ମୋମୋ ଖାଇବା ପରେ ବ୍ୟକ୍ତିଙ୍କ ମୃତ୍ୟୁ: ଏମ୍ସ ବିଶେଷଜ୍ଞ କହିଲେ କେମିତି ଖାଇବେ ମୋମୋ
ନୂଆଦିଲ୍ଲୀ: ଆପଣ ମୋମୋ ଖାଇବାକୁ ଭଲ ପାଆନ୍ତି କି? ଯଦି ହଁ, ତେବେ ଆପଣଙ୍କୁ ଏହି ଖବର ପଢିବା ନିହାତି ଆବଶ୍ୟକ | ଏମ୍ସ ଏବେ ସେହି ଲୋକମାନଙ୍କୁ ପରାମର୍ଶ ଦେଇଛି, ଯେଉଁମାନେ ଲାଲ୍ ଚଟଣି ସହିତ ଗରମ ମୋମୋ ଖାଇଥାନ୍ତି | ଏମ୍ସ ପକ୍ଷରୁ କୁହାଯାଇଛି ଯେ ମୋମୋ ଖାଉଥିଲେ, ଭଲରେ ଚୋବାଇବା ସହ ସତର୍କତାର ସହିତ ଗିଳିବା ଉଚିତ | ଏଭଳି ନ କଲେ ସ୍ୱାସ୍ଥ୍ୟ ପ୍ରତି ବିପଦ ହୋଇପାରେ ଏବଂ ଜୀବନ ଉପରେ ମଧ୍ୟ ପ୍ରଭାବ ପକାଇପାରେ | ବାସ୍ତବରେ, ମୋମୋ ଖାଇବା ପରେ ଜଣେ ୫୦ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ହେବା ପରେ ଏମ୍ସ ବିଶେଷଜ୍ଞମାନେ ଏହା କହିଛନ୍ତି | ଦିଲ୍ଲୀ ସ୍ଥିତ ଏମ୍ସ ହସ୍ପିଟାଲ୍ ରାଜ୍ୟମାନଙ୍କୁ ଆଡ଼ଭାଇଜରୀ ଜାରି କରି ମୋମୋ ଖାଇବାର ତରିକା ବାବଦରେ କହିଛି |
Sambad is now on WhatsApp
Join and get latest news updates delivered to you via WhatsApp
ଏମ୍ସର ଫରେନସିକ୍ ରିପୋର୍ଟ ଅନୁଯାୟୀ ମୃତ ବ୍ୟକ୍ତିଙ୍କ ବୟସ ପ୍ରାୟ ୫୦ ବର୍ଷ ହୋଇଥିବାବେଳେ ସେ ମଦ୍ୟପାନ କରିଥିଲେ ଏବଂ ଏକ ଦୋକାନରେ ମୋମୋ ଖାଉଥିଲେ | ଏହି ସମୟରେ ସେ ତଳେ ପଡ଼ିଯାଇଥିଲେ। ପୋଷ୍ଟମର୍ଟମ ରିପୋର୍ଟକୁ ସୂଚାଇ ଫୋରେନସିକ୍ ବିଶେଷଜ୍ଞମାନେ କହିଛନ୍ତି ଯେ ମୋମୋ ଶ୍ୱାସନଳୀରେ ଅଟକି ଯାଇଥିଲା। ବିଶେଷଜ୍ଞମାନେ ଏହି ସମସ୍ୟାକୁ ନ୍ୟୁରୋଜେନିକ୍ ହୃଦ୍ଘାତ ବୋଲି କହିଛନ୍ତି । ଏମ୍ସ ବିଶେଷଜ୍ଞ କହିଛନ୍ତି ଯେ ମୋମୋ ଶ୍ୱାସନଳୀରେ ଅଟକିଯିବାରୁ ତାଙ୍କର ମୃତ୍ୟୁ ହୋଇଯାଇଥିଲା |
ସେ କହିଛନ୍ତି ଯେ ଯେତେବେଳେ ବି ଆମେ ଏପରି ଜିନିଷ ଖାଇଥାଉ, ଯାହାର ଭିତରେ ଫୁଲିବା ସମ୍ଭାବନା ଥାଏ, ଏହାକୁ ଭଲ ଭାବରେ ଚୋବାଇବା ପରେ ହିଁ ଖାଇବା ଉଚିତ୍ | ବିଶେଷଜ୍ଞମାନେ କହିଛନ୍ତି ଯେ ଯଦି ଆମେ ଭଲରେ ନ ଚୋବାଇ ଖାଇଥାଉ, ତେବେ ତାହା ଶ୍ୱାସନଳୀ ଭିତରକୁ ଖସିଯିବାର ଆଶଙ୍କା ଥାଏ | ଏହା ଶ୍ୱାସକ୍ରିୟାକୁ ଅବରୋଧ କରିପାରେ ଏବଂ ମୃତ୍ୟୁର କାରଣ ହୋଇପାରେ | ବିଶେଷଜ୍ଞମାନେ ଏହି ଅନୁସନ୍ଧାନକୁ ଜର୍ଣ୍ଣାଲ୍ ଅଫ୍ ଫରେନସିକ୍ ଇମେଜିଙ୍ଗର ନୂତନ ସଂଖ୍ୟାରେ ଦିଆଯାଇଛି |