ଗ୍ୟାଷ୍ଟ୍ରିକ୍‌ ସମସ୍ୟା କାହିଁକି ହୋଇଥାଏ ? ଏଥିରୁ ବର୍ତ୍ତିବା ଲାଗି କ’ଣ କରିବେ?

ସାଧାରଣତଃ  ଲୋକମାନେ   ଗ୍ୟାଷ୍ଟ୍ରିକ ସମସ୍ୟାକୁ ସହଜରେ ନିଅନ୍ତି, ବିଶେଷ ଗୁରୁତ୍ୱ ଦିଅନ୍ତି ନାହିଁ । କିନ୍ତୁ ଏଥିପାଇଁ ଭୋକ କମ୍‌ ହେବା, ଚେଷ୍ଟ୍‍ ପେନ୍‌  ଓ ପେଟ ଫୁଲିବା ଆଦି ସମସ୍ୟା ହୋଇଥାଏ । ନ୍ୟାସନାଲ ଇଂଷ୍ଟିଚ୍ୟୁଟ୍‌  ଅଫ୍‌ ଆର୍ୟୁବେଦର  ବିଶେଷଜ୍ଞ ଡାକ୍ତର ସି.ଆର.ଯାଦବଙ୍କ ମତ ଅନୁସାରେ  ପାଞ୍ଚଟି କାରଣ ପାଇଁ ଗ୍ୟାଷ୍ଟ୍ରିକ୍‌ ହୋଇଥାଏ । ସେଥି ପ୍ରତି ଧ୍ୟାନ ଦେଲେ ତାହା ଦୂର ହୋଇଯାଏ।

 ୧- ପେଟରେ ଖରାପ ହେଲେ ଏବଂ ଶରୀରରେ  ବ୍ୟାକ୍ଟେରିଆ ବାଲାନ୍ସ ବା ସନ୍ତୁଳନ ନ ରହିଲେ ଗ୍ୟାସ୍‌  ହୋଇଥାଏ ।  କେତେବେଳେ ବି ଏହି ଅସନ୍ତୁଳନ  କିଛି ରୋଗର ସାଇଡ୍‌ ଇଫେକ୍ଟ  ପାଇଁ ହୋଇଥାଏ । ତାହା ଧ୍ୟାନରେ ରଖି ଚିକିତ୍ସା ହେବା ଉଚିତ୍‌।

୨-ରସୁଣ, ପିଆଜ ଓ ବିନ୍ସ ଆଦି  ପନିପରିବା ଏହି ଭଲ ଓ ଖରାପ ବ୍ୟାକ୍ଟେରିଆ ଭିତରେ ସନ୍ତୁଳନ  ବିଗିଡ଼ିବାରେ ସାହାଯ୍ୟ କରିଥାଏ । ତେଣୁ ଏହି ଜିନିଷ ଅଧିକ ପରିମାଣରେ ଖାଇବା କଥା ନୁହେଁ ।

୩- କୋଷ୍ଠକାଠିନ୍ୟ  ପାଇଁ  ଶରୀରରୁ ଟକ୍ସିନ୍‌ ବାହାରକୁ ଆସି ନ ଥାଏ ।  ସେଥିପାଇଁ ମଧ୍ୟ ଗ୍ୟାସ୍‌ ହୋଇଥାଏ । ଦିନକୁ ୮ ରୁ ୧୦ ଗ୍ଲାସ ପାଣି ପିଅନ୍ତୁ । ଖାଦ୍ୟରେ ଫାଇବର ଜାତୀୟ ଦ୍ରବ୍ୟ ଅବଶ୍ୟ ଖାଆନ୍ତୁ ।  ଫଳରେ ଏହା ଦୂର ହୋଇଯିବ ।

୪-କିଛି  ଆଣ୍ଟିବାୟୋଟିକ୍ସର ସାଇଡ୍‌ ଇଫେକ୍ଟ  ପାଇଁ  ଭଲ ବ୍ୟାକ୍ଟେରିଆ କମ୍‌ ହୋଇଯାଆନ୍ତି ।  ଫଳରେ ଡାଇଜେସନ୍‌  ହୋଇ ନ ଥାଏ । ଗ୍ୟାସ୍‌  ଲାଗି ରହେ।  ଏଥିପାଇଁ କିଛି ଆଣ୍ଟିବାୟାଟିକ୍‌ ନେବା ପୂର୍ବରୁ ପ୍ରଥମେ ଗ୍ୟାଷ୍ଟିକ୍‌ ମେଡିସିନ୍‌ ଖାଇବା ଉଚିତ୍‌ ।

୫- ବେଳେବେଳେ  ଜଲ୍‌ଦି  ଖାଇବା ଦ୍ୱାରା ଖାଦ୍ୟକୁ ଠିକ୍‌ ଭାବରେ ଚୋବେଇ ଖାଇ ହୁଏ ନାହିଁ । ଏହି କାରଣରୁ ମଧ୍ୟ ଗ୍ୟାସ୍‌ ହୋଇଥାଏ । ଏଥିପାଇଁ ଖାଦ୍ୟ  ଆରାମରେ ଚୋବେଇ  ଖାଇବା ଉଚିତ୍‌ । ଫଳରେ ସହଜରେ ହଜମ  ହୋଇଥାଏ । ଏଣୁ ଖାଇବା ସମୟରେ କଥାବାର୍ତ୍ତା ହେବା ଓ ଟିଭି ଦେଖିବା ଉଚିତ ନୁହେଁ ।