ଭୂତ ଚତୁର୍ଦଶୀ କ’ଣ ଜାଣନ୍ତି କି? କାହିଁକି ଦୀପାବଳି ପୂର୍ବ ଦିନ ଏହା ପାଳନ କରାଯାଏ

କୋଲକାତା: ଦୀପାବଳି ସମୟରେ ଧନତେରାସ, ଗୋବର୍ଦ୍ଧନ ପୂଜା ଏବଂ ଭାଇ ଦୁଜ ଭଳି ପର୍ବ ପାଳନ କରାଯାଏ, କିନ୍ତୁ ଏହି ସମୟ ମଧ୍ୟରେ ପଶ୍ଚିମବଙ୍ଗରେ ଆଉ ଏକ ପର୍ବ ପାଳନ କରାଯାଏ, ଯାହାକି ଭୂତ ଚତୁର୍ଦଶୀ ନାମରେ ଜଣାଶୁଣା | କାର୍ତ୍ତିକ ମାସର କୃଷ୍ଣ ପକ୍ଷର ଚତୁର୍ଦଶୀ ତିଥିକୁ ଭୂତ ଚତୁର୍ଦଶୀ ମଧ୍ୟ କୁହାଯାଏ | ଶାସ୍ତ୍ର ଅନୁଯାୟୀ, ଭୁତ ଚତୁର୍ଦଶୀ ଦିନ ତନ୍ତ୍ର ପୂଜା ରାତିରେ ହୋଇଥାଏ। ବିଶ୍ୱାସ କରାଯାଏ ଯେ ଭୁତ ଚତୁର୍ଦଶୀ ଦିନ ଗୋଟିଏ ପରିବାରର ୧୪ ପିଢ଼ିର  ପିତୃପୁରୁଷ ସେମାନଙ୍କ ଜୀବନ୍ତ ସମ୍ପର୍କୀୟଙ୍କୁ ଭେଟିବା ପାଇଁ ଘରେ ପହଞ୍ଚିଥାନ୍ତି। ଭୂତ ଚତୁର୍ଦଶୀ ନାମ ଦର୍ଶାଏ ଯେ ଏହି ପର୍ବ ଭୂତ ବା ଆତ୍ମା ​​ସହିତ ଜଡିତ |

ପ୍ରଚଳିତ ବିଶ୍ବାସ ଅନୁସାରେ ଭୂତ ଚତୁର୍ଦଶୀ ଦିନ, ତାନ୍ତ୍ରିକମାନେ ତନ୍ତ ସାଧନା ମାଧ୍ୟମରେ ଭୂତମାନଙ୍କୁ ଡାକନ୍ତି ଏବଂ ଏହି କାରଣରୁ ଏହାକୁ ଭୂତ ଚତୁର୍ଦଶୀ ବୋଲି ମଧ୍ୟ କୁହାଯାଇଥାଏ | ସେହିପରି ଜଣଙ୍କର ପୂର୍ବପୁରୁଷଙ୍କ ଚଉଦ ପିଢ଼ିକୁ ସମ୍ମାନ କରିବାର ଏକ ପରମ୍ପରା ବୋଲି କୁହାଯାଏ | ଭୂତ ଚତୁର୍ଦଶୀ ଦିନ ରାତିରେ ପିତୃପୁରୁଷଙ୍କ ନାମରେ ୧୪ଟି ଦୀପ ଜଳାଯାଇଥାଏ | କୁହାଯାଏ ଯେ ଏହି ରାତିରେ ଅତୃପ୍ତ ଶକ୍ତି ଅଧିକ ପ୍ରାଧାନ୍ୟ ବିସ୍ତାର କରିଥାନ୍ତି ଏବଂ ଏମାନଙ୍କୁ ଦୂରେଇ ରଖିବା ପାଇଁ ଦୀପ ଜଳାଯାଇଥାଏ | ଭାରତର ବିଭିନ୍ନ ରାଜ୍ୟରେ ଭୂତ ଚତୁର୍ଦଶୀ ବିଭିନ୍ନ ଶୈଳୀରେ ପାଳନ କରାଯାଏ | ଏହି ଦିନ ଯମଦେବଙ୍କ ଉଦ୍ଦେଶ୍ୟରେ ଦୀପ ମଧ୍ୟ ଜଳାଯାଏ | ପଶ୍ଚିମବଙ୍ଗରେଏହି ଦିନ କାଳୀ ମା’ଙ୍କୁ ପୂଜା କରାଯାଇଥାଏ।
​