କେବେ ବି ପେଟପୁରା ଖାଆନ୍ତୁ ନାହିଁ ,ଜାଣନ୍ତୁ କାରଣ
ଆମେ ଫିଟ୍ ଓ ସୁସ୍ଥ ରହିବା ଲାଗି ସର୍ବଦା ଚାହୁଁ। ଏଥିଲାଗି ଆମେ ବିଭିନ୍ନ ଉପାୟ ଅବଲମ୍ବନ କରିଥାଉ। କିନ୍ତୁ କେତେକ ସାଧାରଣ କଥାକୁ ଗୁରୁତ୍ୱ ଦେଇ ନଥାଉ। ଆସନ୍ତୁ ସେହି କଥା ଜାଣିବା।
Sambad is now on WhatsApp
Join and get latest news updates delivered to you via WhatsApp
ପେଟପୁରା ଖାଆନ୍ତୁ ନାହିଁ – ଅନେକ ଲୋକ ପେଟପୁରା ଖାଇବାରେ ଅଭ୍ୟସ୍ତ । କାରଣ ସେମାନେ ଭାବନ୍ତି ଯେଏପରି ଖାଇଲେ ଦେହ ଭଲ ରହିବ । କିନ୍ତୁ ପ୍ରକୃତରେ ତାହା ଠିକ୍ ନୁହେଁ । ମନେ ରଖନ୍ତୁ କେବେ ବି ପେଟଭର୍ତ୍ତି କରି ଖାଆନ୍ତୁ ନାହିଁ । ପେଟରେ ସବୁବେଳେ କିଛି ଖାଲି ଜାଗା ରଖନ୍ତୁ ।
ସକାଳ ଜଳଖିଆ ଜରୁରୀ – ସକାଳ ଜଳଖିଆ ଖାଇବାକୁ କେବେ ବି ଭୁଲନ୍ତୁ ନାହିଁ । ଯଦି ଟୋଷ୍ଟ,ପରଟା ବା ରୁଟି ଖାଇବାକୁ ଚାହୁଁଛନ୍ତି ଭଲ, କିନ୍ତୁ ଫଳରସ ବା ଗାଜର, ଟମାଟୋ ଜୁସ୍ ସେବନ କରନ୍ତୁ । ମନେ ରଖିବା ଉଚିତ ଯେ ବ୍ରେକ୍ଫାଷ୍ଟ ନ ନେବା ସ୍ୱାସ୍ଥ୍ୟ ପାଇଁ କ୍ଷତିକାର। ଏଣୁ ଏଥିରେ ଯେପରି ବ୍ୟତିକ୍ରମ ନ ଘଟେ ସେଥିପ୍ରତି ଧ୍ୟାନ ଦିଅନ୍ତୁୁ । ଏଣୁ ସକାଳ ଜଳଖିଆ ଜରୁରୀ ବୋଲି ଧରିବାକୁ ପଡିବ ।
ବ୍ୟାୟାମ କରନ୍ତୁ – ମନେ ରଖନ୍ତୁ ଫିଟ୍ ଓ ସୁସ୍ଥ ରହିବା ଲାଗି ବ୍ୟାୟାମର ପ୍ରମୁଖ ଭୂମିକା ରହିଛି । ଏଣୁ ପ୍ରତିଦିନ ଅତିକମ୍ରେ ୨୦ ମିନିଟ୍ର ବ୍ୟାୟାମ ଅଭ୍ୟାସ କରନ୍ତୁ । ତା’ନହେଲେ ୨୦ ମିନିଟ୍ ଚାଲନ୍ତୁ । ଏହା ଦ୍ୱାରା ଶରୀର ଫିଟ୍ ରହିବ । ଏପରି କଲେ ମନ ସ୍ଫୁର୍ତ୍ତି ରହିବ ।