କାକୁଡିରୁ ମିଳେ ଅନେକ ଲାଭ : ପାଟିକୁ ସୁଆଦ, ଦେହକୁ ହିତ, ପୁଣି ଦୂର କରେ ଅନେକ ରୋଗ
କାକୁଡି ସ୍ୱାସ୍ଥ୍ୟ ପାଇଁ ଭଲ ହୋଇଥାଏ। ଏଥିରେ ଶରୀରରେ ଚର୍ବି ସୃଷ୍ଟିକାରୀ କୌଣସି ଉପାଦାନ ନ ଥାଏ । କାକୁଡିରେ ୯୦ ପ୍ରତିଶତ ପାଣି ରହିଥାଏ। କାକୁଡିରେ ଭିଟାମିନ୍ ଏ, ବି ୧, ବି ୬, ପୋଟାସିୟମ୍ ଓ ଆଇରନ ଆଦି ପ୍ରଚୁର ମାତ୍ରାରେ ରହିଛି। କାକୁଡି ଖାଇବା ଦ୍ୱାରା କୋଷ୍ଠ କାଠିନ୍ୟରୁ ଉପଶମ ମିଳିଥାଏ। ଏସିଡିଟି ମଧ୍ୟ ଭଲ ହୋଇଥାଏ।
Sambad is now on WhatsApp
Join and get latest news updates delivered to you via WhatsApp
କାକୁଡି କୁ ମଧ୍ୟ ଫେସ୍ ମାସ୍କ ହିସାବରେ ବ୍ୟବହାର କରାଯାଇଥାଏ। କାକୁଡିକୁ ଆଖି ଉପରେ ରଖିଲେ ଆଖି ତଳେ ଥିବା କଳା ଦାଗ ଦୂର ହୋଇଥାଏ ଏବଂ ଆରାମ ମଧ୍ୟ ମିଳିଥାଏ। ପ୍ରତିଦିନ କାକୁଡି ଖାଇବା ଦ୍ୱାରା କ୍ୟାନ୍ସର ହେବାର ସମ୍ଭାବନା କମ୍ ହୋଇଥାଏ। ପେଟ ଜନିତ ସମସ୍ୟା ମଧ୍ୟ ଦୂର ହୋଇଥାଏ। ମଧୁମେହ ଏବଂ ରକ୍ତଚାପ ସମସ୍ୟାରୁ ରକ୍ଷା ପାଇବା ପାଇଁ ନିୟମିତ ଭାବରେ କାକୁଡି ସେବନ କରିବା ଉଚିତ୍। କାକୁଡି ଖାଇବା ଦ୍ୱାରା ଶରୀରରେ କୋଲେଷ୍ଟରଲ ସ୍ତର କମ୍ ହୋଇଥାଏ। କାକୁଡିରେ ଫାଇବର, ପୋଟାସିୟମ୍, ମାଗ୍ନେସିୟମ୍ ଥାଏ, ଯାହା ବ୍ଲଡପ୍ରେସରକୁ ନିୟନ୍ତ୍ରଣ କରିଥାଏ। ଯେଉଁମାନେ ଓଜନ ହ୍ରାସ କରିବା ପାଇଁ ଚାହୁଁଛନ୍ତି, ତାଙ୍କ ପାଇଁ କାକୁଡି ଖାଇବା ଭଲ। କାକୁଡିରେ ପାଣି ଅଧିକ ଏବଂ କାଲୋରି କମ୍ ଥାଏ। ସୁପ୍ ଏବଂ ସାଲାଡରେ କାକୁଡି ଖାଆନ୍ତୁ।
ଷ୍ଟେନ୍ଲେସ ଷ୍ଟିଲ୍ରେ କିଛି ଦାଗ ଲିଭାଇବା ପାଇଁ କାକୁଡିର ବ୍ୟବହାର କରାଯାଏ। ଜୋତା ପଲିସ କରିବାରେ ମଧ୍ୟ କାକୁଡିର ବ୍ୟବହାର କରାଯାଏ। ଏହା ପାଟିର ଦୁର୍ଗନ୍ଧ ଦୂର କରିବାରେ ସହାୟକ ହୋଇଥାଏ। ଗାଜର ଏବଂ କାକୁଡିକୁ ମିଶାଇ ଜୁସ୍ ପ୍ରସ୍ତୁତ କରି ପିଇବା ଦ୍ୱାରା ଗଣ୍ଠି ଯନ୍ତ୍ରଣା ଭଲ ହୋଇଥାଏ ଏବଂ ୟୁରିକ୍ ଏସିଡ ସ୍ତର ମଧ୍ୟ କମ୍ ହୋଇଥାଏ। ରୋଗ ପ୍ରତିରୋଧକ ଶକ୍ତି ମଧ୍ୟ ବୃଦ୍ଧି ହୋଇଥାଏ। ଶରୀରରେ ତାପମାତ୍ରା ନିୟନ୍ତ୍ରଣ କରିବାରେ ଏହା ମଧ୍ୟ ସାହାଯ୍ୟ କରିଥାଏ। ତେଣୁ ଖରାଦିନେ କାକୁଡି ଖାଇବା ଉଚିତ୍ ।