ଆମ୍ବ ଖାଇବା ଦ୍ୱାରା ଶରୀରକୁ ମିଳିଥାଏ ଏ ସବୁ ଫାଇଦା
ଖରାଦିନେ ଆମ୍ବ ଖାଇବା ସମସ୍ତଙ୍କ ପସନ୍ଦ । ଭୋଜନ ସହ ହେଉ ବା ଖାଲିରେ ହେଉ, ଲୋକେ ଆମ୍ବ ଖାଇବାକୁ ପସନ୍ଦ କରିଥାନ୍ତି । ତେବେ ପାଟିକୁ ସୁଆଦିଆ ଲାଗୁଥିବା ଆମ୍ବ ମଧୁର ହେବା ସହ ଶରୀରର ଅନେକ ସମସ୍ୟା ଦୂର କରିଥାଏ । ଭିଟାମିନ୍, ମିନେରାଲ୍ସ ଏବଂ ପ୍ରୋଟିନରେ ଭରପୂର ଥିବା ଆମ୍ବର ସେବନ ମଧୁମେହ ରୋଗ ଠାରୁ ଆରମ୍ଭ କରି କର୍କଟ ରୋଗ ଭଳି ସମସ୍ୟାକୁ ଦୂରରେ ରଖିଥାଏ । ଆସନ୍ତୁ ଜାଣିବା ଏହାର ଅନ୍ୟ କିଛି ଫାଇଦା ବିଷୟରେ…
Sambad is now on WhatsApp
Join and get latest news updates delivered to you via WhatsApp
୧. ଆମ୍ବରେ ଭିଟାମିନ୍ ଏର ପରିମାଣ ଅଧିକ ମାତ୍ରାରେ ରହିଥିବାରୁ ତାହା ଦୃଷ୍ଟିଶକ୍ତି ବଢ଼ାଇବାରେ ସାହାଯ୍ୟ କରିଥାଏ । ଗୋଟେ କପ ଆମ୍ବ ରସରୁ ୨୫ପ୍ରତିଶତ ଭିଟାମିନ୍ ଏ ଶରୀରକୁ ମିଳି ଯାଇଥାଏ ।
୨. ଯେଉଁ ଲୋକମାନଙ୍କର ଆନେମିଆ ସମସ୍ୟା ରହିଛି । ସେମାନଙ୍କୁ ପ୍ରଚୁର ପରିମାଣରେ ଆମ୍ବ ଖାଇବା ଦରକାର । ଏଥିରେ ଆଇରନର ପରିମାଣ ଭରପୂର ମାତ୍ରାରେ ରହିଥିବାରୁ ଏହା ଶରୀରରେ ରକ୍ତର ଅଭାବକୁ ଦୂର କରିଥାଏ ।
୩. ଯଦି ଆପଣ ନିଜ ଓଜନ କମ ଥିବାକୁ ନେଇ ଚିନ୍ତିତ ରହୁଛନ୍ତି, ତେବେ ପ୍ରତିଦିନର ଖାଦ୍ୟରେ ଆମ୍ବକୁ ସାମିଲ କରନ୍ତୁ । ୧୫୦ଗ୍ରାମ ଆମ୍ବରେ ୮୬ପ୍ରତିଶତ କ୍ୟାଲୋରୀ ରହିଥାଏ, ଯାହା ଓଜନ ବଢ଼ାଇବାରେ ସାହାଯ୍ୟ କରିଥାଏ ।
୪.ମ୍ୟାଗ୍ନେସିୟମ ଏବଂ ପୋଟାସିୟମରେ ଭରପୂର ଥିବାରୁ ଏହାର ସେବନ କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣ କରିଥାଏ ।