ଓଜନ କମ କରିବା ଓ କର୍କଟ ରୋଗରୁ ଦୂରରେ ରଖିବା ସହ ଏହି ସବୁ ରୋଗରୁ ସୁରକ୍ଷା ଦିଏ ଲାଲ ରଙ୍ଗର କଦଳୀ
ଆପଣମାନେ ହଳଦିଆ ଏବଂ ସବୁଜ ରଙ୍ଗର କଦଳୀ ବିଷୟରେ ଶୁଣିଥିବେ, କିନ୍ତୁ ଆପଣ କେବେ ଲାଲ ରଙ୍ଗର କଦଳୀ ବିଷୟରେ ଶୁଣିଛନ୍ତି କି? ଲାଲ ରଙ୍ଗର କଦଳୀ ବିଷୟରେ ବହୁତ କମ୍ ଲୋକ ଜାଣନ୍ତି, କେହି କେହି ହୁଏତ ପ୍ରଥମ ଥର ଏହା ଶୁଣୁଥିବେ। ଲାଲ ରଙ୍ଗର କଦଳୀ ଅଷ୍ଟ୍ରେଲିଆ ଏବଂ ଦକ୍ଷିଣ ପୂର୍ବ ଏସିଆର କିଛି ଅଂଶରେ ମିଳିଥାଏ। ହଳଦିଆ କଦଳୀ ଖାଇବା ଆମ ଶରୀର ପାଇଁ ବହୁତ ଲାଭଦାୟକ ତାହା ସମସ୍ତେ ଜାଣନ୍ତି, କିନ୍ତୁ ଆଜି ଆମେ ଆପଣଙ୍କୁ ଲାଲ କଦଳୀ ଖାଇବାର ଲାଭ ବିଷୟରେ ଜଣାଇବୁ।
୧. ଲାଲ୍ କଦଳୀ ଆମ ସ୍ୱାସ୍ଥ୍ୟ ପାଇଁ ତଥା ଆମ ଆଖି ପାଇଁ ଅତ୍ୟନ୍ତ ଲାଭଦାୟକ, ଯେଉଁମାନଙ୍କର ଦୃଷ୍ଟିଶକ୍ତି ଦୁର୍ବଳ ସେମାନେ ଏହାର ସେବନ କରିପାରିବେ।
୨. ଲାଲ୍ କଦଳୀ ଖାଇବା ଦ୍ୱାରା କର୍କଟ ରୋଗ ହେବାର ଆଶଙ୍କା କମିଯାଇଥାଏ। ଏଥିରେ ପ୍ରଚୁର ପରିମାଣରେ ପୋଟାସିୟମ ଥିବାରୁ କିଡନୀରେ ଷ୍ଟୋନ ସମସ୍ୟା ହୁଏନାହିଁ।
୩. ଯଦି ଆପଣ ଓଜନ ହ୍ରାସ କରିବାକୁ ଚାହାଁନ୍ତି, ତେବେ ଏଥିପାଇଁ ଲାଲ୍ କଦଳୀ ସର୍ବୋତ୍ତମ। କାରଣ ବାକି ଫଳ ଅପେକ୍ଷା ଏଥିରେ କମ୍ କ୍ୟାଲୋରୀ ଥାଏ, ଯେଉଁଥିପାଇଁ ଏହା ଓଜନ ହ୍ରାସ କରିବାରେ ସହାୟକ ହୋଇଥାଏ। ଏହା ଖାଇବା ଦ୍ୱାରା ଆପଣଙ୍କ ପେଟ ପୂରି ରହିଥାଏ ଏବଂ ଆପଣଙ୍କୁ କମ୍ ଭୋକ ଲାଗେ।
୪. ଲାଲ୍ କଦଳୀ ଖାଇବା ଦ୍ୱାରା ଆପଣଙ୍କ ରକ୍ତଚାପ ମଧ୍ୟ ନିୟନ୍ତ୍ରଣରେ ରହିଥାଏ। ଯଦି ଆପଣଙ୍କର ରକ୍ତଚାପ ହଠାତ ବଢ଼ିଯାଉଛି, ତେବେ ଆପଣ ଏଥିପାଇଁ ଲାଲ୍ କଦଳୀ ଖାଇପାରିବେ। ରକ୍ତଚାପ ନିୟନ୍ତ୍ରଣ ସହ ଏହା ହୃଦଘାତର ଆଶଙ୍କା ମଧ୍ୟ ହ୍ରାସ କରିଥାଏ।
୫. ଯଦି ଆପଣଙ୍କର ରକ୍ତହୀନତା ରହିଛି, ତେବେ ଆପଣ ଏଥିପାଇଁ ଲାଲ୍ କଦଳୀ ଖାଇପାରିବେ। ହେମୋଗ୍ଲୋବିନର ପରିମାଣ ବୃଦ୍ଧି ପାଇଁ ଲାଲ୍ କଦଳୀ ଅତ୍ୟନ୍ତ ଲାଭଦାୟକ। ଏହା ରକ୍ତହୀନତାର ଆଶଙ୍କା ମଧ୍ୟ ହ୍ରାସ କରିଥାଏ।
