ଜଣେ ବ୍ୟକ୍ତି ରାତିରେ ଶୋଇବା ବେଳେ ଭିନ୍ନ ଭିନ୍ନ ସ୍ୱପ୍ନ ଦେଖିଥାଏ । ଏଥି ମଧ୍ୟରୁ କେତେକ ସ୍ୱପ୍ନ ଶୁଭ ହୋଇଥାଏ ତ ଆଉ କେତେକ ଅଶୁଭ । ସ୍ୱପ୍ନ ଶାସ୍ତ୍ର ଅନୁସାରେ ଏମିତି କେତୋଟି ସ୍ୱପ୍ନ ଅଛି ଯାହାକୁ ଦେଖିଲେ ଆପଣ ଧନୀ ହେବେ ବୋଲି ସୂଚନା ମିଳିଥାଏ। ତେବେ ଆସନ୍ତୁ ଜାଣିବା ସେହି ସ୍ୱପ୍ନ ଗୁଡିକ ବିଷୟରେ...

Advertisment

କଥାରେ ଅଛି ଯେଉଁ ବ୍ୟକ୍ତିମାନେ ସ୍ୱପ୍ନରେ ଭଗବାନଙ୍କୁ ଦେଖନ୍ତି ସେମାନେ ବହୁତ ଭାଗ୍ୟବାନ । ସ୍ୱପ୍ନରେ ଭଗବାନଙ୍କୁ ଦେଖିଲେ ଆପଣଙ୍କୁ ସୁଖ ସମୃଦ୍ଧି ସହ ଧନ ଲାଭ ମଧ୍ୟ ହୋଇଥାଏ ବୋଲି ବିଶ୍ୱାସ ରହିଛି।

ଯଦି ଆପଣଙ୍କୁ ସ୍ୱପ୍ନରେ କୌଣସି ଅନ୍ଧାର ଘରର ଏକ କୋଣରେ ଏକ ଦୀପ ଜଲୁଥିବାର ଦେଖାଯାଏ ତାହାଲେ ଜାଣି ରଖନ୍ତୁ ବହୁତ ଶୀଘ୍ର ଆପଣଙ୍କ ଉପରେ ମା’ ଲକ୍ଷ୍ମୀଙ୍କ କୃପା ଲାଭ ହେବାର ସମ୍ଭାବନା ରହିଛି।

publive-image

ସ୍ୱପ୍ନରେ ଯଦି ଆପଣଙ୍କ ଘରେ ମୁଷା ଦଉଡୁଥିବାର ଦେଖାଯାଏ ତାହେଲେ ଜାଣିରଖନ୍ତୁ ଅତିଶୀଘ୍ର ଆପଣଙ୍କୁ ଧନଲାଭ ହେବ ଓ ଆପଣ ଧନୀ ହେବାର ସଙ୍କେତ ଏହା ଦେଇଛି।

ଯଦି ସ୍ୱପ୍ନରେ ଆପଣ କୌଣସି ମହିଲାଙ୍କୁ ନାଚିବାର ଦେଖନ୍ତି ତେବେ ଭବିଷ୍ୟତରେ ଧନ ପ୍ରାପ୍ତିର ସମ୍ଭାବନା ରହିଛି।

ସ୍ୱପ୍ନଶାସ୍ତ୍ର ଅନୁସାରେ ଯଦି ଆପଣ ମହୁ ଫେଣାକୁ ସ୍ୱପ୍ନରେ ଦେଖନ୍ତି ତା’ହେଲେ ଆପଣଙ୍କ ଧନପ୍ରାପ୍ତିର ସୁଯୋଗ ଅଛି ।

ସ୍ୱପ୍ନରେ ସାପକୁ ହୁଙ୍କାରୁ ବାହାରିବାର ଦେଖିଲେ ଅଚାନକ ଆପଣଙ୍କୁ ଧନ ମିଳିପାରେ।