ଜାଣନ୍ତୁ , ମୌସୁମୀ ଜୁସ୍ ପିଇଲେ କି ଫାଇଦା ମିଳିଥାଏ
ଆମେ ପ୍ରତିଦିନ କିଛି ନା କିଛି ପାନୀୟ ଗ୍ରହଣ କରିଥାଉ। ଏହା ଆମକୁ ଭଲଲାଗେ। ହେଲେ ଆପଣ ଜାଣନ୍ତି କି ସେଥିମଧ୍ୟରୁ ଏମିତି ପାନୀୟ ବି ଅଛି ଯାହାକୁ ପିଇଲେ ଭଲ ନିଦ ଆସେ। ଆସନ୍ତୁ ଜାଣିବା ତାହା କ’ଣ ।
ଆମ ଭିତରେ ଏମିତି ଅନେକ ଲୋକ ଅଛନ୍ତି ଯେଉଁମାନେ ନିୟମିତଭାବେ ବିଳମ୍ବିତ ରାତ୍ରିରେ ଖାଦ୍ୟ ଗ୍ରହଣ କରିଥାନ୍ତି। କେଉଁ କାରଣରୁ ସେମାନେ ଏହା କରିଥାନ୍ତି ତାହା ଆମର ଆଲୋଚନାର ବିଷୟ ନୁହେଁ। କେବଳ ଭୋଜନ କରିବା ପରେ ସଙ୍ଗେ ସଙ୍ଗେ ଶୋଇଲେ ଓଜନ ବଢ଼ିଯାଇଥାଏ ବୋଲି କିଛି ଲୋକଙ୍କର ବିଶ୍ୱାସ ରହିଛି ବୋଲି କୁହାଯାଏ।କିନ୍ତୁ ଏମିତି କିଛି ପାନୀୟ ଅଛି ଯାହାକୁ ଶୋଇବା ପୂର୍ବରୁ ପିଇଲେ,ଓଜନ ବୃଦ୍ଧି ପାଇବ ନାହିଁ।
Sambad is now on WhatsApp
Join and get latest news updates delivered to you via WhatsApp
ହଁ,ଶୋଇବା ପୂର୍ବରୁ ଏକ ଗ୍ଲାସ୍ ମୌସୁମୀର ଜୁସ୍ ପିଇଲେ ମଧ୍ୟ ଭଲ ନିଦ ହୋଇଥାଏ। ଏହା ଶରୀରର ଓଜନ କମ୍ କରିବାରେ ସହାୟକ ହୋଇଥାଏ।ଏଥିରେ ଭିଟାମିନ୍ ସି ଓ ପୋଟାସିଅମ୍ ପ୍ରଚୁର ମାତ୍ରାରେ ଥିବା ହେତୁ ଏହା ତ୍ୱଚା ପାଇଁ ମଧ୍ୟ ଲାଭପ୍ରଦ ବୋଲି କୁହାଯାଏ। ଖାଲି ସେତିକି ନୁହେଁ ମୌସୁମୀ ଜୁସ୍ ପିଇଲେ ରକ୍ତ ସଞ୍ଚାଳନ ମଧ୍ୟ ନିୟନ୍ତ୍ରିତ ହୋଇଥାଏ। ଏହାକୁ ନିୟମିତ ସେବନକଲେ ସ୍ୱାସ୍ଥ୍ୟ ମଧ୍ୟ ଭଲ ରହେ। ତେବେ ରାତିରେ କ୍ଷୀର ସହିତ ବା ସେହିଭଳି ଜିନିଷ ସହିତ ମୌସୁମୀ ଜୁସ୍ ପିଇବା ଅନୁଚିତ।