ଜାଣନ୍ତି କି ! ପୁରୁଷଙ୍କ ତୁଳନାରେ ମହିଳା ମଧୁମେହ ରୋଗୀଙ୍କର ହାର୍ଟଫେଲ୍ ହେବାର ଆଶଙ୍କା ଢେର ଅଧିକ
ଇଣ୍ଟରନେସନାଲ୍ ଡାୟବେଟିସ ଫେଡରେସନ୍ (ଆଇଡିଏଫ୍ ) ର ତଥ୍ୟ ଅନୁଯାୟୀ ବର୍ତ୍ତମାନ ସମଗ୍ର ବିଶ୍ୱରେ ପ୍ରାୟ ୪୧ କୋଟି ୩୦ ଲକ୍ଷ ମଧୁମେହ ରୋଗୀ ଅଛନ୍ତି। ଏମାନଙ୍କ ମଧ୍ୟରୁ ପ୍ରାୟ ୨୦ କୋଟି ହେଉଛନ୍ତି ମହିଳା। ମଧୁମେହ ରୋଗର ହୃଦରୋଗ ସହିତ ଯଥେଷ୍ଟ ସଂପର୍କ ରହିଛି ଏ କଥା ଉଣା ଅଧିକେ ସମସ୍ତଙ୍କୁ ଜଣା। ନିକଟରେ କରାଯାଇଥିବା ଏକ ଗବେଷଣାରୁ ଜଣାଯାଇଛି ଯେ ମଧୁମେହରେ ପୀଡିତ ପୁରୁଷମାନଙ୍କ ତୁଳନାରେ ହାର୍ଟଫେଲ୍ ହେବାର ଆଶଙ୍କା ଢେର ଅଧିକ।
ଡାୟବେଟୋଲୋଜିୟା ନାମକ ଏକ ପତ୍ରିକାରେ ପ୍ରକାଶିତ ତଥ୍ୟ ଅନୁଯାୟୀ ଟାଇପ-୧ ମଧୁମେହ ରୋଗରେ ପୀଡିତ ପୁରୁଷଙ୍କ ତୁଳନାରେ ମହିଳାମାନଙ୍କ କ୍ଷେତ୍ରରେ ହାର୍ଟଫେଲ୍ ହେବାର ଆଶଙ୍କା ୪୭ ପ୍ରତିଶତ ଅଧିକ। ଅପରପକ୍ଷରେ ଟାଇପ-୨ ଡାୟବେଟିସ ରୋଗରେ ପୀଡିତ ପୁରୁଷଙ୍କ ତୁଳନାରେ ମହିଳାଙ୍କ କ୍ଷେତ୍ରରେ ଏହା ୯ ପ୍ରତିଶତ ଅଧିକ ବୋଲି ଏଥିରେ କୁହାଯାଇଛି। ମଧୁମେହରେ ପୀଡିତ ମହିଳାମାନଙ୍କଠାରେ ହୃଦରୋଗ ବ୍ୟତୀତ ଅନ୍ୟାନ୍ୟ ରୋଗ ମଧ୍ୟ ପରିଲକ୍ଷିତ ହୋଇଥାଏ।
Sambad is now on WhatsApp
Join and get latest news updates delivered to you via WhatsApp
ଏହି ଗବେଷଣାରେ ଆହୁରି ମଧ୍ୟ କୁହାଯାଇଛି ଯେ ପୁରୁଷମାନଙ୍କ ଭଳି ମହିଳାମାନେ ମଧୁମେହ ରୋଗକୁ ବିଶେଷ ଗମ୍ଭୀରତାର ସହ ନେଇ ନ ଥାନ୍ତି। ସେମାନେ ଔଷଧ ସେବନ କ୍ଷେତ୍ରରେ ବି ବେପରବାୟ ମନୋଭାବ ପୋଷଣ କରିଥାନ୍ତି ବୋଲି କୁହାଯାଇଛି।