ଖରାଦିନେ ଉପୁଜୁଥିବା ତ୍ୱଚାଜନିତ ସମସ୍ୟାରୁ ମୁକ୍ତି ପାଇବା ପାଇଁ ବ୍ୟବହାର କରନ୍ତୁ ବେସନ
ସବୁ ଭାରତୀୟଙ୍କ ରୋଷେଇ ଘରେ ବେସନ ଖୁବ୍ ସହଜରେ ମିଳି ଯାଇଥାଏ । ଲୋକେ ଏହାକୁ ବିଭିନ୍ନ ପ୍ରକାରର ସ୍ୱାଦିଷ୍ଟ ଖାଦ୍ୟ ତିଆରି କରିବା ପାଇଁ ବ୍ୟବହାର କରିଥାନ୍ତି । ତେବେ ବେସନ କେବଳ ପାଟିକୁ ସ୍ୱାଦ ନୁହେଁ ଖରାଦିନେ ତ୍ୱଚାଜନିତ ଅନେକ ସମସ୍ୟାକୁ ଦୂର ମଧ୍ୟ କରିଥାଏ । ଆସନ୍ତୁ ଜାଣିବା ସେ ବିଷୟରେ…..
Sambad is now on WhatsApp
Join and get latest news updates delivered to you via WhatsApp
୧. କିଛି ଲୋକଙ୍କ ମୁହଁରେ କେଶ ଉଠିବାର ସମସ୍ୟା ରହୁଥିବାରୁ ସେମାନେ ଓ୍ଵାକ୍ସିଙ୍ଗ ବା ବ୍ଲିଚିଙ୍ଗ କରାଇଥାନ୍ତି । ଯଦି ଆପଣଙ୍କ ମୁହଁରେ କେଶ ଉଠିବାର ସମସ୍ୟା ରହିଛି, ତେବେ ବେସନରେ ଲେମ୍ବୁ ଏବଂ ପାଣି ମିଶାଇ ମୁହଁରେ ଲଗାନ୍ତୁ । ଶୁଖିଯିବା ପରେ କେଶ ଉଠିଥିବା ସ୍ଥାନକୁ ଭଲ ଭାବରେ ରଗଡ଼ି ବେସନକୁ ଛଡ଼ାଇ ଦିଅନ୍ତୁ । କିଛି ଦିନ ଏପରି କରିବା ଦ୍ୱାରା ଆପଣଙ୍କ ମୁହଁରୁ କେଶ ହଟିଯିବ ।
୨. ଖରାଦିନେ ଟ୍ୟାନ୍ର ସମସ୍ୟା ଦେଖାଯିବା ଅତି ସାଧାରଣ । ନିଜ ମୁହଁ ବା ଶରୀରର କୌଣସି ଅଙ୍ଗରୁ ଟ୍ୟାନ୍ କମ କରିବା ପାଇଁ ଗୋଟେ ଚାମଚ ବେସନରେ କିଛି ହଳଦୀ, ଲେମ୍ବୁୁ ରସ ଏବଂ ପାଣି ମିଶାଇ ଟ୍ୟାନ୍ ହୋଇଥିବା ସ୍ଥାନରେ ଲଗାନ୍ତୁ ।
୩. ବଢ଼ୁଥିବା ପ୍ରଦୂଷଣ ଏବଂ ମେକ୍ଅପ୍ ପାଇଁ ମୁହଁ ଖରାପ ହୋଇ ଯାଇଥାଏ । ମୃତ କୋଷିକା ଗୁଡ଼ିକ ବଢ଼ି ଯାଉଥିବାରୁ ମୁହଁ କଳା ଦେଖାଯିବାକୁ ଲାଗିଥାଏ । ଏଭଳି ସମସ୍ୟାକୁ ଦୂର କରିବା ପାଇଁ ବେସନରେ କଞ୍ଚା କ୍ଷୀର ମିଶାଇ ଲଗାନ୍ତୁ । ତ୍ୱଚା ଉଜ୍ୱଳ ହେବ ।