ମାର୍ଫନ୍ ଏବଂ କୋଡିନ୍ ପରି ସମାନ ଭାବେ କାର୍ଯ୍ୟ କରିଥାଏ। ଏହାର ସେବନ ଦ୍ବାରା ଆନାଲେଜିକ୍ (ଯନ୍ତ୍ରଣାରୁ ମୁକ୍ତି) ପ୍ରଭାବ ସୃଷ୍ଟି ହୋଇଥାଏ। ୱାର୍ଲ୍ଡ ଡ୍ରଗ୍ ରିପୋର୍ଟ ୨୦୨୪ରେ ପ୍ରକାଶିତ ହୋଇଛି ଯେ ୨୦୨୨ ମସିହାରେ ଡ୍ରଗ୍ସ ବ୍ୟବହାର କରୁଥିବା ଲୋକଙ୍କ ସଂଖ୍ୟା ୨୯.୨୦ କୋଟିରେ ପହଞ୍ଚିବ। ଯାହା ପୂର୍ବ ଦଶନ୍ଧି ତୁଳନାରେ ୨୦ ପ୍ରତିଶତ ବୃଦ୍ଧି ପାଇବ।

ରିପୋର୍ଟ ଅନୁଯାୟୀ, ବିଶ୍ବରେ ୨୨.୮୦ କୋଟି ଲୋକ ଗଞ୍ଜେଇରୁ ପ୍ରସ୍ତୁତ ନିଶା ସେବନ କରୁଛନ୍ତି। ଏହା ପରେ ୬ କୋଟିରୁ ଅଧିକ ଲୋକ ଓପିଓଇଡ୍ ନେଉଛନ୍ତି, ତିନି କୋଟି ଲୋକ ଆମ୍ଫେଟେମିନ୍ ନେଉଛନ୍ତି, ୨.୩୦ କୋଟି ଲୋକ କୋକେନ ନେଉଛନ୍ତି ଏବଂ ପ୍ରାୟ ଦୁଇ କୋଟି ଲୋକ ଏକ୍ସଟସି ନିଶା ସେବନ କରୁଛନ୍ତି।

ଏହି ରିପୋର୍ଟରେ କୁହାଯାଇଛି ଯେ ସାରା ବିଶ୍ୱରେ ପ୍ରାୟ ୬ କୋଟି ଲୋକ ନିଶା ସେବନରୁ ଆରୋଗ୍ୟ କରିବାର ଆବଶ୍ୟକତା ରହିଛି। କିନ୍ତୁ ଡାକ୍ତରଖାନାଗୁଡ଼ିକରେ ଉପଲବ୍ଧ ସୁବିଧା ପର୍ଯ୍ୟାପ୍ତ ନୁହେଁ। ଭାରତର ଜାତିସଂଘର ରେସିଡେଣ୍ଟ ସଂଯୋଜକ ଶୋମ୍ବି ଶାର୍ପ କହିଛନ୍ତି ଯେ ଆମର ପ୍ରୟାସ କେବଳ ସନ୍ତୁଳିତ ହେବା ସହିତ ସ୍ୱାସ୍ଥ୍ୟ ଅଧିକାରମାନଙ୍କ ସହ ମାନବିକ ଅଧିକାର ମଧ୍ୟ ବଜାୟ ରଖିବା ଆବଶ୍ୟକ। ନିଶା ସେବନରେ ପୀଡିତ ଲୋକଙ୍କୁ ସାହାଯ୍ୟ କରାଯିବା ଉଚିତ୍। ଏଥିପାଇଁ ସରକାର ନୀତିଗତ ନିଷ୍ପତ୍ତି ନେବା ଆବଶ୍ୟକ ବୋଲି ସେ କହିଛନ୍ତି।