କାହିଁକି ନଖ କାମୁଡନ୍ତି? ଏହା ସତରେ କ’ଣ ବଦଭ୍ୟାସ?
ନଖ କାମୁଡ଼ିବା ହେଉଛି ଏକ ଖରାପ ଅଭ୍ୟାସ । ଏମିତି ଅନେକ ଲୋକ ଅଛନ୍ତି, ଯେଉଁମାନେ ସବୁବେଳେ ଆଙ୍ଗୁଠିକୁ ପାଟିରେ ରଖିଥାଆନ୍ତି । କେତେକ ଆଙ୍ଗୁଠିକୁ ଦାନ୍ତରେ କାମୁଡ଼ି ଥାଆନ୍ତି। ଏହାକୁ ସାଧାରଣ ଭାବେ ଏକ ଖରାପ ଅଭ୍ୟାସ ବୋଲି ବିବେଚନା କରାଯାଏ।
Sambad is now on WhatsApp
Join and get latest news updates delivered to you via WhatsApp
କିନ୍ତୁ ଆମେରିକାର ସ୍ୱାସ୍ଥ୍ୟ ସଂପର୍କିତ ଏକ ପତ୍ରିକା ଅନୁସାରେ ନଖ କାମୁଡ଼ିବା ସ୍ୱାସ୍ଥ୍ୟ ପାଇଁ କେତେକ ସମୟରେ ଭଲ ହୋଇଥାଏ । ଏହା ଜାଣି ଆପଣଙ୍କୁ ଆଶ୍ଚର୍ଯ୍ୟ ଲାଗିବ ଯେ ନଖ କାମୁଡିବା ଦ୍ୱାରା କେତେକ ରୋଗ ଭଲ ହୋଇଯାଇଥାଏ ।
ତଥ୍ୟ ଅନୁଯାୟୀ, ନଖ କାମୁଡ଼ୁଥିବା ଲୋକ ଜୀବନରେ ବ୍ୟବସ୍ଥିତ ଓ ଆଦର୍ଶବାଦୀ ହୋଇଥାଆନ୍ତି । ଏହି ଲୋକମାନେ ନିଜର କାମ ଯେମିତି ହେଲେ କରନ୍ତି, କିନ୍ତୁ ଯେତେବେଳେ କାର୍ଯ୍ୟ ତାଙ୍କ ମନ ଅନୁସାରେ ହୁଏ ନାହିଁ, ସେ ଚିନ୍ତିତ ହୋଇଯାଆନ୍ତି । ଫଳରେ ନଖକୁ କାମୁଡ଼ନ୍ତି।
ଏହିପରି ଲୋକମାନେ କାହାକୁ ଅପେକ୍ଷା କରିବାକୁ ପସନ୍ଦ କରନ୍ତି ନାହିଁ । ଯେତେବେଳେ ନିଜ ମନ ପସନ୍ଦ ଅନୁସାରେ କାମ ହୁଏନି, ସେମାନେ ବ୍ୟସ୍ତରେ ନଖ କାମୁଡ଼ିଥାଆନ୍ତି । ଅନୁସନ୍ଧାନକାରୀମାନେ ଏଭଳି ୪୮ ଜଣ ଲୋକଙ୍କୁ ନେଇ ଗବେଷଣା କରିଥିଲେ । ଗବେଷଣାରୁ ଜଣାପଡ଼ିଲା ଯେ ନଖ କାମୁଡୁଥିବା ଲୋକ କୌଣସି କାମ କରିବା ପାଇଁ ଆବଶ୍ୟକ ଠାରୁ ଅଧିକ ଯୋଜନା କରିଥାଆନ୍ତି । କିନ୍ତୁ ସେଥିମଧ୍ୟରୁ ୧୦ ପ୍ରତିଶତ ଲୋକ ସଫଳ ହୋଇଥାଆନ୍ତି । ବହୁ ଭାବେ ଯୋଜନା କରିବା ଏବଂ ଶେଷରେ କିଛି କାମ ନ କରିପାରିବା ଏମାନଙ୍କ ସ୍ୱଭାବର ଏକ ବଡ଼ ଦୁର୍ବଳତା । ଯେତେବେଳେ ଚିନ୍ତାରେ ଆସନ୍ତି, ନଖ କାମୁଡିବା ବ୍ୟତୀତ କିଛି କରନ୍ତି ନାହିଁ ।