ଆପଣଙ୍କ ବନ୍ଧୁ କଥା କଥାକେ ରାଣ ପକାଉଛନ୍ତି କି? ତେବେ ସେ ବୁଦ୍ଧିମାନ!
ବୁଦ୍ଧିମାନ ଲୋକମାନଙ୍କ ସ୍ୱଭାବ/ଅଭ୍ୟାସ ସବୁବେଳେ ଭଲ ହୋଇ ନ ଥାଏ। ସେମାନଙ୍କର ବହୁତ ଖରାପ ଅଭ୍ୟାସ ଥାଏ ବୋଲି ଏକ ଅନୁଧ୍ୟାନରୁ ଜଣାଯାଇଛି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଏହି ଖରାପ ସ୍ୱଭାବ/ଅଭ୍ୟାସ ସେମାନଙ୍କୁ ଅଧିକ ଜ୍ଞାନୀ କରିଥାଏ । ମସ୍ତିଷ୍କକୁ ଅଧିକ ବେଗରେ କାମ କରିବାରେ ସହାୟକ ହୋଇଥାଏ।
Sambad is now on WhatsApp
Join and get latest news updates delivered to you via WhatsApp
ଏକ ଗବେଷଣା ଅନୁସାରେ ବୁଦ୍ଧିମାନ ଲୋକମାନଙ୍କର ଖରାପ ଅଭ୍ୟାସ ସାମ୍ନାକୁ ଆସିଛିି ଯାହା ଚାହିଁଲେ ବି ସେମାନେ ବଦଳାଇପାରିବେନି। କୁହାଯାଏ କି କଥା-କଥାରେ ରାଣ ପକାଉଥିବା ଲୋକମାନଙ୍କ ଠାରୁ ଦୂରେଇ ରହିବା ଉଚିତ୍ । ତାଙ୍କ ଉପରେ ଭରସା କରିବା ଉଚିତ୍ ନୁହେଁ । ଏହି ଲୋକମାନେ ନିଜକୁ ବଞ୍ଚେଇବା ପାଇଁ ଏମିତି କରିଥାଆନ୍ତି । ଗବେଣଷାରୁ ଜଣା ପଡ଼ିଛି କି ଛୋଟ ଛୋଟ କଥାରେ ରାଣ ପକାଉଥିବା ଲୋକଙ୍କ ମସ୍ତିଷ୍କ ବହୁତ ଭଲ । ସେମାନଙ୍କର ଭାବନା ଓ କଥା କହିବାର ଶୈଳୀ ଅନ୍ୟମାନଙ୍କଠାରୁ ଭିନ୍ନ ହୋଇଥାଏ । ଏମାନେ ରାତିରେ ଜଲଦି ଶୁଅନ୍ତି ନାହିଁ । ୧୦ଟା ବାଜିଲେ ଏମାନଙ୍କୁ ବହୁତ କାମ କରିବାକୁ ମନେପଡ଼ିଥାଏ ।
ପୁଣି ଯେଉଁ ଲୋକମାନଙ୍କର ଆଇକ୍ୱ ସ୍ତର ୭୫ ହୋଇଥାଏ, ସେମାନେ ୧୧ଟା ବାଜିବା ପୂର୍ବରୁ ଶୋଇଯାଆନ୍ତି । ଯେଉଁମାନଙ୍କର ଆଇକ୍ୱ ସ୍ତର ୧୨୫ ପାଖାପାଖି ବା ତା’ଉପରକୁ, ସେମାନେ ରାତି ୧ଟା ବାଜିଲେ ଶୁଅନ୍ତି । ବୁଦ୍ଧିମାନ ଲୋକମାନଙ୍କ ଶୋଇବା ଘରକୁ କେବେ ବି ଯିବା କଥା ନୁହେଁ। ସେମାନଙ୍କ ରୁମ୍ ସବୁବେଳେ ଅସଜଡା ଥାଏ । ସେମାନେ ତାଙ୍କ ଜିନିଷ କେବେ ସଜାଡନ୍ତିନି। ଗବେଷଣା ଅନୁସାରେ ତାଙ୍କ ଚାରିପାଖରେ ପଡିଥିବା ଅସଜଡା ଜିନିଷ ତାଙ୍କୁ କିଛି ଅଲଗା ଭାବିବା ପାଇଁ କ୍ଷମତା ପ୍ରଦାନ କରିଥାଏ ।