ବିବାହ ପୂର୍ବରୁ ପେଟର ଚର୍ବି ହଟାଇବାକୁ ଚାହୁଁଛନ୍ତି କି? ଆପଣାନ୍ତୁ ଏହି ସହଜ ଉପାୟ
ନିଜ ବିବାହ ଦିନ ସମସ୍ତେ ଭଲ ଦେଖାଯିବା ପାଇଁ ଅନେକ ଉପାୟ ଆପଣାଇଥାନ୍ତି । ଦାମିକା ମେକ୍ଅପ୍ ସହ ହଜାର ହଜାର ଟଙ୍କାର ପୋଷାକ ମଧ୍ୟ ପରିଧାନ କରିଥାନ୍ତି । ଝିଅମାନେ ନିଜ ବିବାହ ପୂର୍ବରୁ ପେଟର ଚର୍ବିକୁ ନେଇ ଚିନ୍ତିତ ରହିଥାନ୍ତି । ବିବାହକୁ କମ ସମୟ ଥିବା ବେଳେ ସେମାନେ ନିଜ ପେଟର ଚର୍ବିକୁ କିପରି ହଟାଇବେ ସେ ନେଇ ଜିମ୍ ମଧ୍ୟ ଯାଇଥାନ୍ତି । କିନ୍ତୁ ତାହା ଦ୍ୱାରା ବିଶେଷ କିଛି ଲାଭ ମିଳି ନ ଥାଏ । ଏବେ ଆପଣ କମ ସମୟ ମଧ୍ୟରେ ଘରେ ବସି ନିଜର ଓଜନ କମ୍ କରି ପାରିବେ । କିପରି? ଆସନ୍ତୁ ଜାଣିବା…
Sambad is now on WhatsApp
Join and get latest news updates delivered to you via WhatsApp
୧. ଯଦି ଆପଣ ନିଜ ପେଟ ଏବଂ ଅଣ୍ଟାରୁ ଚର୍ବି କମ୍ କରିବାକୁ ଚାହୁଁଛନ୍ତି ତେବେ ନିଜ ଡ଼ାଏଟ୍ରେ ଫାଇବର ଯୁକ୍ତ ଖାଦ୍ୟ ସାମିଲ କରନ୍ତୁ । ଫାଇବର ଯୁକ୍ତ ଖାଦ୍ୟ ଶରୀରର ଡ଼ାଇଜେଷ୍ଟିଭ୍ ସିଷ୍ଟମକୁ ଠିକ୍ ରଖିଥାଏ । ଯାହାଦ୍ୱାରା ଶରୀରରେ ଜମା ଥିବା କ୍ୟାଲୋରି କମ୍ ହେବା ସହ ପେଟ କମ୍ ହୋଇଥାଏ ।
୨.ବିବାହକୁ କମ୍ ସମୟ ଥିଲେ ନିଜ ଡ଼ାଏଟ୍ରେ ଆପଲ ସାଇଡ଼ର ଭିନେଗାର ସାମିଲ କରନ୍ତୁ । ଶୁଦ୍ଧ ପାଣିରେ ୨ଟେବୁଲ ସ୍ପୁନ୍ ଆପଲ ସାଇଡ଼ର ଏବଂ ଗୋଟେ ଚାମଚ ମହୁ ମିଶାଇ ପିଅନ୍ତୁ । ଏହା ଦ୍ୱାରା ପେଟର ଚର୍ବି କମ୍ ହେବା ସହ ରୋଗ ପ୍ରତିରୋଧକ ଶକ୍ତି ବଢ଼ିଥାଏ, ବ୍ରଣ କମ୍ ହୋଇଥାଏ, ରକ୍ତରେ ଶର୍କରା ସ୍ତର ନିୟନ୍ତ୍ରଣ ହୋଇ ରହିବା ସହ ରକ୍ତଚାପ ନିୟନ୍ତ୍ରଣ ହୋଇ ହୋଇଥାଏ ।
୩.ପେଟର ଚର୍ବି କମ୍ କରିବା ପାଇଁ ହେଲେ ଶରୀରରେ ଜଳୀୟ ଅଂଶ ଠିକ୍ ରହିବା ଆବଶ୍ୟକ । ଭରପୂର ମାତ୍ରରେ ପାଣି ପଇବା ଦ୍ୱାରା ଶରୀରରୁ ବିଷାକ୍ତ ପଦାର୍ଥ ବାହାରି ଯାଇଥାଏ । ଯାହାଦ୍ୱାରା ମୁହଁ ଚମକିବାକୁ ଲାଗିଥାଏ । ପେଟର ଚର୍ବି କମ୍ କରିବା ପାଇଁ କେବଳ ପାଣି ନୁହେଁ, ଏହା ସହ ଗ୍ରୀନ୍ ଟି, ତାଜା ପରିବା ଏବଂ ଫଳ ଖାଇ ପାରିବେ ।
୪.ଦୀର୍ଘଦିନ ଧରି ଅବସାଦଗ୍ରସ୍ତ ରହିବା ଦ୍ୱାରା ଶରୀରରେ ଚର୍ବି ବଢ଼ିଥାଏ । ଅଧିକ ଦିନ ପର୍ଯ୍ୟନ୍ତ ଚିନ୍ତାଗ୍ରସ୍ତ ରହିବା ଦ୍ୱାରା ଶରୀରରେ କାର୍ଟିିସୋଲ ନାମକ ହରମୋନ ତିଆରି ହୋଇଥାଏ, ଯାହା ଦ୍ୱାରା ପେଟର ଚର୍ବି ବଢ଼ିଥାଏ ।