ଏହି ଚାରିଟି ମସଲାକୁ ଖାଦ୍ୟରେ ସାମିଲ କରିବା ଉଚିତ
ଉତ୍ତମ ସ୍ୱାସ୍ଥ୍ୟ ପାଇଁ ବହୁ ବର୍ଷରୁ ଲୋକେ ଖାଦ୍ୟରେ ବିଭିନ୍ନ ପ୍ରକାର ମସଲାର ପ୍ରୟୋଗ କରିଥାଆନ୍ତି । ତେବେ ଆସନ୍ତୁ ଜାଣିବା କେଉଁ ଚାରିଟି ମସଲାକୁ ନିଶ୍ଚିତରୂପେ ଖାଦ୍ୟରେ ସାମିଲ କରିବା ଉଚିତ ଓ ଏହାର କି ଲାଭ ରହିଛି ।
Sambad is now on WhatsApp
Join and get latest news updates delivered to you via WhatsApp
ହଳଦୀ: ଖାଦ୍ୟରେ ହଳଦୀର ପ୍ରୟୋଗ କରିଲେ, ରୋଗ ପ୍ରତିରୋଧକ କ୍ଷମତା ବୃଦ୍ଧି ପାଇଥାଏ । ହଳଦୀ କାଛୁକୁଣ୍ଡିଆ ଓ କ୍ଷତର ଭରଣା ମଧ୍ୟ କରିଥାଏ ।
ଜୁଆଣି: ଯଦି ବଦହଜମୀର ଶିକାର ହୋଇଛନ୍ତି , ଅଧିକ ଏସିଡିଟି ହୋଇଛି, ତେବେ, ଜୁଆଣି ଏହା ପାଇଁ ମହୌଷଧି । କେତେକ ମହିଳା ମାସିକ ଋତୁସ୍ରାବ ଜନିତ ଯନ୍ତ୍ରଣାରୁ ରକ୍ଷା ପାଇବା ଲାଗି ମଧ୍ୟ ଏହାର ପ୍ରୟୋଗ କରିଥାଆନ୍ତି । ପାଣିରେ ଜୁଆଣି ପକାଇ ଫୁଟାଇ ତାକୁ ଥଣ୍ଡା କରି ପିଇଲେ ଗ୍ୟାସ୍ଷ୍ଟ୍ରିକ୍ ସମସ୍ୟା ରହିବ ନାହିଁ ।
ଅଳେଇଚ: ଅଳେଇଚ ଆମ ଖାଦ୍ୟର ଏକ ଅଭିନ୍ନ ଅଙ୍ଗ ହୋଇଗଲାଣି । ମିଠା ହେଉକି ଗରମ ମସଲା ତରକାରୀ କି ବିରିଆନି ସବୁଥିରେ ଅଳେଇଚର ପ୍ରୟୋଗ ହେଉଛି । ଏହା ଅମ୍ଳ ହେବାରୁ ରକ୍ଷା କରିଥାଏ ଏବଂ ମୁଖ ଦୁର୍ଗନ୍ଧ ଦୂର କରିବାରେ ବି ସହାୟକ ହୋଇଥାଏ । ଅଳେଇଚ ବାନ୍ତି ରୋକିବାରେ ବି ସହାୟତା କରିଥାଏ ।
ଅଦା: ଅଦା ପେଟ ପାଇଁ ଅତ୍ୟନ୍ତ ଲାଭପ୍ରଦ । ଏହା ଗ୍ୟାସଷ୍ଟ୍ରିକ୍ , ବଦହଜମୀ ଓ କ୍ଲଟିଂ ଭଳି ସମସ୍ୟାରୁ ରକ୍ଷା କରଥାଏ । ଅଦା ଥଣ୍ଡାକାଶ ଦୂର କରିବାରେ ସହାୟକ ହୋଇଥାଏ । ଅଦା ମିଶା ଚା’ ପିଇଲେ ଖାଦ୍ୟ ସହଜରେ ହଜମ ହୋଇଥାଏ ।