ଦିନକୁ ୩ କିମ୍ବା ୪, ଜାଣନ୍ତୁ ତା’ଠାରୁ ଅଧିକ କାକୁଡି ଖାଇଲେ କ’ଣ ହୁଏ ?
ଶରୀରରେ ପାଣିର ସନ୍ତୁଳନ ରକ୍ଷା କରିବା ପାଇଁ ସବୁଦିନ ଖାଦ୍ୟ ଗ୍ରହଣ ସମୟରେ କାକୁଡି ଖାଇବା ଆବଶ୍ୟକ । କାକୁଡିରେ କମ୍ ପରିମାଣର କ୍ୟାଲୋରି ଏବଂ ପୋଷକ ତତ୍ତ୍ୱ ରହିଛି । ପୁଣି ସାଲାଡ୍ରେ ପକାଇଲେ, ଏହାର ସ୍ୱାଦ ବଢିଥାଏ । କାକୁଡିରେ ମାତ୍ରାଧିକ ଜଳୀୟ ଅଂଶ ଥିବାରୁ ଏହାକୁ ଓଜନ ହ୍ରାସ ଲାଗି ନିୟମିତ ସେବନ କରାଯାଇଥାଏ। କିନ୍ତୁ ଓଜନ ହ୍ରାସ ପାଇଁ ଲୋକମାନେ ଆବଶ୍ୟକ ଠାରୁ ଅଧିକ ଏହାର ଉପଯୋଗ କରୁଛନ୍ତି । ଫଳରେ ଏହା ସ୍ୱାସ୍ଥ୍ୟ ପାଇଁ କ୍ଷତିକାରକ ହେଉଛି ବୋଲି ଏକ ଗବେଷଣାରୁ ଜାଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଆସନ୍ତୁ ଜାଣିବା ଏହା କିପରି ସ୍ୱାସ୍ଥ୍ୟ ପାଇଁ କ୍ଷତିକାରକ ହେଉଛି । କେତେକ ଏମିତିରେ ଦିନ ଭିତରେ ୧୦ରୁ ୧୨ଟି କାକୁଡି ଖାଇଥାଆନ୍ତି । ତେବେ ଅତ୍ୟଧିକ ଖାଇବା ଦ୍ୱାରା ବହୁତ ଅସୁବିଧା ମଧ୍ୟ ହୋଇଥାଏ । କୁହାଯାଏ କି ଦିନରେ କାକୁଡି ଖାଇବା ଦ୍ୱାରା ଅଧିକ ଲାଭକାରୀ ହୋଇଥାଏ । କିନ୍ତୁ ରାତିରେ ଖାଇବା ଦ୍ୱାରା କ୍ଷତିକାରକ ହୋଇଥାଏ । କାକୁଡିରେ କୁକୁର୍ବିଟାଇନ୍ସ ନାମକ ଏକ ଯୌଗିକ ତତ୍ତ୍ୱ ଅଛି । ଫଳରେ ଅଧିକ କାକୁଡି ଖାଇବା ଦ୍ୱାରା ଏଥିରେ ଥିବା ଟକ୍ସିନ୍ ବା ବିଷାକ୍ତ ଉପାଦାନ ଶରୀରରେ ବ୍ୟାପି ଯାଇଥାଏ । ଏଥିପାଇଁ ଆପଣଙ୍କ ଲିଭର୍, ଅଗ୍ନାଶୟ ସହିତ ଶରୀର ଅନ୍ୟ କେତେକ ଅଙ୍ଗରେ ପୋଡାଜଳା ହୋଇପାରେ । ଏଥିପାଇଁ ଏହାକୁ ନିୟନ୍ତ୍ରିତ ମାତ୍ରାରେ ସେବନ କରିବା ଉଚିତ୍ ।
ଖରା ଦିନରେ ଗରମରୁ ରକ୍ଷା ପାଇବା ଅଧିକ କାକୁଡି ଖାଇବା ଦ୍ୱାରା ଏଥିରେ ଥିବା ବିଷାକ୍ତ ପଦାର୍ଥ ଶରୀରରେ ଥିବା ଜଳୀୟ ଅଂଶକୁ ବିଷାକ୍ତ କରିଦିଏ । ଫଳରେ ଶରୀରର ଇଲେକ୍ଟ୍ରୋଲାଇଟ୍ ସନ୍ତୁଳନରେ ବାଧା ସୃଷ୍ଟି ହୋଇଥାଏ । ଏହାକୁ ନେଇ ଗମ୍ଭୀର ସ୍ୱାସ୍ଥ୍ୟ ସମସ୍ୟା ଦେଖାଯାଏ । କାକୁଡି ଅଧିକ ଖାଇବା ଫଳରେ ଡାଇରିଆ, ପେଟ ଫୁଲିବା ସମସ୍ୟା ଆଦି ବି ହୋଇଥାଏ ।
ତେବେ ଗର୍ଭାବସ୍ଥାରେ କାକୁଡି ସେବନ କରିବା ଉଚିତ୍। କିନ୍ତୁ ୟୁରିନାରୀ ଫଙ୍କସନ୍ ବିଗିଡିଯିବାର ମଧ୍ୟ ସମ୍ଭାବନା ଥାଏ । ଆପଣଙ୍କୁ ବାରମ୍ବାର ଟଏଲେଟ୍ ଯିବାକୁ ପଡିଥାଏ । ରାତିରେ କାକୁଡିୁ ଖାଇବା ଦ୍ୱାରା କଫ, ସର୍ଦ୍ଦି ଆଦି ହେବାର ସମ୍ଭାବନା ଥାଏ । କାକୁଡି ଏକ ପୌଷ୍ଟିକ ଖାଦ୍ୟ ଓ ଓଜନ୍ କମ୍ କରିବା ପାଇଁ ଲୋକମାନେ ସାଲାଡ୍ ରୁପରେ ଏହାକୁ ଅତ୍ୟଧିକ ଖାଇଥାଆନ୍ତି । ଫଳରେ ଥଣ୍ଡା ହେତୁ ନିଃଶ୍ୱାସପ୍ରଶ୍ୱାସ ନେବାରେ କଷ୍ଟ ହୋଇଥାଏ ।
ଦିନକୁ ଅତି ବେଶୀରେ ୩ କିମ୍ବା ୪ଟି କାକୁଡି ଖିଆଯାଇପାରେ। ତା’ଠାରୁ ଅଧିକ କ୍ଷତିକାରକ ସାବ୍ୟସ୍ତ ହୋଇପାରେ।