ଆପଣଙ୍କ ସ୍ୱାମୀଙ୍କ ବିଷୟରେ ଏହି କଥା କାହାକୁ ଜଣାନ୍ତୁ ନାହିଁ

ମହିଳାମାନଙ୍କ ଗପସପରେ ସବୁଠାରୁ ଅଧିକ ଆଲୋଚ୍ୟ ପ୍ରସଙ୍ଗ ଥାଏ ସେମାନଙ୍କ ସ୍ୱାମୀ ବା ପ୍ରେମିକଙ୍କ ବିଷୟ। ମହିଳାମାନେ ସାଙ୍ଗମାନଙ୍କ ମେଳରେ ସେମାନଙ୍କ ପ୍ରେମିକ ବା ସ୍ୱାମୀଙ୍କ ବିଷୟରେ ସବୁ କଥା ଖୋଲି କରି କହି ଦେଇଥାନ୍ତି । କିନ୍ତୁ ତାହାର ପ୍ରଭାବ ସେମାନଙ୍କ ସାଥୀ ଉପରେ କିପରି ପଡ଼ିବ ତାହା ସେମାନେ ଭାବି ନ ଥାନ୍ତି । ଯଦି ଆପଣ ଏଭଳି କିଛି କରୁଛନ୍ତି ତେବେ ସେ ବିଷୟରେ ଦ୍ୱିତୀୟ ଥର ଭାବନ୍ତୁ । ଏପରି କରିବା ଦ୍ୱାରା ଆପଣଙ୍କ ସାଥୀକୁ କେଉଁ ଅସୁବିଧାର ସମ୍ମୁଖୀନ ହେବାକୁ ପଡୁଛି ସେ ବିଷୟରେ ଭାବନ୍ତୁ । ଆଜି ଆମେ ଆପଣଙ୍କୁ ଜଣାଇବୁ ଆପଣଙ୍କ ସାଥୀଙ୍କର କେଉଁ କଥା ଅନ୍ୟକୁ ଜଣାଇବା ଆଦୌ ଠିକ୍‌ ନୁହେଁ ।

୧. ସଂପର୍କ ଭିତରେ ଝଗଡ଼ା ହେବା ସ୍ୱାଭାବିକ କଥା, କିନ୍ତୁ ସେ ଝଗଡ଼ା ବିଷୟରେ ଅନ୍ୟକୁ ଜଣାଇବା ଏକ୍‌ଦମ୍‌ ଭୁଲ୍‌ । ବେଳେବେଳେ ମହିଳାମାନେ ନିଜର ଘରୋଇ ଝଗଡ଼ା ବିଷୟ ବାପଘରେ କହିଥାନ୍ତି । ଏପରି କରିବା ଦ୍ୱାରା ତାଙ୍କୁ ସାନ୍ତ୍ୱନା ତ ମିଳିଯାଏ, କିନ୍ତୁ ସ୍ୱାମୀଙ୍କ ପ୍ରତି ତାଙ୍କ ଘରଲୋକଙ୍କ ଦିୃଷ୍ଟିରେ ଥିବା ସମ୍ମାନ କମ୍‌ ହୋଇଯାଏ । ବୋଧହୁଏ ଏ ବିଷୟରେ ସେମାେନେ ଜାଣି ପାରନ୍ତି ନାହିଁ । ସେଥିପାଇଁ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ହେଉଥିବା ଝଗଡ଼ା କାହାକୁ ନ କହି ନିଜ ନିଜ ଭିତରେ ସମାଧାନ କରିବା ଭଲ ।

୨. ବାହାଘର ପରେ ଯେଉଁଠିକୁ ବି ଆପଣମାନେ ଯାଉଥିବେ, ସେଠି ଆପଣଙ୍କ ସ୍ୱାମୀ କ’ଣ କରୁଛନ୍ତି ଏବଂ ତାଙ୍କର ମାସିକ ଦରମା କେତେ ତାହା ସମସ୍ତେ ପଚାରିଥାନ୍ତି । ଯଦି ଏଭଳି ପରିସ୍ଥିତିର ସାମ୍ନା କରୁଛନ୍ତି ତେବେ ସେମାନଙ୍କୁ କେବେହେଲେ ନିଜ ସ୍ୱାମୀଙ୍କର ଦରମା ବିଷୟରେ କୁହନ୍ତୁ ନାହିଁ । କାରଣ ଆଜି ବି ଲୋକମାନେ ଅନ୍ୟର ସଂପତ୍ତି ଏବଂ ଟଙ୍କା ଦେଖି ସମ୍ମାନ ଦେଇଥାନ୍ତି ।

୩. ଯଦି ଆପଣଙ୍କ ସ୍ୱାମୀଙ୍କୁ କିଛି ଜିନିଷକୁ ଡର ଲାଗୁଥାଏ ବା ତାଙ୍କୁ କୌଣସି ରୋଗ ହୋଇଥାଏ ତେବେ ସେ ବିଷୟରେ କାହାକୁ କୁହନ୍ତୁ ନାହିଁ । ଯଦି ଆପଣ ସେ ବିଷୟରେ କାହାକୁ କୁହନ୍ତି ତେବେ ଲୋକମାନେ ଆପଣଙ୍କ ସ୍ୱାମୀଙ୍କୁ ଥଟା କରିବା ଆରମ୍ଭ କରିଦେବେ ଯାହାଦ୍ୱାରା ତାଙ୍କର ଆତ୍ମବିଶ୍ୱାସ କମ୍‌ ହେବା ସହ ସେ ଏକା ରହିବାକୁ ଲାଗିବେ ।