ଯେଉଁମାନେ ନିୟମିତ ରୂପେ ଭିଟାମିନ୍‌-ଡ଼ି ଗ୍ରହଣ କରନ୍ତି, ସେମାନଙ୍କୁ ଏସବୁ ରୋଗ ହେବାର ଆଶଙ୍କା ନଥାଏ

ଆଜିକାଲି ଅନେକ ଲୋକ ମଧୁମେହ ରୋଗରେ ପୀଡ଼ିତ।  ଏଥିରୁ ରକ୍ଷା ପାଇବାଲାଗି କ’ଣ ଆବଶ୍ୟକ ତାହା ପ୍ରଥମେ ଜାଣିବା ଦରକାର। ଖୁବ୍‌ କମ୍‌ ଲୋକ ଜାଣନ୍ତି ଯେ,ମଧୁମେହକୁ ନିୟନ୍ତ୍ରଣରେ ରଖିବା ପାଇଁ ଭିଟାମିନ୍‌-ଡ଼ି ଜରୁରୀ। ଭିଟାମିନ୍‌-ଡ଼ି ର ସବୁଠାରୁ ଉତ୍ତମ ସ୍ରୋତ ହେଲା ଖରା ବା ସୂର୍ଯ୍ୟକିରଣ।ଏବେ ଆସନ୍ତୁ ଜାଣିବା ଭିଟାମିନ୍‌-ଡ଼ି ଗ୍ରହଣ କଲେ ମଧୁମେହ ରୋଗୀମାନଙ୍କୁ କି ଫାଇଦା ମିଳିଥାଏ ।

ମଧୁମେହ ରୋଗୀମାନେ ଭିଟାମିନ୍‌-ଡ଼ି ନେଲେ,ଏହା ନିୟନ୍ତ୍ରଣ ଭିତରେ ରହିଥାଏ। ଏହାର ବଢ଼ିବା ଆଶଙ୍କା କମିଯାଏ। ରକ୍ତରେ ଭିଟାମିନ୍‌-ଡ଼ି ରହିଲେ ମଧୁମେହ ରୋଗ ହେବାର ଆଶଙ୍କା ୨୪ ପ୍ରତିଶତ ହ୍ରାସ ପାଇଥାଏ। ଭିଟାମିନ୍‌ -ଡ଼ି ହେତୁ ରୋଗୀମାନଙ୍କର ବ୍ଲଡ୍‌ସୁଗାରର ସ୍ତର ନିୟନ୍ତ୍ରିିତ ରହିଥାଏ। ଭିଟାମିନ୍‌-ଡ଼ି ସେବନ ଫଳରେ ମଧୁମେହ ରୋଗ ବ୍ୟତୀତ ହୃଦ୍‌ରୋଗ ଓ ରକ୍ତଚାପ ଭଳି ରୋଗରୁ ମଧ୍ୟ ସୁରକ୍ଷା ମିଳିଥାଏ।ଏକ ଅନୁସନ୍ଧାନରୁ ଜଣାଯାଇଛି ଯେ,ଯେଉଁମାନେ ନିୟମିତ ରୂପେ ଭିଟାମିନ୍‌-ଡ଼ି ଗ୍ରହଣ କରନ୍ତି, ସେମାନଙ୍କଠାରେ ମଧୁମେହ ରୋଗ ହେବାର ଆଶଙ୍କା ଖୁବ୍‌ କମ୍‌। ଭିଟାମିନ୍‌-ଡ଼ି ସେବନ କଲେ ରକ୍ତହୀନତା,ଶାରୀରିକ ଦୁର୍ବଳତା ,ଥଣ୍ଡା ସର୍ଦ୍ଦି ରୋଗର ଆଶଙ୍କା ନଥାଏ।