ମନ ଖୋଲି ହସିବାରେ ରହିଛି ଏହି ୭ଟି ଫାଇଦା, ହୃଦ୍ଘାତର ଆଶଙ୍କା ହୋଇଥାଏ କମ
Sambad is now on WhatsApp
Join and get latest news updates delivered to you via WhatsApp
ସୁସ୍ୱାସ୍ଥ୍ୟ ପାଇଁ ମନଖୋଲି ହସିବା ନିହାତି ଆବଶ୍ୟକ । ମନ ଖୋଲି ହସିବା ଦ୍ୱାରା ଶରୀର ସୁସ୍ଥ ରହିବା ସହ ଅନେକ ବଡ଼ ବଡ଼ ସମସ୍ୟା ଖୁବ୍ ସହଜରେ ଦୂର ହୋଇ ଯାଇଥାଏ । ମନଖୋଲି ହସିଲେ ବିଶେଷ କରି ମାନସିକ ରୋଗ ହେବାର ଆଶଙ୍କା କମ ହୋଇଯାଇଥାଏ । ଆଜିକାଲିର ବ୍ୟସ୍ତତା ଭିତରେ ଲୋକମାନେ ହସିବା ଭୁଲି ଯାଇଛନ୍ତି, ଯାହା ପାଇଁ ଲୋକମାନଙ୍କ ପାଖରେ ବିଭିନ୍ନ ପ୍ରକାର ରୋଗ ଦେଖିବାକୁ ମିଳିଛି । ଜୋରରେ ହସିଲେ ଶରୀରର ମାଂସପେଶୀ ସକ୍ରିୟ ହେବା ସହ ରକ୍ତ ସଞ୍ଚାଳନ ଠିକ୍ ଭାବରେ ହୋଇଥାଏ । ତେବେ ଆସନ୍ତୁ ଜାଣିବା ମନ ଖୋଲି ହସିବାର ଫାଇଦା ବିଷୟରେ…
୧. କିଛି ଲୋକ ବାହାରକୁ ବୁଲିଯିବା ସହ ଅଜଣା ଲୋକଙ୍କ ସହ କଥା ହେବାକୁ ପସନ୍ଦ କରନ୍ତି ନାହିଁ । କାହା ସହ କଥା ହେବାକୁ ସେମାନେ ଡ଼ରିଥାନ୍ତି । ଏଭଳି ମାନସିକ ରୋଗ ପାଇଁ ମନ ଖୋଲି ହସିବାକୁ ଏକ ଔଷଧ ବୋଲି ଧରା ଯାଇଥାଏ । ଏଭଳି ସମସ୍ୟା ଥିବା ରୋଗୀକୁ ଲାଫ୍ଟର ଥେରାପି ଦିଆ ଯାଇଥାଏ । ଏହି ଥେରାପି ମାଧ୍ୟମରେ ବିଭିନ୍ନ ନାଟକ, ମଜାକଥା ବା ଟିଭି କାର୍ଯ୍ୟକ୍ରମ ଦ୍ୱାରା ରୋଗୀକୁ ହସାଇବା ପାଇଁ ଚେଷ୍ଟା କରାଯାଇଥାଏ ।
୨.ଏକ ଗବେଷଣା ଅନୁଯାୟୀ ଶରୀରରେ ଅକ୍ସିଜେନର ଅଭାବ ହେତୁ କର୍କଟ ରୋଗ ସୃଷ୍ଟିକାରୀ କୋଷିକା ନଷ୍ଟ ହୋଇ ଯାଇଥାଏ । ମନ ଖୋଲି ହସିବା ଦ୍ୱାରା ଶରୀରରେ ଅକ୍ସିଜେନର ପରିମାଣ ବୃଦ୍ଧି ପାଇଥାଏ । ଯାହା ଦ୍ୱାରା କର୍କଟ ରୋଗ ହେବାର ଆଶଙ୍କା କମ ହେବା ସହ ପ୍ରତିରକ୍ଷା ତନ୍ତ୍ର ମଜବୁତ ହୋଇଥାଏ ।
୩.ସବୁ ଦିନ ମନଖୋଲି ହସିବା ଦ୍ୱାରା ଆମ ତ୍ୱଚାରେ ଥିବା ୧୫ ପ୍ରକାରର ମାଂସପେଶୀ ଏକା ସାଙ୍ଗରେ କାମ କରିବାକୁ ଲାଗିଥାଏ । ଯାହା ଦ୍ୱାରା ତ୍ୱଚାରେ ରକ୍ତ ସଞ୍ଚାଳନ ଠିକ୍ ଭାବରେ ହେବା ସହ ତ୍ୱଚା ଚମକିବାକୁ ଲାଗିଥାଏ ।
୪. ଯଦି ଆପଣ ରାତିରେ ଠିକ୍ ଭାବରେ ଶୋଇ ପାରୁ ନାହାନ୍ତି । ତେବେ ମନ ଖୋଲି ହସିବା ଆପଣଙ୍କ ପାଇଁ ଲାଭଦାୟକ ହୋଇଥାଏ ।