ପାଟିରେ ପୋଡାଜଳା ହୋଇପାରେ କ୍ୟାନ୍ସରର ଲକ୍ଷଣ !
ଭାରତରେ ଦିନକୁ ଦିନ ମୁଖଗହ୍ୱର କର୍କଟ ରୋଗୀଙ୍କ ସଂଖ୍ୟା ବଢ଼ିବାରେ ଲାଗିଛି | ଏକ ରିପୋର୍ଟ ମୁତାବକ ଭାରତରେ ପ୍ରତି ଏକ ଲକ୍ଷ ଲୋକଙ୍କ ମଧ୍ୟରୁ ୨୦ ଜଣ ମୁଖଗହ୍ୱର କର୍କଟରେ ପୀଡିତ ହେଉଥିବାବେଳେ ପ୍ରତି ଘଣ୍ଟାରେ ୫ ଜଣଙ୍କର ଏହି କର୍କଟ ଯୋଗୁଁ ମୃତ୍ୟୁ ଘଟୁଛି | ସହରାଞ୍ଚଳ ଅପେକ୍ଷା ଗ୍ରାମାଞ୍ଚଳରେ ମୁଖଗହ୍ୱର କର୍କଟ ରୋଗୀଙ୍କ ସଂଖ୍ୟା ଅଧିକ ମାତ୍ରାରେ ଥିବାବେଳେ ସଚେତନତା ଅଭାବରୁ ଠିକ ସମୟରେ କର୍କଟ ବାବଦରେ ରୋଗୀ ଜାଣିପାରିନଥାଏ | ଆଉ ମୁଖଗହ୍ୱର କର୍କଟ ବାବଦରେ ଲୋକଙ୍କୁ ସଚେତନ କରିବା ପାଇଁ ଏପ୍ରିଲ ମାସକୁ ମୁଖକର୍କଟ ସଚେତନତା ମାସ ଭାବରେ ପାଳନ କରାଯାଏ |
Sambad is now on WhatsApp
Join and get latest news updates delivered to you via WhatsApp
ତେବେ ମୁଖଗହ୍ଵର କର୍କଟ ରୋଗ ବିଶେଷଜ୍ଞ ଡ଼.ସ୍ମିତା ପ୍ରିୟଦର୍ଶିନୀଙ୍କ କହିବା ମୁତାବକ ମୁଖ୍ୟତଃ ୩ଟି ଲକ୍ଷଣ ଦେଖାଦେଲେ ମୁଖଗହ୍ଵର କର୍କଟ ହୋଇଛି ବୋଲି ଜାଣିବେ | ଯଦି ଆପଣଙ୍କ ପାଟିରେ ଘା ହୋଇଛି ଏବଂ ୩ ସପ୍ତାହ ଯାଏଁ ଏହା ଶୁଖୁନାହିଁ ତେବେ ଥରେ ଡାକ୍ତରଙ୍କ ପରାମର୍ଶ ନିଅନ୍ତୁ | ଦ୍ବିତୀୟତଃ ଯଦି ଆପଣ ଭଲରେ ପାଟି ଖୋଲିପାରୁନାହାନ୍ତି, ଖାଇବାରେ କଷ୍ଟ ହେଉଛି ଓ ଏକାସାଙ୍ଗରେ ଚାରିଟି ଆଙ୍ଗୁଳି ପାଟିରେ ପଶିପାରୁନାହିଁ ତେବେ ଏହା ମୁଖଗହ୍ଵର କର୍କଟର ଲକ୍ଷଣ ହୋଇପାରେ | ଯଦି ଅସମୟରେ ଆପଣଙ୍କ ଦାନ୍ତ ହଲୁଛି, ପାଟିରେ ପୋଡାଜଳା ହେଉଛି, ଢୋକିବାରେ କଷ୍ଟ ହେଉଥିବାର ଲକ୍ଷଣ ଦେଖାଦେଉଥିଲେ ଦନ୍ତରୋଗ ଚିକିତ୍ସକଙ୍କ ପରାମର୍ଶ ନିଅନ୍ତୁ | ତେବେ ଡାକ୍ତରଙ୍କୁ ଆପଣ ସାକ୍ଷାତ କରିବା ପରେ କିଭଳି ଚିକିତ୍ସା ହୋଇଥାଏ ?
ଏବାବଦରେ ମୁଖଗହ୍ଵର କର୍କଟ ରୋଗ ବିଶେଷଜ୍ଞ ଡ଼.ରୁପ୍ସା ଦାସ କହିଛନ୍ତି ଯେ ପ୍ରଥମେ ଡାକ୍ତର ଆପଣଙ୍କୁ ଆପଣଙ୍କ ଅଭ୍ୟାସ ବାବଦରେ ପଚାରିବେ | ଏହା ପରେ ଡାକ୍ତର ଆପଣଙ୍କ ପାଟିକୁ ଯାଞ୍ଚ କରିବେ | ଏହା ପରେ କିଛି ପରୀକ୍ଷା କରାଯାଏ | ମୁଖ୍ୟତଃ ଟଲୁଡିନ ବ୍ଲୁ ପରୀକ୍ଷା କରାଯାଇଥାଏ |