ନିୟମିତ ଅଣ୍ଟାବିନ୍ଧା ହେଉଛି ତ , କରନ୍ତୁ ଏହି ସରଳ ଅଭ୍ୟାସ
ଦିନ ସାରା ଅଫିସରେ ବସି କାମ କରିବା ଯୋଗୁଁ ଅନେକ ଲୋକ ଅଣ୍ଟାବିନ୍ଧାର ଶିକାର ହୋଇଥାଆନ୍ତି । ସେମାନେ ଏଥିପାଇଁ ଔଷଧ ସେବନ କରନ୍ତି । ହେଲେ ଏଥିରୁ ରକ୍ଷା ପାଇବାର ଏକ ସରଳ ଉପାୟ ହେଲା ଦଶ ମିନିଟର ଏକ ଆସନ କରିବା । ଏହି ଆସନ ଅଭ୍ୟାସ କରିଲେ ଆପଣଙ୍କଠାରେ ଅଣ୍ଟାବିନ୍ଧାଜନିତ ସମସ୍ୟା ରହିବ ନାହିଁ କି ପାଦରୁ ଅଣ୍ଟାଯାଏଁ କୌଣସି ଅଙ୍ଗରେ ଯନ୍ତ୍ରଣା ହେବ ନାହିଁ । ଏବେ ଜାଣନ୍ତୁ ସେହି ଆସନର ନାମ କ’ଣ ଓ ତା’କୁ କିଭଳି ଭାବେ ଅଭ୍ୟାସ କରିବାକୁ ପଡ଼ିଥାଏ । ଏହି ଆସନର ନାମ ହେଲା-କୋଣାସନ । ଏହାର ପ୍ରଣାଳୀ ଜାଣନ୍ତୁ :
Sambad is now on WhatsApp
Join and get latest news updates delivered to you via WhatsApp
ସର୍ବପ୍ରଥମେ ସିଧା ହୋଇ ଠିଆ ହୁଅନ୍ତୁ। ତାପରେ ଆସ୍ତେ ଆସ୍ତେ ଉପରକୁ ହାତ ଲମ୍ବା କରି ଭୂମି ଉପରେ ଠିଆ ହୁଅନ୍ତୁ । ମନେ ରଖନ୍ତୁ ଏହି ସମୟରେ ଉଭୟ ପାଦ ମଝିରେ ନିଶ୍ଚିତ ରୂପେ କିଛି ଅନ୍ତର ରହିବା ଦରକାର । ତା’ପରେ ନଃିଶ୍ୱାସ ନେଇ ଦୁଇ ହାତକୁ ଉପରକୁ ଉଠାନ୍ତୁ ଓ ଦୁଇ ହାତ ପାପୁଲିକୁ ଯୋଡ଼ି ଦିଅନ୍ତୁ । ତା’ପରେ ନିଃଶ୍ୱାସ ଛାଡ଼ି ଡାହାଣ ପଟକୁ ନୁଅଁନ୍ତୁୁ ଓ କିଛି ସେକେଣ୍ଡ ଯାଏଁ ସେହି ଅବସ୍ଥାରେ ରହିବା ପରେ ପୁଣି ନିଃଶ୍ୱାସ ତ୍ୟାଗ କରି ସିଧା ହୋଇଯାଆନ୍ତୁ । ତା’ପରେ ସମାନ କ୍ରିୟା ବାଟ ପଟେ ନଇଁ କରି କରନ୍ତୁ । ପୁଣି ସିଧା ହୋଇ ଯାଆନ୍ତୁ । ଏହି ଭଳି ପ୍ରତ୍ୟେହ ୧୦ ମିନିଟ୍ କରିଲେ ଆପଣଙ୍କର ଅଣ୍ଟାବିନ୍ଧା, ଏବଂ ପେଟ ଯନ୍ତ୍ରଣା ଆଦିରୁ ମୁକ୍ତି ମିଳିଥାଏ ଓ ମାଂସପେଶୀ ଶକ୍ତ ହୋଇଥାଏ ।
ତେବେ ମନେ ରଖନ୍ତୁ ଯଦି ଅଣ୍ଟାରେ ତୀବ୍ର ଯନ୍ତ୍ରଣା ଅନୁଭବ କରୁଥିବେ ବା ସ୍ପଣ୍ଡିଲାଇଟସ ରୋଗର ଶିକାର ହୋଇଥିବେ, ତେବେ କୋଣାସନ ନ କରିବା ଭଲ ।