ଡାଲି ଆଉ ଥରେ ଗରମ କରନ୍ତୁ ନାହିଁ, ଫୁଡ୍ ପଏଜନିଙ୍ଗର କାରଣ ହୋଇପାରେ !
ଖାଦ୍ୟ ଗ୍ରହଣ ଉପରେ ଆମର ସ୍ୱାସ୍ଥ୍ୟ ନିର୍ଭର କରିଥାଏ । ବେଳେବେଳେ ବାସି ଖାଦ୍ୟ ଖାଇବା ଫଳରେ ଆମର ଦେହ ବହୁତ ଖରାପ ହୋଇଯାଏ । ଆଜିକାଲି ବ୍ୟସ୍ତବହୁଳ ଜୀବନରେ ଲୋକମାନେ ଖାଦ୍ୟ ତିଆରି କରି ଫ୍ରିଜ୍ରେ ରଖିଦିଅନ୍ତି ଏବଂ ତା’ପରେ ତାକୁ ଗରମ କରି ଖାଆନ୍ତି । ଫଳରେ ଖାଦ୍ୟ ନଷ୍ଟ ହେବାରୁ ବଞ୍ଚିଯାଏ । କିନ୍ତୁ ଜାଣିଛନ୍ତି କି ଏପରି କିଛି ଖାଦ୍ୟ ଅଛି ଯାହା ଥରେ ଥଣ୍ଡା ହେଲେ ତାକୁ ଗରମ କରି ଖାଇବା ଦ୍ୱାରା ଅଧକ କ୍ଷତି ହୋଇଥାଏ । ସ୍ୱସ୍ଥ୍ୟ ଗବେଷକଙ୍କ ମତରେ ଡାଲି ଯାହାକୁ ଆଉଥରେ ଗରମ କରି ଖାଇବା ଅନୁଚିତ ।
Sambad is now on WhatsApp
Join and get latest news updates delivered to you via WhatsApp
ଖାଦ୍ୟକୁ ଆଉ ଥରେ ଗରମ କରିବା ଦ୍ୱାରା ଏଥିରୁ କିଛି ରସାୟନ ବାହାରେ ଯାହା ଖାଦ୍ୟକୁ ଦୂଷିତ କରିଦିଏ ଏବଂ ଶରୀର ପାଇଁ ବିଷାକ୍ତ ବନିଯାଏ । ବହୁତ ଲୋକ ଦ୍ୱିତୀୟ ଥର ଖାଦ୍ୟ ପ୍ରସ୍ତୁତ କରିବାକୁ ପଡ଼ିବ ବୋଲି ପ୍ରଥମରୁ ଡାଲି ଏବଂ ତରକାରୀ ବନେଇକି ରଖିଥାଆନ୍ତି । କିନ୍ତୁ ଡାଲିକୁ ଆଉ ଥରେ ଗରମ କରିବା ଦ୍ୱାରା ଏଥିରୁ ଶରୀର ଲାଗି ହାନୀକାରକ କେତକ ରସାୟନ ଉତ୍ପନ୍ନ ହୋଇଥାଏ, ଯାହା କ୍ୟାନସରର କାରଣ ହୋଇପାରେ। ଚ ଦ୍ୱିତୀୟ ଥର ଗରମ ହୋଇଥିବା ଡାଲି ଅନେକ ରୋଗର କାରଣ ମଧ୍ୟ ହୋଇଥାଏ । ଅନ୍ୟ ଖାଦ୍ୟ ତୁଳନାରେ ଡାଲିକୁ ଗରମ କରିବା ଦ୍ୱାରା ଫୁଡ୍ ପଏଜନିଙ୍ଗ୍ ହେବାର ଆଶଙ୍କା ଅଧିକ ଥାଏ । ବାରମ୍ବାର ଫୁଡ୍ ପଏଜନିଙ୍ଗ୍ ହେବା ଦ୍ୱାରା ଲିଭର୍ ପ୍ରଭାବିତ ହୋଇଥାଏ।
ଯଦି ଆପଣଙ୍କୁ ଡାଲି ଗରମ କରିି ଖାଇବାକୁ ପଡେ, ତା’ହେଲେ ଆପଣ ଏହାକୁ ରଖିଥିବା ପାତ୍ରରେ ସିଧା ଗରମ କରନ୍ତୁ ନାହିଁ । ଏକ ବଡ଼ ପାତ୍ରରେ ଗରମ ପାଣି ନିଅନ୍ତୁ ଏବଂ ତା’ଉପରେ ଏହି ପାତ୍ରକୁ ରଖନ୍ତୁ । ତା’ପରେ ସେହି ବଡ଼ ପାତ୍ରର ପାଣି ଗରମ କରନ୍ତୁ। ଏହିପରି ଆପଣ ଅନ୍ୟ ଖାଦ୍ୟପଦାର୍ଥକୁ ଗରମ କରି ଖାଇପାରିବେ ।