ଖାଦ୍ୟ ଖାଇବାର ପରେ ପରେ ପେଟ ବାହାରକୁ ଆସିବା ଏକ ସାଧାରଣ କଥା । କିନ୍ତୁ କିଛି ଘଣ୍ଟା ପରେ ଖାଦ୍ୟ ହଜମ ହେବା ପରେ ପେଟ ତା’ର ପୂର୍ବ ଅବସ୍ଥାକୁ ଚାଲି ଆସିଥାଏ । କିନ୍ତୁ ଯେତେବେଳେ ପେଟ ବାହାରକୁ ବାହାରିବା ପରେ ଆଉ ଭିତରକୁ ଯାଇ ନଥାଏ, ସେତେବେଳେ ମୁଣ୍ଡକୁ ପେଟ କମାଇବାର ଚିନ୍ତା ଆସିଥାଏ । ପ୍ରତିଦିନର ଦିନଚର୍ଯ୍ୟା ପାଇଁ ପେଟ ବଢ଼ୁଥିବା ବେଳେ ପେଟ ବଢ଼ିବା ପଛର ଅସଲ କାରଣ ଜାଣି ପାରନ୍ତି ନାହିଁ ଲୋକେ । ଆଜି ପେଟ ବଢ଼ିବା ପଛରେ ମୁଖ୍ୟ କାରଣ କ’ଣ ସେ ବିଷୟରେ ଜଣାଇବାକୁ ଯାଉଛୁ ।

Advertisment

୧.କୌଣସି ଜିନିଷ ଖାଇବା ପୂର୍ବରୁ ଏହାକୁ ଭଲ ଭାବରେ ଚୋବାଇ ଖାଇବା ନିହାତି ଆବଶ୍ୟକ । ଖାଇବାକୁ ଅତି କମରେ ୩୦ ଥର ଚୋବାଇବା ପରେ ଗିଳିବା ଦରକାର ବୋଲି କୁହାଯାଇଥାଏ । କିନ୍ତୁ କାର୍ଯ୍ୟବ୍ୟସ୍ତତା ହେତୁ ସମୟ ଅଭାବ ଥିବାରୁ ଲୋକମାନେ ଖାଇବାକୁ ଠିକ୍‌ ଭାବରେ ନ ଚୋବାଇ ଗିଳି ଦେଇଥାନ୍ତି । ଯାହାଦ୍ୱାରା ପେଟ ବଢ଼ିବା ସମସ୍ୟା ଦେଖାଯାଇଥାଏ ।

publive-image boldsky.com

୨.ଶରୀରରେ ସବୁବେଳେ ଜଳୀୟଅଂଶ ଠିକ୍‌ ଭାବରେ ରହିବା ଦରକାର । ଖାଇବା ପରେ ସଠିକ୍‌ ପରିମାଣରେ ପାଣି ପିଇବା ଦ୍ୱାରା ପେଟ ସଫା ରହିବା ସହ ଚର୍ବି ବଢ଼ି ନଥାଏ ।
୩. କିଛି ଲୋକ ଭାବନ୍ତି କୌଣସି ଜିନିଷକୁ ନେଇ ଚିନ୍ତା କଲେ ତାହାର ପ୍ରଭାବ କେବଳ ମୁଣ୍ଡ ଉପରେ ପଡ଼ିଥାଏ । କିନ୍ତୁ ଅଧିକ ସମୟ ପର୍ଯ୍ୟନ୍ତ ଚିନ୍ତାଗ୍ରସ୍ତ ରହିବା ଦ୍ୱାରା ପେଟ ବଢ଼ିବା ସମସ୍ୟା ମଧ୍ୟ ଦେଖାଯାଇଥାଏ । ଚିନ୍ତାଗ୍ରସ୍ତ ରହିବା ଦ୍ୱାରା ଖାଇଥିବା ଖାଦ୍ୟ ଠିକ୍‌ ଭାବରେ ହଜମ ହୋଇ ନଥାଏ, ଯାହାର କୁପ୍ରଭାବ ପେଟ ଉପରେ ପଡ଼ିଥାଏ ।

publive-image boldsky.com

୪.ରାତିରେ ବିଳମ୍ବରେ ଖାଇବା ମଧ୍ୟ ପେଟ ବଢ଼ିବା ସମସ୍ୟାର ଆଉ ଏକ କାରଣ । ବିଳମ୍ବରେ ଖାଇ ଶୋଇବାକୁ ଯିବା ଦ୍ୱାରା ଖାଦ୍ୟ ହଜମ ହୋଇ ନଥାଏ । ସେଥି ପାଇଁ ଶୋଇବାକୁ ଯିବାର ଘଣ୍ଟାଏ ପୂର୍ବରୁ ରାତି ଖାଦ୍ୟ ଖାଇବା ଦରକାର । ଖାସ୍‌ କରି ସୂର୍ଯ୍ୟାସ୍ତ ହେବାର କିଛି ସମୟ ପରେ ପରେ ହିଁ ରାତି ଖାଦ୍ୟ ଖାଇନେବା ଦରକାର ।