ଜିମ୍ ଯିବାକୁ ପସନ୍ଦ କରୁ ନାହାନ୍ତି କି ? ସାଇକେଲ ଚଲାଇ ମଧ୍ୟ ଆପଣ ରହି ପାରିବେ ଫିଟ୍
ଆଜିକାଲିର ବ୍ୟସ୍ତ ବହୁଳ ଜୀବନରେ ସମୟର ଅଭାବ ବହୁତ । ସମୟ ଅଭାବ ହେତୁ ଜିମ ଯାଇପାରୁନଥିବାରୁ କାମ ସହିତ ଶରୀରକୁ ଫିଟ୍ ରଖିବା ବହୁତ କଷ୍ଟକର ହୋଇପଡିଛି । ସେଥିପାଇଁ ଲୋକଙ୍କ ଶରୀରରେ ବିଭିନ୍ନ ପ୍ରକାର ଅସୁବିଧା ଦେଖା ଯାଉଛି। କିନ୍ତୁ ଏବେ ଆପଣ ଜିମ୍ ନ ଯାଇ ମଧ୍ୟ ନିଜକୁ ଫିଟ୍ ରଖି ପାରିବେ । ଏକ ଗବେଷେଣାରୁ ଜଣା ପଡ଼ିଛି କି ପ୍ରତି ଦିନ କିଛି ସମୟ ସାଇକଲ ଚଳାଇ ଆପଣ ନିଜକୁ ଫିଟ୍ ରଖି ପାରିବେ ।
Sambad is now on WhatsApp
Join and get latest news updates delivered to you via WhatsApp
୧. ସାଇକଲ ଚଲାଇବା ଦ୍ୱାରା ଏହା ଆପଣଙ୍କ ଶରୀରର ଓଜନକୁ ନିୟନ୍ତ୍ରଣରେ ରଖିବା ସହ ମାନସିକ ଅବସାଦ ଏବଂ ଚିନ୍ତାକୁ ଦୂର କରିଥାଏ । ସାଇକ୍ଲିଙ୍ଗ୍ ହେଉଛି ଏକ ଏରୋବିକ୍ ଏକ୍ସର୍ସାଇଜ୍ ଯାହାକୁ କରିବା ଦ୍ୱାରା ଅନେକ ଗୁଡ଼ିଏ ଲାଭ ଶରୀରକୁ ମିଳିଥାଏ ।
୨.ସାଇକଲ ଚଲାଇବା ଦ୍ୱାରା ହୃଦ୍ଘାତ ଜନିତ ରୋଗ ହେବାର ଆଶଙ୍କା କମ୍ ହୋଇଥାଏ ।
୩. ପ୍ରତି ଦିନ ସାଇକଲ ଚଲାଇବା ଦ୍ୱାରା ମସ୍ତିଷ୍କରେ ସେରୋଟୋନିନ୍, ଡ଼ୋପାମାଇନ୍ ଏବଂ ଫିନାଇଲ୍ଇଥାଇଲ୍ଆମିନ୍ ସୃଷ୍ଟି ହୋଇଥାଏ, ଯାହାକି ଅପଣଙ୍କ ମନକୁ ଖୁସି ରଖିଥାଏ ।
୪.ଆଣ୍ଠୁ ଗଣ୍ଠି ବ୍ୟଥା ହେଉଥିବା ଲୋକମାନଙ୍ ପାଇଁ ସାଇକଲ ଚଲାଇବା ଅତ୍ୟନ୍ତ ଭଲ ବୋଲି ଜଣାପଡ଼ିଛି ।
୫.ମଧୁମେହ ଥିବା ଲୋକମାନେ ସାଇକଲ ଚଲାଇବା ସମୟରେ ଶରୀରକୁ ହାଇଡ଼୍ରେଟେଡ଼୍ ରଖିବା ନିହାତି ଦରକାର । ଟାଇପ୍ ୧ ମଧୁମେହ ରୋଗୀ ଯଦି ଏକ ଘଣ୍ଟାରୁ ଅଧିକ ସମୟ ସାଇକଲ ଚଲାଉଛନ୍ତି, ତେବେ ସାଥିରେ କାର୍ବୋହାଇଡ଼୍ରେଟ୍ ଥିବା ସ୍ନାକ୍ସ ନେବା ଦରକାର ।