ଆଧୁନିକ ଜୀବନଶୈଳୀରେ ଆମେ ନିଜର ଓଜନ ବଢ଼ିବା ଏବଂ ନିଦ ମାଡ଼ିବା ଭଳି ସମସ୍ୟାର ସମ୍ମୁଖୀନ ହୋଇଥାଉ। ତା’ଛଡ଼ା ଏଥିପାଇଁ ବେଳେବେଳେ ରୋଗର ଶିକାର ମଧ୍ୟ ହୋଇଥାଉ।ଏହାର ପ୍ରତିକାର ପାଇଁ ଆମେ ଜଗିଂ ଓ ବ୍ୟାୟାମର ସହାୟତା ନେଇଥାଉ। କିନ୍ତୁ ଆପଣ କ’ଣ ଜାଣନ୍ତି କି କେବଳ ବିଭିନ୍ନ ପ୍ରକାରର ଚା’ ପିଇ ଏଥିରୁ ମୁକ୍ତି ପାଇ ପାରିବେ। ଆସନ୍ତୁ ଜାଣିବା ଏଭଳି ପାଞ୍ଚ ପ୍ରକାରର ଚା’ ସଂପର୍କରେ…..
Sambad is now on WhatsApp
Join and get latest news updates delivered to you via WhatsApp
ଜୁଆଣି ଚା’:- ଜୁଆଣିରେ ରାଇବୋଫ୍ଲେବିନ୍ ନାମକ ଏକ ତତ୍ତ୍ୱ ରହିଛି,ଯାହା ମୋଟାପା କମ୍ କରିବାରେ ସହାୟକ ହୋଇଥାଏ। ଗରମ ପାଣିରେ ଜୁଆଣି ,ଅଳେଇଚ,ଅଦା,ପାନ ମହୁରି ପକାଇ ୫ ମିନିଟ୍ ଯାଏଁ ଫୁଟାନ୍ତୁ। ତା’ପରେ ତାକୁ ଛାଣି ପିଅନ୍ତୁୁ। କିଛି ଦିନ ଭିତରେ ଏହାର ଫାଇଦା ଆପଣଙ୍କୁ ମିଳିବ।
ଗୋଲମରିଚ ଚା’:-ଗୋଲମରିଚରେ ଥିବା ପାଇପେରିନ୍ ଫ୍ୟାଟ୍ ବର୍ଣ୍ଣ କରିବାରେ ସହାୟକ ହୋଇଥାଏ। ଏଣୁ ପାଣିରେ ଗୋଲମରିଚ ଓ ଅଦାକୁ ୫ ମିନିଟ୍ ଯାଏଁ ଫୁଟାନ୍ତୁ ଓ ତା’ପରେ ଛାଣି ପିଅନ୍ତୁୁ।
ଡ଼ାଳଚିନି ଚା’:- ଖୁବ୍ କମ୍ ଲୋକ ଜାଣନ୍ତି ଯେ, ନିଦ କମ୍ କରିବା ପାଇଁ ଓ ଓଜନ ହ୍ରାସ କରିବା ଲାଗି ଗ୍ରିନ୍ ଟି ପିଇବା ଉଚିତ୍।କିନ୍ତୁ ଏଥିପାଇଁ ଡ଼ାଳଚିନି ଚା ମଧ୍ୟ ବେଶ୍ ଉପକାରୀ।
ଅଦା ମିଶା ଚା’:- ଏକ ପାତ୍ରରେ ପାଣି ଗରମ କରି ସେଥିରେ ଦୁଇ ଖଣ୍ଡ ଅଦା ପକାଇ ଫୁଟାନ୍ତୁ। ତା’ପରେ ତା’କୁ ଛାଣି ସେଥିରେ ଲେମ୍ବୁ ରସ ମିଶାଇ ପିଇଲେ ଉପକାର ମିଳିଥାଏ। ଆପଣ ସେଥିରେ ମହୁ ବି ମିଶାଇ ପାରନ୍ତି।
ଲେମନ୍ ଟି:- ଲେମ୍ବୁ ସେବନ ଦ୍ୱାରା ମୋଟାପା ଓ ଅତିରିକ୍ତ ଚର୍ବିକୁ କମ୍ କରା ଯାଇପାରିବ। ଏହି କାରଣରୁ ଲେମନ୍ ଟି ପିଇବାକୁ ପସନ୍ଦ କରନ୍ତି ବହୁଲୋକ। ଲେମନ୍ ଟି ରେ ମହୁର ପ୍ରୟୋଗ ମଧ୍ୟ ଲାଭଦାୟକ।