ବିନା ଧୂଆଁରେ ଏହି ୩ଟି ବାଟ ଆପଣାଇଲେ ଘରୁ ପଳାଇଯିବେ ମଶା

ବର୍ଷା ଆରମ୍ଭ ହେବା ମାତ୍ରେ ମଶା ସମ୍ବନ୍ଧୀୟ ସମସ୍ୟା ଯଥେଷ୍ଟ ବୃଦ୍ଧି ପାଇଥାଏ | ବର୍ଷା ମଶାର ପ୍ରଜନନ ସମୟ ହୋଇଥିବାରୁ ସେମାନଙ୍କଠାରୁ ଉତ୍ପନ୍ନ ରୋଗର ମାତ୍ର ମଧ୍ୟ ବଢ଼ିଯାଇଥାଏ | ମଶା ଦ୍ୱାରା ଡେଙ୍ଗୁ, ଚିକୁନଗୁନିଆ ଏବଂ ମ୍ୟାଲେରିଆ ଭଳି ଭୟଙ୍କର ରୋଗ ହେଉଥିବା ବେଳେ ଆପଣ ମଧ୍ୟ ନିଜ ଅଞ୍ଚଳରେ କିମ୍ବା ଘରର ଆଖପାଖରେ ଥିବା ମଶାକୁ ପ୍ରତିରୋଧ ପାଇଁ କିଛି ପଦକ୍ଷେପ ନେବା ଉଚିତ୍। ବର୍ଷା ସମୟରେ ଘର ବାହାରେ ସଂଗୃହିତ ପାଣିରେ ମଶା ଶୀଘ୍ର ପ୍ରଜନନ କରନ୍ତି | ଘର ବାହାରେ ପାଣି ସଂଗ୍ରହ ହେବାକୁ ଦିଅନ୍ତୁ ନାହିଁ | ତେବେ ଯଦି ଘରେ ଅଧିକ ସଂଖ୍ୟାରେ ମଶା ବୁଲୁଥିବାର ଆପଣ ଦେଖୁଛନ୍ତି ତେବେ ଏହି ସବୁ ଘରୋଇ ବାଟ ଆପଣାଇପାରିବେ | ତେବେ ରାସାୟନିକ ସ୍ପ୍ରେ ଦ୍ୱାରା ଶରୀର ଉପରେ ଏହାର ପ୍ରଭାବ ପଡିଥାଏ | ବିନା ରାସାୟନିକ ସ୍ପ୍ରେ ବା ଧୂଆଁ ଦ୍ୱାରା କିଭଳି ମଶାଙ୍କୁ ଘରୁ ବାହାର କରିପାରିବେ ସେ କଥା ଆମେ ଆପଣଙ୍କୁ କହିବୁ |

ପ୍ରଥମ ଉପାୟ
ଘରେ ବିଦ୍ୟୁତ କିମ୍ବା ବ୍ୟାଟେରୀ ଚାଳିତ ‘ଇଲେକ୍ଟ୍ରିକ ଇନସେକ୍ଟ ଟ୍ରାପ’ ଯନ୍ତ୍ର ବ୍ୟବହାର କରିପାରିବେ | ଏଥିରେ ଲାଗିଥିବା ଆଲୋକ ପ୍ରତି ମଶା ଆକୃଷ୍ଟ ହୋଇ ଯିବାବେଳେ ବିଦ୍ୟୁତ ଆଘାତରେ ମରିଯାଇଥାନ୍ତି | ଏହି ଯନ୍ତ୍ର ପରିବେଶ ଅନୁକୂଳ ହୋଇଥିବାବେଳେ ମଶା ନିପାତରେ ଯଥେଷ୍ଟ ସାହାଯ୍ୟ କରିବ |

ଦ୍ଵିତୀୟ ଉପାୟ
ଘର ମଶା ମୁକ୍ତ ପାଇଁ ଚାଁହୁଥିଲେ କପୁର, ରସୁଣ, କଫି, ଲେଭେଣ୍ଡର ତେଲ ଏବଂ ପୋଦିନା ପତ୍ର ରଖନ୍ତୁ | ପ୍ରାୟ ୩୦ ମିନିଟ୍ ପର୍ଯ୍ୟନ୍ତ କୋଠରୀ ଚାରିପାଖରେ କର୍ପୁର ରଖିଲେ ମଶା ଅଦୃଶ୍ୟ ହୋଇଯାଇଥାନ୍ତି | ଏହି ଉପାୟରେ, ଆପଣ ପ୍ରାକୃତିକ ଜିନିଷ ସହିତ ମଶାମାନଙ୍କୁ ମାରିବାକୁ ଚେଷ୍ଟା କରିବା ଉଚିତ୍ |

ତୃତୀୟ ଉପାୟ
ମଶାକୁ ବିଲୋପ କରିବା ପାଇଁ ଆପଣ ଘରେ କିଛି ବିଶେଷ ଉଦ୍ଭିଦ ମଧ୍ୟ ରଖିପାରିବେ | ଏହି ଉଦ୍ଭିଦଗୁଡିକର ସୁଗନ୍ଧ ଦ୍ୱାରା ମଶା ଘରେ ରହିନଥାନ୍ତି | ଆପଣ ସିଟ୍ରୋନେଲା, ଲେମନ ବାମ, ମାରିଗୋଲ୍ଡ, ଲେଭେଣ୍ଡର କିମ୍ବା ରୋଜମେରି ଗଛ ଲଗାଇ ପାରିବେ |

ସମ୍ବନ୍ଧିତ ଖବର

Comments are closed.