ଅନେକ ସମୟରେ ଆମେ ମାନସିକ ଚାପରେ ରହିଥାଉ । ମାନସିକ ଉତ୍ତେଜନା ହେଲେ ଆମେ ନିରୁପାୟ ହୋଇଯାଉ ।କେହି ନିଜର ରୋଜଗାରକୁ ନେଇ ତ ପୁଣି କେହି ଦାମ୍ପତ୍ୟ ଜୀବନକୁ ନେଇ ତ ପୁଣି କାର୍ଯ୍ୟକ୍ଷେତ୍ର ସମସ୍ୟାକୁ ନେଇ ମାନସିକ ଚାପରେ ରହୁଛନ୍ତି । ଏହି ମାନସିକ ଚାପରୁ ମୁକୁଳିବା ଲାଗି ଲୋକେ ଭିନ୍ନ ଭିନ୍ନ ପଦ୍ଧତି ଅବଲମ୍ବନ କରିଥାଆନ୍ତି । ଧ୍ୟାନ, ଜପ ଓ ବ୍ୟାୟାମ ମଧ୍ୟରେ ଲୋକେ ମାନସିକ ଚାପରୁ ମୁକ୍ତ ହେବା ପାଇଁ ଚେଷ୍ଟା କରିଥାଆନ୍ତି ।
କିନ୍ତୁ ପ୍ରକୃତରେ ମାନସିକ ଉତ୍ତେଜନା ହ୍ରାସ କରିବାର ଚାବିକାଠି ବି ଆମ ହାତରେ ରହିଛି, ଆସନ୍ତୁ ସେ ସଂପର୍କରେ ଜାଣିବା..
Sambad is now on WhatsApp
Join and get latest news updates delivered to you via WhatsApp
ଯଦି ଭୋଜନ ଭିତରେ ଅଧିକ ସମୟରେ ବ୍ୟବଧାନ ହେବ, ତେବେ ଆମେ ଉତ୍ତେଜିତ ହୋଇଯାଇଥାଉ । ଏହା ଫଳରେ ମାନସିକ ଉତ୍ତେଜନା ସ୍ତର ବୃଦ୍ଧି ପାଇଥାଏ । ଏଣୁ ଏହାକୁ ହ୍ରାସ କରିବା ଲାଗି ଉପଯୁକ୍ତ ସମୟ ବ୍ୟବଧାନରେ ସ୍ୱାସ୍ଥ୍ୟପ୍ରଦ ଖାଦ୍ୟ ଗ୍ରହଣ କରିବା ଉଚିତ ।
ସମୟ ଓ ସୁଯୋଗର ଅଭାବ ହେତୁ ଅନେକ ସମୟରେ ନିଜ ପରିବାରକୁ ଉପଯୁକ୍ତ ସମୟ ଦେଇ ପାରି ନଥାଉ ବା ପରିବାରଠୁଁ ଦୂରରେ ରହିଥାଉ । ଏହାଫଳରେ ଜୀବନରେ ନିଃସଙ୍ଗତା ପରିଲକ୍ଷିତ ହୁଏ । ବେଳେବେଳେ ଏହି ନିଃସଙ୍ଗତା ବି ମାନସିକ ଚାପର କାରଣ ହୋଇଥାଏ । ଏଣୁ ଦୈନନ୍ଦିନ ଜୀବନରେ ସାଙ୍ଗ ସାଥୀ ଓ ପରିବାର ପାଇଁ ନିର୍ଦ୍ଦିଷ୍ଟ ସମୟ ବାହାର କରିବା ଭଲ ।
ଅଫିସରେ ଘଣ୍ଟା ଘଣ୍ଟା ଧରି କାମ କରିବା ଫଳରେ ବି ମସ୍ତିଷ୍କ ଉପରେ ବୋଝ ପଡ଼ିଥାଏ, ଏହା ଆମର ମାନସିକ ଉତ୍ତେଜନାକୁ ବୃଦ୍ଧି କରିଥାଏ । ଏଣୁ ଏଭଳି ସ୍ଥିତିକୁ ନ ଆସିବା ଭଲ । ଅଫିସ କାମର ମଝିରେ ରିଲାକ୍ସ ହେବା ଆବଶ୍ୟକ ।
ସୁସ୍ଥ ଶରୀର ପାଇଁ ଆଠଘଣ୍ଟାର ସୁନିଦ୍ରା ଜରୁରୀ, ହେଲେ ଯେଉଁମାନେ ଏତିକି ସମୟ ଶୋଇ ନ ପାରନ୍ତି, ସେମାନଙ୍କଠାରେ ମାନସିକ ଉତ୍ତେଜନା ଲକ୍ଷଣ ପ୍ରକାଶ ପାଇଥାଏ । ଏଣୁ ସୁନିଦ୍ରା ସହିତ କୌଣସି ପ୍ରକାରର ବୁଝାମଣା ନ କରିବା ଭଲ ।