ଗରମ ପାଣିରେ ଜିରା ଏବଂ ଡ଼ାଲଚିନି ପାଉଡ଼ର ମିଶାଇ ପିଇଲେ ପେଟର ଚର୍ବି ହଟିବା ସହ ମିଳିବ ଏ ସବୁ ଫାଇଦା
ଆଜିକାଲିର ବ୍ୟସ୍ତବହୁଳ ଜୀବନରେ ଲୋକମାନେ ଠିକ୍ ସମୟରେ ଠିକ୍ ଜିନିଷ ଖାଇ ପାରୁ ନାହାନ୍ତି । ଯାହା ପାଇଁ ଅନେକଙ୍କ ପାଖରେ ମୋଟାପଣର ସମସ୍ୟା ଦେଖିବାକୁ ମିଳିଛି । ବାହାର ଖାଦ୍ୟ ପାଇଁ ଲୋକମାନଙ୍କ ପେଟରେ ଚର୍ବି ବଢ଼ିବାର ସମସ୍ୟା ମଧ୍ୟ ଦେଖା ଯାଉଛି । ତେବେ ଏଭଳି ଅନେକ ସମସ୍ୟାକୁ ଦୂର କରିବା ପାଇଁ ଗରମ ପାଣିରେ ଜିରା, ଡ଼ାଲଚିନି ଏବଂ ମହୁ ମିଶାଇ ପିଅନ୍ତୁ । ଆସନ୍ତୁ ଜାଣିବା ଏହାର ପ୍ରସ୍ତୁୁତି ପ୍ରଣାଳୀ ଏବଂ ଫାଇଦା ବିଷୟରେ…..
Sambad is now on WhatsApp
Join and get latest news updates delivered to you via WhatsApp
ପ୍ରଥମେ ପାନୀୟ ତିଆରି କରିବା ପାଇଁ ଡ଼ାଲଚିନି ୨ଟି କୋଲା, ଜିରା ୨ଚାମୁଚ, ମହୁ ୧ଚାମୁଚ ଏବଂ ଏକ ଗ୍ଲାସ ଗରମ ପାଣି ନିଅନ୍ତୁ । ପ୍ରଥମେ ଜିରା ଏବଂ ଡ଼ାଲଚିନିକୁ ଭଲଭାବରେ ପେଶି ଏକ ଗ୍ଲାସ ଗରମ ପାଣିରେ ମିଶାଇ ଦିଅନ୍ତୁ । ଏହା ପରେ ସେହି ମିଶ୍ରଣରେ ମହୁ ମିଶାନ୍ତୁ । ପ୍ରତିଦିନ ରାତିରେ ଶୋଇବା ପୂର୍ବରୁ ବା ସକାଳେ ଖାଲି ପେଟରେ ଏହି ପାନୀୟ ପିଇବା ଦ୍ୱାରା ଆପଣଙ୍କୁ ଅନେକ ଫାଇଦା ମିଳିବ ।
୧. ଖରାଦିନେ ଶରୀରରେ ଜଳୀୟଅଂଶ କମ ହେବାର ସମସ୍ୟା ଦେଖା ଯାଇଥାଏ । ଶରୀରରେ ଜଳୀୟଅଂଶ ଠିକ ରଖିବା ପାଇଁ ଏହି ପାନୀୟ ପିଇବା ଆରମ୍ଭ କରନ୍ତୁ ।
୨. ଏଥିରେ ଆଇରନର ପରିମାଣ ଅଧିକ ରହିଥାଏ । ଯାହା ରକ୍ତରେ ହେମୋଗ୍ଲୋବିନର ସ୍ତରକୁ ବଢ଼ାଇ ରକ୍ତର ଅଭାବକୁ ଦୂର କରିଥାଏ ।
୩. ଏହାକୁ ପିିଇବା ଦ୍ୱାରା କୋଲେଷ୍ଟ୍ରଲ ସ୍ତର ନିୟନ୍ତ୍ରଣରେ ରହିଥାଏ । ଯାହାଦ୍ୱାରା ହୃଦ୍ସମସ୍ୟା ଦେଖା ଯାଇ ନଥାଏ ।
୪. ପ୍ରତିଦିନ ଏହି ପାନୀୟକୁ ପିଇବା ଦ୍ୱାରା ଶରୀରରେ ଗ୍ଲକୋଜର ସ୍ତର ଠିକ୍ ରହିଥାଏ । ଯାହାଦ୍ୱାରା ମଧୁମେହ ରୋଗ ହେବାର ଆଶଙ୍କା କମ ହୋଇଥାଏ ।