ଏପରି ପାଳନ୍ତୁ ସୁରକ୍ଷିତ ଓ ପରିବେଶକୁ କୌଣସି କ୍ଷତି ନପହଞ୍ଚାଇଲା ଭଳି ଇକୋ-ଫ୍ରେଣ୍ଡଲି ଦୀପାବଳି
ଦୀପାବଳୀ ହେଉଛି ଏକ ଖୁସି ଏବଂ ଉଲ୍ଲାସର ପର୍ବ । ତେବେ ଏହି ଦୀପାବଳିରେ ବ୍ୟବହୃତ ହେଉଥିବା ସାଜସଜ୍ଜା ସାମଗ୍ରୀ ଠାରୁ ଆରମ୍ଭ କରି ଦୀପାବଳୀର ବାଣ ପର୍ଯ୍ୟନ୍ତ ସବୁ ପରିବେଶ ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ ବୋଲି ଆମେ ଭୁଲି ଯାଇଥାଉ। ତେବେ ଆସନ୍ତୁ ପରିବେଶକୁ କୌଣସି କ୍ଷତି ନ ପହଞ୍ଚାଇ ପାଳିବା କିପରି ପାଳିବା ଇକୋ-ଫ୍ରେଣ୍ଡଲି ଦୀପାବଳୀ ।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ଘର ସଜାଇବା ପାଇଁ ଆପଣ ରଙ୍ଗିନ୍ କାଗଜ ଏବଂ ରଙ୍ଗୋଲିର ବ୍ୟବହାର କରୁଥିଲେ କିନ୍ତୁ କିଛି ବର୍ଷ ହେଲା ଘର ସଜାଇବା ପାଇଁ ପ୍ଲାଷ୍ଟିକର ବ୍ୟବହାର କରାଯାଉଛି । ଏହା ଦୀପାବଳୀ ସକାଶେ ତ ଲାଗିଥାଏ କିନ୍ତୁ ଏହାର କିଛି ଦିନ ପରେ ଏହି ପ୍ଲାଷ୍ଟିକ ସଡକରେ ତଥା ଗଳିରେ ଦେଖିବାକୁ ମିଳିଥାଏ । ଏହା ପରିବେଶ ପାଇଁ କ୍ଷତିକାରକ ହୋଇଥାଏ । ତେଣୁ ଏଭଳି ସାମଗ୍ରୀ ବ୍ୟବହାରରୁ ନିଜକୁ ଦୂରେଇ ରଖନ୍ତୁ।
ବାଣ ପରିବେଶ ପାଇଁ ଆଦୌ ଠିକ୍ ହୋଇ ନଥାଏ। ଏହାକୁ ଏକ ଅଭିଯାନ ଭାବି ପ୍ରଥମେ ନିଜେ ଏହାପରେ ବନ୍ଧୁବାନ୍ଧବ ଏବଂ ଘରଲୋକଙ୍କ ବାଣ ନ ଫୁଟାଇବା ପାଇଁ କୁହନ୍ତୁ । ସେହିପରି ଯଦି ବାଣ ଫୁଟାଇବାକୁ ଆପଣ ଅଧିକ ଭଲ ପାଉଛନ୍ତି ତେବେ ଇକୋ-ଫ୍ରେଣ୍ଡଲି ବାଣ ଫୁଟାନ୍ତୁ । ଏବେ ବଜାରରେ ଇକୋ-ଫ୍ରେଣ୍ଡଲି ବାଣ ମଧ୍ୟ ଉପଲବ୍ଧ ହେଲାଣି। ଏଥିରେ ଧୂଆଁ ଏବଂ ଶବ୍ଦ କମ୍ ଶୁଭାଯାଏ । ଲାଇଟ୍ ବଦଳରେ ମାଟି ଦୀପର ବ୍ୟବହାର କରି ଦୀପାବଳୀ ପାଳନ କରନ୍ତୁ।