ବନ୍ଧୁଙ୍କ ହ୍ୟାଣ୍ଡସେକ୍ କରିବା ଶୈଳୀରୁ ଜାଣନ୍ତୁ ତାଙ୍କର ସ୍ୱଭାବ କିପରି? ପରଖନ୍ତୁ ସେ ଭରସାଯୋଗ୍ୟ କି ନାହିଁ ?
ସାଧାରଣ ଭାବେ ଆମେ ଯେତେବେଳେ କାହା ସହିତ ଭେଟିଥାଉ, ତା’ସହିତ ସୌଜନ୍ୟମୂଳକ ଭାବେ ହ୍ୟାଣ୍ଡସେକ୍ କରିଥାଉ।। ଭିନ୍ନ ଭିନ୍ନ ବ୍ୟକ୍ତିଙ୍କର ହ୍ୟାଣ୍ଡସେକ୍ କରିବାର ଶୈଳୀ ମଧ୍ୟ ଭିନ୍ନ ଭିନ୍ନ ହୋଇଥାଏ। ତେବେ ହ୍ୟାଣ୍ଡସେକ୍ରୁ ବ୍ୟକ୍ତିର ସ୍ୱଭାବ ସଂପର୍କରେ ସୂଚନା ମିଳିଥାଏ।
Sambad is now on WhatsApp
Join and get latest news updates delivered to you via WhatsApp
-ଟିକିଏ ଜୋର୍ରେ ହ୍ୟାଣ୍ଡସେକ୍ କରୁଥିବା ବ୍ୟକ୍ତି ସ୍ୱଭାବତଃ ଭଲ ହୋଇଥାଆନ୍ତି। ସେମାନେ ଅନ୍ୟକୁ ସମ୍ମାନ କରିଥାନ୍ତି। ଭରସାଯୋଗ୍ୟ ହୋଇଥାନ୍ତି ଏବଂ ଅନ୍ୟକୁ ଭରସା କରିଥାନ୍ତି।
-ହ୍ୟାଣ୍ଡସେକ୍ କରୁଥିବା ସମୟରେ ଯେଉଁ ବ୍ୟକ୍ତି ବେଶି ସମୟ ଯାଏଁ ହାତକୁ ଜାବୁଡ଼ି ଧରିଥାନ୍ତି, ସେମାନେ ଅନ୍ୟ ଉପରେ ଅଧିକାର ସାବ୍ୟସ୍ତ କରିଥାନ୍ତି।
-ଯେଉଁ ବ୍ୟକ୍ତି ନିଜ ଉପରେ ବିଶ୍ୱାସ ରଖିଥାନ୍ତି, ସେମାନେ ହ୍ୟାଣ୍ଡସେକ୍ ଗୋଟିଏ ହାତରେ କରିଥାନ୍ତି। ଏପରି ବ୍ୟକ୍ତି କାହା ସହିତ ଭଲ ଭାବରେ ମିଶିପାରନ୍ତି ନାହିଁ।
-କିଛି ବ୍ୟକ୍ତି ହ୍ୟାଣ୍ଡସେକ୍ କରିବା ସମୟରେ ଦୁଇଟି ଯାକ ହାତର ଉପଯୋଗ କରିଥାଆନ୍ତି, ସେମାନେ ଭରସାଯୋଗ୍ୟ ହୋଇଥାଆନ୍ତି।
-ଯେଉଁ ବ୍ୟକ୍ତି ହ୍ୟାଣ୍ଡସେକ୍ ସମୟରେ ଆପଣଙ୍କ ପାପୁଲିକୁ ଜାବୁଡ଼ି ଧରିଥାଆନ୍ତି ସେମାନେ ବିଶ୍ୱାସର ପାତ୍ର ହୋଇ ନ ଥାନ୍ତି।
-ଯଦି କୌଣସି ବ୍ୟକ୍ତି ଅନ୍ୟ ବ୍ୟକ୍ତିର କାନ୍ଧରେ ବାମ ହାତ ରଖିି ଡାହଣ ହାତରେ ହ୍ୟାଣ୍ଡସେକ୍ କରିଥାଆନ୍ତି, ସେ ବ୍ୟକ୍ତି ଭଲ ବନ୍ଧୁ ହୋଇଥାନ୍ତି। ନିଜର ବନ୍ଧୁଙ୍କ ଅସୁବିଧା ସମୟରେ ତାଙ୍କୁ ସାହାଯ୍ୟ କରିଥାନ୍ତି।
-ଯେଉଁ ବ୍ୟକ୍ତି ଗୋଟିଏ ସାକ୍ଷାତରେ ଲଗାତର ହ୍ୟାଣ୍ଡସେକ୍ କରିଥାନ୍ତି, ସେମାନେ ଦାୟିତ୍ୱହୀନ ହୋଇଥାନ୍ତି।
-ଅନୁଶାସନ ପ୍ରିୟ ହୋଇଥିବା ବ୍ୟକ୍ତି ଗୋଟେ ହାତ ତଳେ ରଖି ଅନ୍ୟ ହାତରେ ହ୍ୟାଣ୍ଡସେକ୍ କରିଥାନ୍ତି। ସେମାନେ ଭଲ ବନ୍ଧୁ ହୋଇଥାନ୍ତି। ତାଙ୍କ ମନ ବହୁତ ସ୍ୱଚ୍ଛ ହୋଇଥାଏ ।